Muhevbudzi 2:10 - Bhibhiliya Nya Guage

¹⁰ Satshavbo si nga bani si godwa khu maho yangu kha nya si bomba, ni satshavbo si nga bani si godwa khu monyo wangu, gi mwalo nyi nga wu himbedzela, kholu nyi di gu tsaka khu thumo wangu watshavbo. Egi khigyo giavelo nya satshavbo soso.

Muhevbudzi 2:10 Iomraidhean Croise

Genesi 3:6

Khavbo avbo, nyamayi, khu gu wona gukhuye handro nya simbo khwadi gu wu hodza, gambe wu ngu tsakisa mahoni; simbo nya wadi nya gutule mapimo ni guti, a di hava handro wule a gu hodza a gu ninga mwama waye a hodza nuye.

Genesi 6:2

Sivangwa sa ndzadzini si di wona gukhiso vanyamahegyane va mburide ngudzu. Gimwegyo ni gimwegyo gi di dzi hathela nyamahegyane gi nga mu gola gu khala mwangadzi waye.

Joba 31:1

Nyi giride gidzumeledzwano ni maho yangu, gukheni nyi nga tshuki nyi dogorela gyagadzyana nya mbiri.

Dzindzimo 119:37

Ndreyisa maho yangu gasi nyi si woni silo si si phasigo, nyi tiyise ndzilani gwago.

Dzindzimo 128:2

Kholu u na hodza mihandro nya thumo wago, u na katega, satshavbo si na gu dugela gwadi.

Mavingu 23:5

U nga vegi maho yago ga thomba u si yeligo gu yi mana, kholu iyo yi na mana mambapi kha nga lighama, yi vbuvba yiya damboni.

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Muhevbudzi 2:1

Nyi di ganela khu monyoni gwangu, kheni: “Delu! Nya gu vbweta gu gu pwisa gutsaka; dzi buze khu gunengela.” Aholu nyi di si wona gambe nari gu dzi pfhadza.

Muhevbudzi 2:22

Olu lithonga latshavbo nya muthu ni gu dzi garadza gwaye mithumoni ya mafuni, ina yi phaside ginani?

Muhevbudzi 2:24

Gimwalo gi gu gyadi ga muthu guvbindra guhodza, gusela, gutsaka ni gukhalega khu handro nya thumo waye. Aholu esi niso nyi si wone gukheni sa guta khu mandzani ga Nungungulu.

Muhevbudzi 3:22

Khu guralo, nyi wonide gukheni gu mwalo gunengela nya gukhongolo ga muthu guvbindra gu uye a dzi tsakela khu mithumo yaye, owu khuwo tshatshazelo waye. Kholu khu mani a na gu mu wuyisago gasi guta wona iso si na gu dugelelago khu hwane?”

Muhevbudzi 5:10

Muthu a golago dzitsapawu gima kha eneledwi khidzo, ni wule a golago dzithomba gima kha kodwi khu gughanya. Esi niso gu dzi pfhadza, kha si phasi gilo.

Muhevbudzi 5:17

A na vbedza matshigu yaye mugidemani, a khala khu gu vbisega a tshaniseka ni gulila!

Muhevbudzi 5:18

Nyi wonide gambe gukheni; gwadi gu muthu a hodza, a sela, a tsaka a khalega gwadi khu thumo waye a giridego mafuni momu matshiguni nya guvbanye gwaye a ningidwego khu Nungungulu. Kholu, khiso esi a ningidwego iso.

Muhevbudzi 6:2

Muthu nya gukari, a ningidwego khu Nungungulu thomba nya gutale, bwelo khavbo a mu ninga guzundzega, a ningidwe satshavbo a nga bani a gu si dilela. Aholu Nungungulu kha gola gukhuye a si hodza ni gu si thumisa, si di ta hodzwa khu nombo, muthu wa mambe mayigo a vbedza satshavbo. Ogu nugo gu dzi pfhadza gu vbisago ngudzu.

Muhevbudzi 6:9

Nya sadi khu gu wona silo khu maho, guvbindra gu si dogorela khu monyo. Aholu esi niso gu dzi pfhadza, kha si phasi gilo, gututuma hwane nya phuvbo yi vbindrago.

Muhevbudzi 8:15

Khu guralo, eni nyi ngukheni, gutshambide vathu va gu mana gutsaka mafuni momu, kholu gi mwalo gimbe gilo gi gu gyadi ga muthu guvbindra gu hodza, u sela, u nengela. Isoso si fanede gu mu bangaladza thumoni gwaye matshiguni yaye a ningidwego guvbanya khu Nungungulu mafuni momu.

Muhevbudzi 9:6

Lihaladzo, livengo ni lidiwo lawe, satshavbo si fuvide. Kha va nga gu sayedwa gambe gilo khu iso si girwago mafuni momu.

Muhevbudzi 9:9

Vbanya khu gutsaka ni mwangadzi wago u mu haladzago, matshigu yatshavbo nya gurole u ningidwego khu Nungungulu mafuni momu.

1 Johane 2:16

Satshavbo si guromo mafuni: Gudogorela nya givili, ni gudogorela nya maho, ni gu dzi gugumugisa khu kotani nya silo nya mafu, satshavbo sesi kha siti khu ga Babe, aholu, sa guta khu mafuni momu.

Valamuli 14:2

Gikhati a nga wuyago gaya a dita embela mayi ni babe waye, khuye: “Nyi wonide tigoni ga Timina, nyamayi moyo nya Mufilisitiya, nya gu lomba gukheni mu ya nyi dzegela a ta khala mwangadzi wangu.”