Nehemiya 13:23 - Bhibhiliya Nya Guage

²³ Khu matshigu yoyo gambe, nyi wonide gukheni vomo Vajudha va dzeganidego ni va nya mayigo nya va Asidhodhi, ni va Amoni, ni va Mowabhi.

Nehemiya 13:23 Iomraidhean Croise

1 Dzipfhumu 11:1

Mufumeli Solomoni a di haladza vanyamayi nya vangi va mambe mayigo; gu diga nyamahegyane wa Faro, dzegide gambe vambe vanyamayi va Mowabhi, va Amori, va Edhomi, va Sidhoni ni Vahiti.

Ezira 10:10

Khavbo avbo, Ezira, muphasi nya mhamba a di khuga a va embela, khuye: “Enu mu ghohide khu gu dzegana ni vanyamayi nya mambe mayigo, mu engedzela kharati gighoho gya Israyeli.

Ezira 10:44

Vathu vatshavbo vava, va di dzegide vanyamayi va nya mayigo; vambe nya avo va di velegide sanana navo vanyamayi vovo. Avo va di va tutumisa gumogo ni sanana sawe.

Nehemiya 10:30

gu va si lowodzisi vanyamahegyane vawe ga mambe mayigo, mwendro gu lowodza madzaha yawe vanyamahegyane vawe;

Nehemiya 10:31

bwelo khavbo vathu vovo, va gu resa wugwewo mwendro ni levbini lifumbu nya silo nya guhodzwe khu litshigu nya Sabhadho guta rengisa, hi si va rengeli khu litshigu lolo, ambari khu limbe litshigu li agisedwego Pfhumu Nungungulu, gima kha hi na renga; ni gukhavo khu mwaga nya livbandre na mivili, malime yathu hi na ma hefemudza hi si ma limi, bwelo khavbo hi si henguli ni mevbini mangava.

Nehemiya 13:1

Khu litshigu lolo, gu di hevbuledwa vathu Libhuku nya Nayo wa Mosi; libhukuni momo gu di manega na gu lovidwe gupwani va na Amoni ni va na Mowabhi, va si beli gambe tshanganoni wa Nungungulu,

Nehemiya 13:24

Gimbe gipandre nya sanana sawe, va di si kodzi gu ganela lidimi nya Gijudha, va di ganela lidimi nya Giasidhodhi ni lidimi nya mambe mayigo.

Nehemiya 13:27

Ina hi fanede gu mu dzumedzisa kharini gu girani guvivba gwatshavbo gogu nya gughohele Nungungulu wathu, khu gu dzeganani ni vanyamayi va mambe mayigo, gani?”

Nehemiya 4:7

Avbo Sambalati, ni Tobhiya, ni Vaarabhi, ni va na Amoni ni va na Asidhodhi, va ngapwago nya gupwani thumo nya guvbahedze libhiyo la Jerusalema wu ngu hongola mbeli, ni gu malufa ma ngu vbela, va di vbisega ngudzu.

Ekisodha 34:11

Vegedza gwadi esi nyi gu rumago muhuno. Nyi na tutumisa mbeli gwago Vaamori, Vakhanani, Vahiti, Vaperezi, Vahevhi ni Vajebhuzi.

2 Vakorinto 6:14

Mu nga hengeli guvbanya ni ava nyamba khodwa. Wu na manega kharini wuhengeli nya gululame ni guwegela? Gu ngu dzi kodza kharini gu hengela guwonegela ni gidema?

Dhewuteronome 7:1

Gikhati Pfhumu Nungungulu wago a na gu vbohisago ga litigo uyago umo gasi guya li fumela, avbo a na gu bani a tutumiside mbeli gwago, a va yisa hwindzo, vathu nya mafumbu nya gutale: Vahiti, Vagerazi, Vaamori, Vakhanani, Vaferezi, Vahevhi ni Vajebhuzi, livbandre na mavili mayigo ma gu na ni vathu nya vangi ni tshivba guvbindra uwe;

Rute 1:4

Iso si di dzega vagadzi nya lifumbu la Mowabhi, moyo a ranwago gupwani Orifa, mumbe pwani khu Rute. Va khade tigoni mule gipimo nya likhumi myaga.

1 Samuweli 5:1

Vafilistiya va di dusa Ngasa ya Nungungulu tigoni ga Ebhenizeri va yi yisa Asidhodhi.