Muhevbudzi 7:1 - Bhibhiliya Nya Guage

¹ Gwadi ngudzu gu mana lina nya guzundege vbakari nya vathu, guvbindra mafura nya gunungele ma rengwago khu tengo nya wungi, ni litshigu nya gufe, guvbindra litshigu nya gu velegwe muthu.

Muhevbudzi 7:1 Iomraidhean Croise

Joba 3:17

Thowoni nya vafi, va nya guvivbedwa khu monyo kha va nga gu sanisa vathu, avo va garadego, va ngu mana guhefemula.

Dzindzimo 133:2

Gufanana ni mafura nya gunungele ma thedwego hungoni ga Aroni, ma kwiriga ma naganisa giledzu gyaye, ma gu vboha kala ni dzitshokani nya guambale gwaye.

Mavingu 15:30

Iso si tsakedwago khu maho, sa gu tsakisa monyo, ni mahungu nya yadi, ma gu tiyisa marambo.

Mavingu 22:1

Gu manega nuri ni lina nya ladi, guvbindra thomba nya gutale; ni guzundzega nugo, guvbindra parata ni ndralama.

Mavingu 25:10

Kholu oyu a gupwago, a na gu thela dzitshoni, noda yago yi si tshugi.

Mavingu 27:9

Mafura ni libani sa gu resa gutsaka monyoni, kharato nugo pari ya gupwa gutshamba, khu wupari nya wadi.

Muhevbudzi 10:1

Phuga nya gufe yi ngu kodza gu ghoha mafura nya gunungele, kharato nugo wupumbu wudugwana wu ngu kodza gu ghoha wugengeli ni wuzundzo nya muthu nya guti.

Muhevbudzi 4:2

Eni nyi di, kheni: Va kategide avo va fudego gale guvbindra avo va vbanyago olu.

Muhevbudzi 7:8

Mahegiso nya gilo i tshukwana guvbindra maphelelo yaye. I tshukwana gu timisela, guvbindra dzihanyi.

Gizimba 1:3

khu gutshamba nya gunungele nya mafura yago; lina lago la gu fanana ni mafura ma guhudwego; khidzo u haladzwago khidzo khu sagadzyana.

Gizimba 4:10

Idzo li lombelago khidzo lihaladzo lago, ndriyangu ni khundzwa yangu! Lihaladzo lago la gu tshamba ngudzu guvbindra vbinyu, ni mafura u tolago ma guvbindra mafura yatshavbo nya gunungele.

Isaya 56:5

nyi na va ninga wulanga ni lina nyumbani ni mabhiyoni gwangu, eli li vbindrago gu mana sanana nya sikhwathana ni sagadzyana. Nyi na ninga moyo ni moyo nya avo lina nya gukala gupindruga, li na gumba fuva.

Jona 4:3

Khu guralo, uwe Pfhumu Nungungulu, nyi ngu gu lomba u nyi songe, kholu i tshukwana gufa guvbindra guvbanya.”

Luka 10:20

Gasi enu, mu nga tsakini basi khu gu yingiswa khu maphuvbo. Aholu tsakani kholu malina yanu ma lovidwe Ndzadzini.”

Johane 13:2

Na vari vbakari nya gulalele, Sathane a di kutsedzela Judha Sikariyoti, mwamana wa Simoni, gasi a ningele Jesu.

2 Vakorinto 5:1

Ethu hatshavbo hi ngu dziti gwadi gukhethu wa gu hagala tshatsha yoyu a gu givili gyathu, yi gu nyumba yathu ya mafuni, Nungungulu a hi dongisede gu hi ninga yimbe nyumba Ndzadzini, nyumba nya gupindruge ya sa girwago khu mandza nya vathu.

2 Vakorinto 5:8

Ethu hi na ni gutumba, hi ngu gola ngudzu gu duga givilini momu gasi guya vbanya ni Pfhumu.

Vahebheru 11:2

Kholu khu gukhodwa, vathu va gale va mane guzundzwa khu Nungungulu.

Vahebheru 11:39

Vatshavbo va hakhidwe khu Nungungulu khu kotani nya gukhodwe va nga bani vari nago. Aholu kha va hakha esi uye a nga va tumbisago.

Gutuledwa 14:13

Nyi dipwa lito ndzadzini li nyi embela, khilo: “Lova, khuwe: Va kategide vale, gukhugela muhuno, va na felago mandzani ga Pfhumu.” Liphuvbo li di, khilo: “Ina, khidzo furi! Gugaralani gwawe va na mana guhefemula, kholu mithumo yawe yi ngu va landrela.”

Rute 3:14

Rute a di lala mawundruni gwaye kala gugya, a vindrugela gu wuga gu ngari dzimindru ngudzu, kholu Bhowazi, a di si dzini gukhuye a tidwa khu muthu gupwani a di dzude nyamayi a ta lala githalatunu.