Muhevbudzi 6:6 - Bhibhiliya Nya Guage

⁶ Ina, ambari na vbanyide magumavili mazana (2.000) myaga, aholu na sapwa gutshamba khu thumo waye, uye gumogo ni gyanana, vatshavbo kha va hongoli dangamwedo, gani?

Muhevbudzi 6:6 Iomraidhean Croise

Genesi 5:5

Adhamu fude nari ni livbandre na mana mazana ni magumararu (930) myaga nya guvelegwe gwaye.

Joba 1:21

a ganela, khuye: “Nyi dugide khu ndrani ga mayi wangu nyiri mwalo gilo, nyi na bwelela gambe nyiri mwalo gilo. Pfhumu Nungungulu a nyi ningide, Pfhumu Nungungulu dzegide; li na bongwe lina la Pfhumu Nungungulu!”

Joba 30:23

Nyi ngu dziti gukheni U ngu nyi yisa lufutunu. Wulanga wu dongisedwego vathu vatshavbo va vbanyago.

Joba 7:7

Alakanya gukhuwe womi wangu furugedzo nya phuvbo, maho yangu kha ma lireli gambe gu wona gutsaka.

Dzindzimo 34:12

Khu wevbini muthu a vbwetago guvbanya, a golago guvbanya matshigu nya gulaphe gasi gu wona silo nya gutsakise?

Muhevbudzi 12:7

Khu kharato kudzudzwane wu na bwelele mafuni wu dugedego umo, ni hefemulo wu bwelela ga Nungungulu a wu giridego.

Muhevbudzi 2:14

Muthu nya guti a ngu wona umo a hongolago, aholu gipumbu gya gu gimbila mugidemani. Ambari ulo nyi ngu pima gukheni vatshavbo mahegiso yawe mamowo.

Muhevbudzi 3:20

Vatshavbo va na hegisa khu guya dangamwedo. Va giridwe khu kudzudzwane nya mafu, khu guralo, vatshavbo va na bwelela mafuni.

Muhevbudzi 6:3

Gwa gu phasa ginani muthu a gu velega lizana (100) sanana, a vbanya myaga nya gutale, matshigu yaye ma lapha ngudzu, aholu hefemulo waye wu si khuri khu gunengela, a gu hamuga ni muthu nya gu mu dzinge; eni nyi ngu tiya nyi ganela gukheni, gyanana gi velegidwego na gi fude gi kategide guvbindra muthu yoyo.

Muhevbudzi 6:5

ambari gi ngamba wona lidambo, gumogo ni gu liti, igyo gi ngu hefemula gurulani guvbindra uye.

Muhevbudzi 7:2

I tshukwana gu tutumela nyumbani nya gililo, guvbindra nyumbani nya buzo. Kholu avbovbo khavbo a gu mahegiso nya muthu; ni vale va vbanyago va fanede gu pimisa.

Muhevbudzi 9:2

Vathu vatshavbo va ngu dugedwa khiso khu ndzila ya mweyo, ga vale va lulamidego ni vale nyamba lulama, vale va agidego ni avo nyamba dzi agisa, avo va ningelago miphaso ni avo va si ningeligo. Muthu nya wadi a gu fanana ni gighohi, uye nya gumba sambanya kha nga wule a sambanyago.

Isaya 65:20

Kha gu na manega gambe gwawe sanana nya guvbanye matshigu madugwana, ambari sikhosane nya gumba tshanganisa matshigu nya guvbanye gwawe; kholu oyu a na fago nari ni lizana (100) myaga, a na bani na ngari lidzaha, aholu gumba tshanganisa lizana myaga, gu na wonwa kha nga givalo.

Isaya 65:22

Kha va na vbaha gambe dzinyumba dzi ta khadwa khu vambe vathu; kha va na yala gasi gu vambe va hodza. Kholu, vathu vangu va na vbanya myaga nya gulaphe kha nga misimbo, sihathwa sangu si na hodza satshavbo nya thumo nya mandza yawe.

Jeremiya 17:6

Muthu nya nga yoyo, a ngu fanana ni magukhu nya guwune ya giwulani; uye gima kha na wona makategwa ma guta; aholu a na khala malangani nya gihala ya mugiwulani, litigo nya munyu nyamba khadwa khu muthu.

Vahebheru 9:27

Muthu ni muthu emede gufa gumogo basi, khu hwane nya ugo, a lamudwa khu Nungungulu.