Muhevbudzi 7:14 - Bhibhiliya Nya Guage

¹⁴ Tsaka khu matshigu nya makategwa; aholu khu matshigu nya gutshaniseke alakanya Nungungulu a giridego eli litshigu ni lile, gasi muthu a si tuguli iso si natago khu hwane gwaye.

Muhevbudzi 7:14 Iomraidhean Croise

1 Dzipfhumu 8:47

khu tigoni va na gu yiswago iyo guya khala dzikhumbi, va guya dzi laya, va vbindrugedza va lombelela, khavo: Hi ghohide, hi giride silo nya guvivbe, hi sighohi;

Joba 2:10

Joba a di mu hakha, khuye: “Wa gu ganela kha nga nyamayi nya gipumbu. Ina hi yede gu hakha basi iso nya sadi khiyo ga Nungungulu, nyamba hakha iso nya guvivbe, gani?” Khu satshavbo soso, Joba gima kha dzi nyenyezisa khu gu ganela khu likana laye.

Dzindzimo 119:71

Gutshaniseka gwangu gu nyi phaside, kholu nyi hevbude guti milayo yago.

Dzindzimo 40:3

Vegide kanani gwangu ndzimo nya yiphya, ndzimo nya gurungudze Nungungulu wathu; nya vangi va na si wona silo soso, va na thava ni gu tumba Pfhumu Nungungulu.

Muhevbudzi 10:14

Gipumbu gya gu laphisa magana; gambe muthu a ngu hangwa khiso si tago khu mbeli; gasi khu mani a na gu mu embela iso si na gu mu dugelelago hwane gwaye?

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Muhevbudzi 12:8

Gu dzi pfhadza, nya gu dzi pfhadze, a di ganela kharato Muhevbudzi, khuye: Satshavbo gu dzi pfhadza.

Muhevbudzi 3:22

Khu guralo, nyi wonide gukheni gu mwalo gunengela nya gukhongolo ga muthu guvbindra gu uye a dzi tsakela khu mithumo yaye, owu khuwo tshatshazelo waye. Kholu khu mani a na gu mu wuyisago gasi guta wona iso si na gu dugelelago khu hwane?”

Muhevbudzi 3:4

gikhati nya gulile, ni gikhati nya guhege; gikhati nya wuvi, ni gikhati nya gughiye khu gutsaka;

Muhevbudzi 5:17

A na vbedza matshigu yaye mugidemani, a khala khu gu vbisega a tshaniseka ni gulila!

Muhevbudzi 8:7

Kholu uye kha giti ginani gi na mu dugelelago. Ni guti gukhuye khu mani a na gu mu tivisago edzi silo si na mu dugelelago khidzo.

Muhevbudzi 9:7

Olu indra uya dzi hodzela khu gutsaka u sela vbinyu yago monyo wago na wu salalegide; kholu, Pfhumu Nungungulu a ngu tsaka khu mithumo yago.

Isaya 26:11

Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Jeremiya 23:20

Likhulo la Pfhumu Nungungulu kha li na vbindra na li si gu giri iso li fungidego gu gira; khu matshiguni nya guhegise mu na si wona ni gu siti gwadi.

Gililo 3:38

Makategwa ni dzimhango kha si dugi khu kanani ga wule a Khusegidego Ngudzu, gani?

Mikeya 6:9

Lito la Pfhumu Nungungulu li ngu huwelela ga lidhoropa; uye a gengedego a ngu thava lina laye. Upwani lipitso ni uye a li rumedego.

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Dhewuteronome 26:11

Khavbo avbo, u na nengela khu satshavbo nya sadi esi Pfhumu Nungungulu wago a gu ningidego, uwe gumogo ni ndranga yago, ni Mulevhi, gumogo ni muluveli a vbanyago vbakari gwago.

Dhewuteronome 28:47

Kholu uwe khwa khozela Pfhumu Nungungulu wago, khu gutsaka ni monyo wago watshavbo, gikhati a nga mi kategisa khu gu fuma satshavbo.

Dhewuteronome 8:3

Uye a di gu poyila a gu diga upwa ndzala, a gu hodzisa manaha, uwe u nga bani u si mati, ambari vababe vago va di si mati, gasi u kodze gu pima gukhuwe muthu kha vbanyi basi khu guhodza, aholu khu satshavbo iso si dugago khu kanani ga Pfhumu Nungungulu, isoso si ngu vbanyisa muthu.

Dhewuteronome 8:5

Khu guralo, khala nu gu dziti nya gukhuwe, kha nga muthu a lulekago gyanana gyaye, kharato nuye Pfhumu Nungungulu wago, a na gu luleka gasi gu gu laya.

Jakobe 5:13

A gu bani a romo muthu vbakari gwanu, a sanisekago, a na lombelele. A gu bani a romo a tsakidego, a na embelele dzindzimo nya gubonge.