Nehemiya 13:1 - Bhibhiliya Nya Guage

¹ Khu litshigu lolo, gu di hevbuledwa vathu Libhuku nya Nayo wa Mosi; libhukuni momo gu di manega na gu lovidwe gupwani va na Amoni ni va na Mowabhi, va si beli gambe tshanganoni wa Nungungulu,

Nehemiya 13:1 Iomraidhean Croise

2 Dzipfhumu 23:2

Mufumeli a di gwela Nyumbani ga Pfhumu Nungungulu, uye ni vathu vatshavbo va Judha, gumogo ni vavbanyi vatshavbo va Jerusalema, vaphasi nya mhamba, vaprofeti ni vathu vatshavbo, gukhugela avo nya vadugwane kala nya vakhongolo; gu hevbudwa na vapwa dzindzeveni gwawe magana yatshavbo nya Libhuku nya Gidzumeledzwano li nga tugudwago Nyumbani ga Pfhumu Nungungulu.

Nehemiya 13:23

Khu matshigu yoyo gambe, nyi wonide gukheni vomo Vajudha va dzeganidego ni va nya mayigo nya va Asidhodhi, ni va Amoni, ni va Mowabhi.

Nehemiya 2:10

Avbo Sambalati, nya Muhoroni, ni Tobhiya githumi, nya Muamoni, na va pwide esi, va di vbisega ngudzu, khu gupwani womo muthu nya gukari a dzudego guta girela silo nya gukari va na Israyeli.

Nehemiya 2:19

Avbo Sambalati, Muhoroni, Tobhiya, githumi nya Muamoni ni Gesemi, Muarabhi, va nga dzipwago, va di hi hega ni gu hi hembulula, va ganela, khavo: “Gasi ginani gyogyo mu girago? Mwa gu vbwetani gu wugela mufumeli, gani?”

Nehemiya 4:3

Aholu Tobhiya nya Muamoni a nga bani nari naye vbafuvbi a di khuye: “Esi va si vbahago, a nata ngehe ata si khungumula.”

Nehemiya 8:2

Muphasi nya mhamba Ezira, a dita ni Libhuku nya Nayo mbeli ga gidzemo gi nga bani na gi hengeledzanide nya vama ni vanyamayi, ni vatshavbo avo va nga bani na vari ni tanga nya guyingise iso si hevbudwago. A diri litshigu nya guhegule nya ngima nya livbandre na wuvili.

Nehemiya 9:3

Na va emide malangani gwawe, va hevbuledwa Libhuku nya Nayo wa Pfhumu Nungungulu wawe, gipandre nya wu na khu litshigu; gimbe gipandre nya wu na, va di dawulela sighoho sawe ni gu khozela Pfhumu Nungungulu wawe.

Isaya 34:16

Vbwetani libhuku la Pfhumu Nungungulu mu li hevbule; ni gimwegyo nya silo soso kha gi na hamugega; wu mwalo patwa wu na hamugegago, kholu leletede khu likana laye, ni Liphuvbo laye kamwe li na si tshanganisa.

Jeremiya 48:1

Khu mahungu ya Mowabhi, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Libango ga va na Nebhu, kholu lidhoropa lawe li khungumudwe.” Va na Kiriyatayimi, va padwe va modwa; likhokhola lawe li khungumudwe li thedwa dzitshoni.

Amosi 1:13

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa va na Amoni, kha nyi na bweledza tsayiso, kholu va pferulede dzimimba dza vanyamayi va Gileyadhi, gasi guanamisa litigo lawe.

Mitengo 22:5

A di rumela myango ga Bhalahama, mwamana wa Bheyori, tigoni ga Petori, gu khadego vbafuvbi ni tsongo wa Ewufrate, tigoni ga vathu vaye, gasi gu ya mu rana, a mu embela, khuye: “Wona gukhuwe vomo vathu va dugidego khu tigoni ga Egipito; olu va phorodzide litigo leli, va ti vbaha khu mbeli gwangu.

Luka 10:26

Jesu a di mu hakha, khuye: “Gasi ginani gi lovidwego omu nya Nayo? Ahati uwe, wa gu hevbula kharini?”

Mithumo 13:15

Na va hevbude lidangalila nya Nayo ni eli nya vaprofeti, vathangeli nya nyumba nya nombelo va di va embela, khavo: “Vandruye, mwa gu bani muri ni mahungu nya gulose khayo libandla, ganelani.”

Mithumo 15:21

Kholu, gukhugela matshiguni ya gale, Mosi na ni vahevbudzi nya Nayo va wu hevbulago mudzinyumbani nya nombelo khu dzisabhadho dzatshavbo.”