9 Giphaso muni a gi manago muthu khu gu dzi garadza gwaye?
Thumo watshavbo wu na ni tshatshazelo waye, aholu gu ganela ngudzu basi, gwa gu yisa wusiwanani.
Gasi giphaso muni muthu a gi manago khu thumo watshavbo a thumago vbavbatshi nya lidambo, na?
Nyi di khedzisa gwadi mithumo yangu yatshavbo nyi giridego khu mandza yangu, ni idzo nyi dzi garadzidego khidzo; nyi di wona gukheni gu diri gu dzi pfhadza ni gu tutuma hwane nya phuvbo vbindrago, gi mwalo nyi phasegidego khigyo mafuni momu.
Avbovbo wusiwana nya wukhongolo ngudzu ga muthu a bwelelago nga idzo a dzudego khidzo. Gasi gu dzi garadza gwaye gu mu phaside ginani?
Giphaso muni a gi manago muthu a fumelago litigo rumba, a guhegisa khu gu dzimeledwa khu hefemulo waye? Mwendro saye, ginani muthu a dzi kodzago gu ningela gasi gu dzegisa khigyo hefemulo waye?
Landrisani sihevbudzo sawe ni sa vambe va va phasedzelago gu thumela libandla.