Nehemiya 11:1 - Bhibhiliya Nya Guage

¹ Avo va nga bani va thangela vathu, va di khala Jerusalema, aholu ava vambe vathu va di lola dzisolo gasi guti vbakari nya mitsawa nya likhumi mapango gu hathwa moyo a yelago guya khala dhoropani nya gukatege Jerusalema; gasi ava vambe nya livbandre na sina sipandre, va vbaha ga mambe madhoropa.

Nehemiya 11:1 Iomraidhean Croise

1 Dzikoronika 26:13

Va di hathwa khu solo khu nyangwa ni nyangwa, gasi guti siguruvedzo nya vathu nya vadugwana ambari avo nya vakhongolo, mayelano khu dzindranga dzawe.

1 Dzikoronika 8:28

Ava va diri vathangeli nya dzinyumba, mayelano khu longoloko nya mavelego yawe, avo va di gu vbanya Jerusalema.

1 Dzikoronika 9:1

Vatshavbo va na Israyeli va di lovedwa khu longoloko nya linyumba lawe, va vegwa umo nya Libhuku la Vafumeli va Israyeli. Va na Judha va di modwa va yiswa wugumbitunu Bhabhiloni, khu kotani nya sighoho sawe.

1 Dzikoronika 9:2

Avo va phedego khavo gu wuya vata vbahedza nyaluphye marumbini ni madhoropani gwawe, khu va na Israyeli, vaphasi nya mhamba, va na Levhi ni sithumi sa Nyumbani ga Nungungulu.

1 Dzikoronika 9:3

Aholu, vambe nya gukari va na Judha, va na Bhejami, va na Efrayimi ni va na Manasi, va di khala Jerusalema.

Nehemiya 10:34

Gasi ethu vaphasi nya mhamba, va na Levhi, ni vathu vatshavbo gulandra khu linyumba la vababe vathu, hi lole dzisolo nya guti khu mani a na gu resago khu mwaga ni mwaga dzikhuni nya gute khondrisa khidzo nilo vbagiluvelotunu gya Nyumbani ga Pfhumu Nungungulu wathu, khu matshigu ma emisidwego kha nga idzo gu lovidwego khidzo umo nya Nayo.

Nehemiya 11:18

Vatshavbo va na Levhi va nga bani va gu vbanya Jerusalema lidhoropa nya gukatege, va diri mazana mavili ni livbandre na mararu magumi na vana (248).

Nehemiya 4:22

Khu gikhati gyogyo, nyi di ganela esi ga vathu, kheni: Moyo ni moyo wa na gyathu gumogo ni sithumi sawe, va nga khugi Jerusalema, gasi va kodze gu hi phasedzela gu ghadha vbawutshigutunu, gasi vbamihanitunu hi kodze guvbaha.”

Dzindzimo 122:5

Si vegidwe iyo sikhalo nya gulamule mahungu, sikhalo nya wufumu wa nyumbani ga Dhavhidhe.

Dzindzimo 122:6

Lombelelani gasi gu manege gurula Jerusalema! Va na vbanye na va tangade avo va gu golago.

Mavingu 16:33

Vathu va ngu kodza gu wudzisa khu gulola dzisolo, aholu uye a ningago phindrulo khu Pfhumu Nungungulu ekha.

Isaya 48:2

Enu mu dzi ranago khu lina nya lidhoropa nya guage, mu sambanyago khu Nungungulu wa Israyeli, lina laye a gu uye Pfhumu Nungungulu nya Tshivba Yatshavbo.

Isaya 52:1

Khendzuga! Khendzuga, Siyoni, ambala tshivba yago. Ambala guambala gwago nya wumburi, uwe Jerusalema, Lidhoropa nya gukatege; kholu gima kha va na bela gambe ndrani gwago va nyamba hana wugwera ni vale va dzi nyenyezisidego.

Matewu 27:53

na va dugide khu marowoni, hwane nya gu bani a wugide Jesu, va di bela dhoropani nya gukatege, va wonega ga va nya gutala.

Matewu 4:5

Khavbo avbo, Sathane a di mu dzega a gu hongola naye dhoropani nya gukatege; aya mu emisa gikolitunu nya Nyumba ya Nungungulu,

Mithumo 1:24

Khavbo avbo, va di gira nombelo, khavo: “Pfhumu, Uwe utigo monyo nya muthu ni muthu, wonegisa ga ava vavili khu wevbini uye u mu hathidego,

Mithumo 1:26

Khavbo avbo, va di gira tumbatumbane; gi gu thegela Matiya. Gukhugela avbovbo a di vegwa tengoni nya vale nya likhumi na vavili vapostoli.

Josuwa 18:10

Khavbo avbo, Josuwa a di lola dzisolo mbeli ga Pfhumu Nungungulu, a kavedzela litigo sanana sa Israyeli gukhedza khu dzinyumba dzawe, nari khu tigoni ga Silo.