Nehemiya 13:3 - Bhibhiliya Nya Guage

³ Vathu na va pwide Nayo yoyu, va nya mayigo vatshavbo va di hambaniswa ni va na Israyeli.

Nehemiya 13:3 Iomraidhean Croise

Ezira 10:11

Khu guralo, olu, dzi layeni mu dawulela ga Pfhumu Nungungulu wa vababe vanu, mu gira gugola gwaye mu dzi hambanisani ni vathu va mambe mayigo, ni ga vanyamayi va mambe mayigo mu dzeganidego navo.”

Ezira 9:2

Kholu va di dzegana ni sanana sawe, avo navo va dzegisa sanana sawe nya sagadzyana si dzegwa khu madzaha yawe, khu kharato gu di dzegwa lifumbu nya vathu va agidego, li patana ni lifumbu nya vathu nya mayigo yoyo, ambari ni manganagana ni madhota nya valuveli, khavo va phedego khavo gu gira gighoho gyogyo.”

Nehemiya 10:28

Vambe vathu va diri vaphasi nya mhamba, va na Levhi, vawoneleli nya dzinyangwa, vaembeleli, vasayisi va Nyumbani ga Nungungulu ni vatshavbo vale va nga bani va dugela mayigwana ya vbafuvbi, vata namarela vbamilayotunu ya Nungungulu, ni gu vagadzi vawe ni sanana sawe nya sikhwathana nesi nya vanyamahegyane ni vatshavbo avo va nga bani na vari ni tanga nya guti ni gu pima.

Nehemiya 9:2

Va na Israyeli va di dzi hambanisa ni mambe mayigo, va ema va dzi laya khu kotani nya sighoho sawe ni sa vababe vawe.

Dzindzimo 119:11

Nyi ngu vegisa monyoni gwangu mahungu yago, gasi nyi si gu ghoheli.

Dzindzimo 119:9

Lidzaha li na dzi khodza karini gu agisa mavbanyelo yaye? Khu gu vegisa basi mahungu yago.

Ekisodha 12:38

Vambe vathu nya vangi nya mambe mafumbu va dugide navo gumogo ni va na Israyeli ni mitshambi nya dzinvuta ni dzimombe nya gutale ngudzu.

Mavingu 6:23

Kholu milayo kandriya, sihevbudzo i safa nya guwonegele, ni gukawukwa nya gululame, ndzila yi yisago guvbanyani;

Mitengo 11:4

Vbakari ga va na Israyeli gu diri ni tsawa nya valuveli, va nga bani va gu dogorela navo guhodza nya gwadi ga Egipito. Va na Israyeli navo va di engedzela gulila va ganela, khavo: “Khu mani a na gu hi ningago nyama hi hodza?

Varoma 3:20

Khu guralo, muthu lulamide mbeli gwa Nungungulu khu kotani nya gulandrise mithumo yi rumwago khu Nayo; kholu Nayo wa gu tulela muthu gu dziti gukhuye gighohi.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.