Muhevbudzi 8:4 - Bhibhiliya Nya Guage

⁴ Lito la mufumeli li na ni tshivba; khu mani a yelago gu mu kawuka, khuye: “Ginani u girago?”

Muhevbudzi 8:4 Iomraidhean Croise

2 Samuweli 24:4

Khu guralo, magana ya mufumeli ma di simama ga Jowabhi, gumogo ni vathangeli nya nyimbi; khavbo avbo, Jowabhi gumogo ni vathangeli nya nyimbi va di khuga mbeli ga mufumeli va ya gira gilovela ga va na Israyeli.

1 Dzipfhumu 1:30

gukheni, muhuno kamwe nyi na gira iso nyi gu sambanyedego mbeli ga Pfhumu Nungungulu wa Israyeli, kheni: Khu lisine mwanago Solomoni a na fuma hwane gwangu, khuye a na gu khalago vbagikhalotunu gwangu nya wufumu, a tshikhedza wulanga wangu, nyi na gira kharato litshigu la muhuno.”

1 Dzipfhumu 2:25

Mufumeli Solomoni a di rumela Bhenaya mwamana wa Joyadha, aya mu songa.

1 Dzipfhumu 2:46

Mufumeli a di ruma Bhenaya, mwamana wa Joyadha, uye a di duga aya mu dhumela a mu songa. Khu kharati mufumo wu di tiyiswa gwadi mandzani ga Solomoni.

Ezira 6:13

Khavbo avbo, Tatenayi mwamangulu wa khisikheyi nya tsongo, Setari-Bhozinayi, gumogo ni vamata vaye, va di dzi garadza khu gu gira kharato, kha nga guleletela ga mufumeli Dhariyo.

Joba 9:12

A gu vbweta gu dzega gilogyo, khu mani a mu himbedzelago? Khu mani a na gu tiya gu mu wudzisa, khuye: Ginani u girago?

Ekisodha 1:18

Khavbo avbo, mufumeli wa Egipito a di ranisa vasingalagadzi a va wudzisa, khuye: “Khu ginani mu girago kharati, mu diga sanana nya sikhwathana si vbanya?”

Mavingu 19:12

Likhulo la mufumeli la gu fanana ni gubhonga nya nghala, gutsakedwa khuye gu fanana ni thondrwane mwasini.

Mavingu 20:2

Likhulo la mufumeli la gu fanana ni gubhonga nya nghala, ni wevbini a yi khuthago a gu dzi vangela lufu.

Mavingu 30:31

khonge wu dzi tumbago; nyamabhongwe, ni mufumeli mbeli nya gikwata gyaye a gumba yela gu ganedzwa khu muthu.

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Dhaniyeli 4:35

Vatshavbo va vbanyago mafuni, khandri gilo mbeli gwaye. Uye a gu thuma iso a si golago, khu mabutho nya dzingilozi dza ndzadzini ni vathu va vbanyago mafuni. Mwalo a ndreyisago gyandza gyaye mwendro gu mu embela, khuye: “Ginani u girago?”

Varoma 9:20

Uwe muthu, khuwe mani, uwe nya gu ganedzisane ni Nungungulu? Ina khali nya libumba yi ngu dzi kodza gu wudzisa ga muwumbi waye, khiyo: “Khu ginani u nga nyi wumbago kharati?”