Muhevbudzi 4:1 - Bhibhiliya Nya Guage

¹ Nyi di engedza nyi wona idzo va tshanisanago khidzo vathu omu mafuni; ni marongo ya vale va tshaniswago, na guri mwalo ni moyo nya gu va tangadzise. Vatshanisi vawe va di va wugela, aholu avo va diri mwalo muvhikeli.

Muhevbudzi 4:1 Iomraidhean Croise

Joba 16:4

Eni neni nyi di hadza gu ganela nga enu; nari gupwani libango li nga nyi dugelela li diri vbakari gwanu, nyi di hadza gu ganela magana nya gu mi khuvekise, nyi kutsunga hungo khu enu.

Joba 35:9

Vathu va gu keta va lila khu gu taledwa khu sigaradzo, va lomba gu tshudziswa mandzani ga avo va gu ni tshivba.

Joba 6:29

Pheledzani gu nyi lamula, mu nga nyi hoseli; kholu nyi mwalo nandru nyi nga tiyide gululamani.

Joba 9:24

Litigo la gu ningedwa mandzani nya sighohi, Uye a gu sega maho ya valamuli vaye, a gu bani nasiri uye, gasi khu mani a girago?

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 142:4

Khedzisa gwadi maphuvbo yatshavbo, mwalo a thelago kota khu eni, kholu nyi mwalo wulanga nya guthavele avbo.

Dzindzimo 142:5

Nyi di rana uwe Pfhumu Nungungulu, kheni: “Uwe khuwe wuthavelo wangu; khuwe thomba yangu tigoni nya vathu va vbanyago.

Dzindzimo 42:3

Marongo yangu ma gu khala guhodza gwangu wutshigu ni mihani, litshigu ni litshigu na va gu nyi embela, khavo: “Womo hayini Nungungulu wago?”

Dzindzimo 42:9

Nya gu vbweta gu mu embela, kheni: “Uwe Nungungulu, muvhikeli wangu, khu ginani u nyi digidego? Khu ginani nyi na gimbilago na nyi gu vbisega ni gu tshaniswa khu valala vangu?

Dzindzimo 69:20

Va nyi vade kala ni monyo wangu wu vbisa, nyi vbela tshivba; nyi vbwetide nya gu nyi pwele wusiwana, aholu kha nya mu mana; kha nya mana ni moyo nya gu nyi tangadzise.

Dzindzimo 69:21

Va nyi thelede guhodza nya guthedwe wuhungu nya gusonge, na nyi gupwa lidora va nyi ninga ginageri.

Dzindzimo 80:5

U hi thelede wusa nya marongo hi hodza, u hi ninga khokho nya gutale khu marongo hi sela.

Ekisodha 1:16

“Avbo mu dzegelelago vanyamayi nya Vahebheru, khedzisani gwadi gyanana: Va gu hefemula gyanana nya gikhwathana, songani; a gu bani nari gyagadyana gi digeni gi vbanya.”

Ekisodha 1:22

Khavbo avbo, Faro a di vega nayo yoyu ga vathu vaye vatshavbo, khuye: “Dzamisani tsongoni wa Nilo sanana satshavbo nya sikhwathana si velegwago khu Vahebheru. Aholu esi nya sagadzyana si digeni satshavbo si vbanya.”

Mavingu 19:7

Gisiwana gya gu nyenywa khu vandriyaye vatshavbo, dzipari dzaye nidzo dzi na gimbilela hwindzo gwaye; ambari gya gu lomba guphaswa khavo, avo va gu hambana nagyo.

Mavingu 28:3

Muthu nya gisiwana a dzi girago gitetema, a tshanisa sisiwana sikwawe, a gu fanana ni ndzadzi nya ndrambi yi kukulutago mavbila yatshavbo gu si tshali gilo.

Mavingu 29:2

Va nya gululama va gu fumela litigo, vathu va gu tsaka, aholu, va gufuma va nya guvivbedwa khu myonyo, vathu va gu lila.

Muhevbudzi 3:16

Hwane nya isoso, nyi wonide gambe esi mafuni momu; guvivba gu di fuma wulangani nya wulamuli, ni gighoho gi fuma wulangani nya gululame.

Muhevbudzi 5:8

Wa gu tshuka u wona tigoni na gu tshaniswa sisiwana ni gu hambaniswa nayo, u nga samali kholu uye a gu khongolo a na ni mumbe vbatshani gwaye a mu kalavelago a gu khongolo guvbindra uye, vbatshani ga avo va vavili, womo gambe uye a khusegidego ngudzu gu va vbindra a va kalavelago nuyeavo.

Muhevbudzi 7:7

Dzitshanisa dza gu khunguvanyisa ni vagengeli, ni mifidho ya gu ghoha myonyo nya vathu.

Muhevbudzi 8:9

Satshavbo sesi nyi si wone gikhati nyi nga pimisa khu mithumo yatshavbo yi girwago mafuni momu, muthu nya tshivba a gu fumela mumbe muthu gasi gu mu tshanisa.

Isaya 5:7

Kholu lithembwe nya miuvha la Pfhumu Nungungulu nya Tshivba Yatshavbo, khu nyumba ya Israyeli, ni vathu va Judha, khavo dzimbewu a nga bani a dzi lirela gu mu tsakisa; Uye a di gu lirela gu wona gwawe gululama, aholu gu di wonega basi gusongana; a di gu lirela gu wona nayo ni lisine, aholu a dipwa basi dzihuwa ni miketo.

Isaya 51:23

Aholu nyi na gi vega mandzani ga vatshanisi vago, avo va gu embelago, khavo: Thega, huwe labalaba, gasi hi vbindre khu vbatshani gwago; kholu hwambo wago wu namide mafuni, wu khala nga ndzila va vbindrago khavbo vathu.”

Isaya 59:7

Migondro yawe ya gu tutumela guvivbani yi gu vbiredza, gasi guya songa muthu nyambana nandru; maalakanyo yawe khya gu gira guvivba, umo va gimbilago, gu sasela ni gumbembisa basi.

Jeremiya 16:7

Gambe mwalo a na gu hodzago navo guhodza nya gililo gasi gu va tangadzisa, kholu va fedwego, ambari gu va ningwa libogo nya gu thaveledwe, ga vale va fedwego khu vavelegi vawe.

Gililo 1:16

Khiso si nyi lidzisago; maho yangu ma vbaladza marongo, aholu mwalo a nyi tangadzisago, ni gu tiyisa hefemulo wangu; sanana sangu si ngu saniseka, kholu nala a ngu ghiya. Pheni

Gililo 1:17

Siyoni khusedzide mandza a lombelela, aholu mwalo a mu tangadzisago, Pfhumu Nungungulu leletede valala va Jakobe va mu randrela khu malanga yatshavbo, Jerusalema khade gihegiso mbeli gwawe. Sade

Gililo 1:2

A gu lila khu wuvi wutshigu watshavbo; marongo ma goga khu sigundruni gwaye. Vbakari nya sigodwa saye, mwalo ni moyo a mu tangadzisago, dzipari dzaye dzi vbindrugedzide dzi khala valala vaye. Guimel

Gililo 1:9

Dzingandzu dzaye dzi tade khu ndzilo. Aholu uye kha nga alakanya litshigu nya mahegiso; ni guthega gwaye gu samadziside, aholu kha nga mana ni moyo nya gu mu tangadzise. Wari khuye “Pfhumu Nungungulu, wona wusiwana wangu, kholu nala a ngu ghiya.” Yod

Amosi 3:10

Kholu avo kha va kodzi gu gimbila khu gululama, a ngu ganela Pfhumu Nungungulu, va gu wungedzela dzinyumbani gwawe nya wufumu esi va nga phangago khu wurena ni dzihanyi.

Amosi 3:9

Pwadzani esi umo nya dzinyumba nya wufumu dza Asidhodhi ni dzinyumba nya wufumu dza tigoni ga Egipito, mu va embela, khenu: Tombanani musigomoni sa Samariya, mu wona pfilupfilu nya yikhongolo yi guromo umomo, ni wughevenga yi guromo mabhiyoni gwaye.

Malakiya 2:13

Gomo gambe gumbe guvivba mu gu girago. Mwa gu tadzani khu marongo giluvelo gya Pfhumu, khu gu lila ni gu keta; kholu Pfhumu Nungungulu kha nga gu dzumela gambe gu hakha miningelo yanu, ambari gu hakha khu matsenya ndruwo ya mandzani gwanu.

Malakiya 3:18

Khavbo mu na wonago nyaluphye guhambana gu guromo ga vathu nya gululame ni vale nya guvivbedwe khu monyo, ga vathu va khozelago Nungungulu ni avo va gumba mu khozela.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Matewu 26:56

Aholu satshavbo sesi sa gu girega, gasi gu tadzisega Milowo ya vaprofeti.” Khavbo avbo, vapizane vatshavbo va di mu tshiya enga, va gu thava.

Dhewuteronome 28:33

Mihandro ya mahangeni gwago, ni thumo wa mandzani gwago, si na hodzwa khu vathu u gumba vati; uwe u na tshaniswa ni gu tshonigiswa matshigu yatshavbo;

Dhewuteronome 28:48

Khu guralo, u na thumela valala avo Pfhumu Nungungulu a na gu va rumela avbo gwago, va ta gu tshanisa khu ndzala, lidora, wuhagadzo ni wusiwana nya wukhongolo ngudzu; avo va na gu rwega kanga nya dzisimbi nya gulemele thamoni gwago, kala va gu mbembisa.

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.

Valamuli 4:3

Va na Israyeli, va di lila ga Pfhumu Nungungulu, kholu Jabhimi a diri ni livbandre na mana mazana (900) dzikareta nya dzisimbi, a di tshanisa khu dzitshikhwi va na Israyeli ndrani nya magumavili myaga.