Muhevbudzi 7:4 - Bhibhiliya Nya Guage

⁴ Myonyo ya vathu nya guti yomo nyumbani nya gililo, aholu ya avo nya sipumbu yomo nyumbani nya buzo.

Muhevbudzi 7:4 Iomraidhean Croise

2 Samuweli 13:28

Abhisalamo a di leletela madzaha yaye, khuye: Khedzani gwadi, gikhati monyo wa Amoni wu na gu bani wu tsakide khu wadwa, eni nyi na mi embelani, kheni: Songani Amoni, enu mu songeni nyambana hwanga, kholu kheni nyi mi rumago! Tiyani mu khale vama nya dzindrena.

1 Dzipfhumu 20:16

Nyimbi yi di phela ni mihani, gikhati Bheni-Hadhadhi ni vafumeli vaye nya magumararu na vavili va nga bani na va gu sela mawadwa ni gu leva mitshatshani gwawe.

Muhevbudzi 2:1

Nyi di ganela khu monyoni gwangu, kheni: “Delu! Nya gu vbweta gu gu pwisa gutsaka; dzi buze khu gunengela.” Aholu nyi di si wona gambe nari gu dzi pfhadza.

Muhevbudzi 7:3

I tshukwana guvbisega, guvbindra mahego; kholu marongo ma gu swihadza khovbeni aholu ma ngu tangadzisa monyo.

Muhevbudzi 7:5

I tshukwana gu kawukwa khu muthu nya guti, guvbindra gu yingisa litembo nya gipumbu.

Isaya 21:4

Monyo wangu wu ngu ghavata nyi ndrendremela khu guthava, wutshigu nyi nga wu vbwetago, wu vbindrugedzide avbo gwangu wu khala gilo nya guthise.

Jeremiya 51:39

Aholu na va nga gupwa ndzala, nyi na va girela buzo nyi va levisa khu wadwa, gasi va tsaka guvbindra pimo, va lala ligovbe nya gupindruge nyamba wuga gambe, a ngu ganela Pfhumu Nungungulu.

Jeremiya 51:57

Pfhumu Nungungulu a ngu ganela, khuye: “Nyi na levisa vathangeli ni vagengeli vawe, vafumeli, dzindruna ni masotshwa yawe, va na lala ligovbe nya gupindruge nyamba khendzuga gambe; a ngu ganela Mufumeli, lina laye a gu uye Pfhumu, Nungungulu nya Tshivba Yatshavbo.

Dhaniyeli 5:30

Khu wutshigu wowo kamwe, a di songwa Bhalitazari, mufumeli wa Vakalidhiya.

Hoseya 7:5

Litshigu nya buzo wa mufumeli wathu, vathangeli va di vbindrugedza va khala vadwali, khu gu leva khu vhinya, va nga selago gumogo ni sidambane.

Nahume 1:10

Kholu ambari na va tshunganede kha nga miba, va gu fanana ni vathu nya guleve khu wadwa, va na vbiswa nga mwasi nya gubange.

1 Samuweli 25:36

Avbo Abhigayili a nga bwelelago ga Nabhali, a diya mu mana na gu gira buzo nya nga wa mufumeli, na tsakide ngudzu monyoni gwaye, kholu a di levide ngudzu, Abhigayili kha nga mu embela gilo kala gugya.

1 Samuweli 30:16

Avbo lidzaha li nga relelago gu vbelegedza Dhavhidhe, Vaamaleki va di phalalegide ni gipandre nya litigo, na va gu hodza ni gu sela, na va gu tsakela thomba nya yingi va nga yi wandra tigoni ga Vafilisitiya ni ga Judha.