Muhevbudzi 2:8 - Bhibhiliya Nya Guage

⁸ Nyi hengeledzede gambe ndralama ni parata, ni thomba ya vafumeli nya sipandrengulu; nyi dzi hathede vaembeleli nya vama ni vanyamayi, ni iso si tsakisago vathu, a gu vagadzi nya vangi.

Muhevbudzi 2:8 Iomraidhean Croise

2 Samuweli 19:35

Olu eni muhuno nyi gu na ni livbandre na mararu magumi myaga, ina nyi ngu kodza gu hambanisa iso nya sadi niso nya guvivbe, gani? Eni githumi gyago nyi nga kodza gupwa gutshamba iso nyi na hodzago ni gu sela, gani? Ina nyi na kodza gambe gupwa malito ya vaembeleli nya vama ni vanyamayi, gani? Khu ginani nyi na girelago gilemedzo ga mufumeli ni mune wangu?

1 Dzipfhumu 10:10

Hwane nya ugo, a di ningela ga mufumeli, lizana ni magumavili (120) dzitaleta nya ndralama, ni mafura nya mangi nya gunungele, ni siwindri nya lisima nya gukhedzige; gima ni litshigu limwedo kha gu ngata mafura nya gunungele nya mangi ngudzu, kha nga ayo Pfhumugadzi ya Sabha a nga reselago mufumeli Solomoni.

1 Dzipfhumu 10:14

Ndralama yi nga bani yi gu reswa ga Solomoni, khu mwaga ni mwaga, yi diri pimo nya livbandre na limwedo mazana ni livbandre na limwedo magumi ni livbandre na mweyo (666) dzitaleta nya ndralama,

1 Dzipfhumu 10:21

Satshavbo sombo a nga bani a gu sela khiso mufumeli Solomoni, a diri sa ndralama, ni satshavbo si nga bani siri Nyumbani nya wufumu ya Khabini ga Libhanoni, si diri sa ndralama nya guhutwe; gu diri mwalo ni gimwegyo nya parata, kholu matshiguni ya Solomoni, parata yi diri mwalo lisima.

1 Dzipfhumu 11:3

Solomoni a diri ni livbandre na mavili mazana (700) vagadzi va vbawufumutunu, ni mazana mararu (300) sibhayi, vanyamayi vovo vaye, va di ndreyisa monyo waye.

1 Dzipfhumu 14:27

Mufumeli Robhowamo, a di gira sitshangu nya sugu gasi gu tshikhedza iso si nga dzegwago, a si ningela mandzani ga dzindruna nya nyimbi dzi nga bani dzi wonelela nyangwa ya mufumeli.

1 Dzipfhumu 9:14

Hiramo a di rumede ga mufumeli Solomoni, lizana ni magumavili dzitaleta nya ndralama.

1 Dzipfhumu 9:28

Va di vboha tigoni ga Ofiri, vaya dzega mazana mana ni magumavili (420) dzitaleta nya ndralama, va dzi yisa ga mufumeli Solomoni.

1 Dzikoronika 25:1

Dhavhidhe gumogo ni vathangeli nya masotshwa va di hambanisa thumo wa na Asafi, wa na Hemani ni wa na Jedhutumi, avo va nga bani va embelela khu sitendre, dzimbila ni siphaphato nya dzisimbi, khu liphuvbo nya wuprofeti. Tengo nya vathu va nga vegwa thumoni momo khowu wu landrelago:

1 Dzikoronika 25:6

Vatshavbo va di gu thangedwa khu babe wawe gasi gu embelela Nyumbani ga Pfhumu Nungungulu va womba siphaphato nya dzisimbi, ni dzimbila ni sitendre, khu thumo wa Nyumbani gwa Nungungulu, Asafi, Jedhutumi ni Hemani na va gu leletedwa khu mufumeli.

2 Dzikoronika 9:11

Khu mapulango yaya nya bandrwa, mufumeli a di gira khayo misimbo nya gutshavedwe ya nyumbani ga Pfhumu Nungungulu ni ya nyumbani nya wufumu, gumogo ni gu gira dzimbila ni sitendre sa vaembeleli, gima kha ga nga wonwa gambe tigoni gwa Judha, mapulango nya wumburi nya nga aya.

Ezira 2:65

nyamba sayela ni dzikhumbi dzawe nya vama nidzo nya vanyamayi, va nga bani va gu enedza tengo nya livbandre na mavili magumi mazana ni mazana mararu ni magumararu na livbandre na vavili (7.337); gumogo navo, va diromo gambe mazana mavili (200) vaembeleli nya vama ni vanyamayi.

Muhevbudzi 1:2

Gu dzi pfhadza nya gu dzi pfhadze, a ngu ganela kharalo Muhevbudzi, gu dzi pfhadza nya gu dzi pfhadze! Satshavbo gu dzi pfhadza.

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Dhaniyeli 3:5

Avbo mu na pwago gudzuma nya pundru, ni tsholi, ni gitendre, ni gitoliyo, ni tandrandra, ni hwambi, ni sengele ni satshavbo siwombawomba si ningago wutsendze, mu fanede gu khidzima mu khozela gifananiso nya ndralama gi emisidwego khu mufumeli Nabhukodhonosori.

Dhaniyeli 3:7

Khavbo avbo, vathu vatshavbo gikhati va ngapwa gudzuma nya pundru, ni gitendre, ni hwambi, ni tsholi ni satshavbo si ningago wutsendze, mayigo yatshavbo, mafumbu, malimi, va di thega vbavbatshi va khidzimela gifananiso nya ndralama gi nga emiswago khu mufumeli Nabhukodhonosori.

Amosi 6:5

mu embelela khu wutsendze nya hwambi mu dzi girela siwombawomba nya wutsendze nga Dhavhidhe.