Muhevbudzi 11:2 - Bhibhiliya Nya Guage

² Kabana iso u gu naso ni livbandre na vavili mwendro livbandre na vararu vathu, kholu khu liti libango muni li na gu dugelelago mafuni momu.

Muhevbudzi 11:2 Iomraidhean Croise

Nehemiya 8:10

Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Esiteri 9:19

Gu giregide gambe kharato ga Vajudha va omu nya sidhoropana ni mitalalani, va giride navo litshigu nya likhumi na mana nya ngima nya Adhari nari litshigu nya gutsake ni mibuzo nya gurumelane dzisagwati khu gyawe.

Esiteri 9:22

Khayo matshigu yaya Vajudha va nga dzi tshudzisago khayo ga valala vawe, khuye ngima, gutshaniseka gwawe ni gulila gu vbindrugedzidego gu khala matshigu nya mibuzo ni gutsaka; va leletiswa gupwani matshigu yaya va ma gira mari ya mibuzo nya gunengele ni gutsaka, ni gu rumelana dzisagwati khu gyawe, ni gu ninga giphaso sisiwana.

Joba 5:19

Ambari wa gu dugeledwa khu livbandre na mweyo dzimhango, uye a na gu vbulugisa, guvivba ga iyo nya livbandre na dzimbili, kha gu na nga gutshanisa.

Dzindzimo 112:9

A ngu kabana silo saye ni sisiwana; gululama gwaye gu ngu simama kala gupindruga, tshivba yaye yi na khusedzwa khu wudhumo.

Mavingu 19:17

Uye a phasago gisiwana a gu fiyarisa Pfhumu Nungungulu, Uye a na mu bweledzela wuwadi waye.

Mavingu 6:16

Somo livbandre na gimwegyo silo a si vengago Pfhumu Nungungulu, nya livbandre na sivili si gorosago hefemulo waye, a gu esi:

Muhevbudzi 11:3

Damboni ga gu phuma khu mapfhi, ya guwa ndzadzi mafuni, ni simbo wa gu thegela Marandzi mwendro Wuronga, wu na khala kamwe avbovbo wu thegedego avbo.

Muhevbudzi 11:8

Muthu a gu vbanya myaga nya gutale, gumogo ni gutsaka gwadi, a na alakanye matshigu nya gidema a gu mangi ngudzu guvbindra nya gutsake. Satshavbo gu dzi pfhadza kha si phasi gilo.

Muhevbudzi 12:1

Alakanya Muvangi wago na wu ngari lidzaha, kholu ma na vboha matshigu nyambasi yadi, a gu myaga u na ganelago gukhuwe: “Guvbanya kha gu nga gu tshamba gambe;”

Dhaniyeli 4:27

Khu guralo, uwe mufumeli, dzumela gulaya gwangu, u diga sighoho ni guvivba gwago u gira gululama, u pwela wuhindzi sisiwana, a gu dzina saye matshigu yago nya gu tsake ma na simama.

Mikeya 5:5

Uye a na bani nari gurula gwathu. Vaasiriya va gu tshuka va dhumela litigo lathu va vbindra khu vbakari nya dzinyumba dza vafumeli vathu, hi na va emisela livbandre na vavili vahavisi ni livbandre na dzitharu dzindruna dzi na hathwago vbakari nya vathangeli nya lisima.

Matewu 18:22

Jesu a di mu hakha, khuye: “Kha nyi gu embeli, kheni: Livbandre na dzimbili dzinyondro, aholu, livbandre na mavili magumi ma bweledzedwago livbandre na dzimbili dzinyondro.

Matewu 5:42

Uye a gu lombago, mu ninge. U nga pfhurareli uye a gu fiyarigo.

Luka 17:4

A gu gu hosela livbandre na dzimbili dzinyondro khu litshigu, a gu tela livbandre na dzimbili dzinyondro ata, khuye: ‘Nyi ngu dzi laya’, u na mu tsetselela.”

Vagalatiya 6:1

Vandriyangu, mwa gu wonani gukhenu moyo wanu ghohide, enu mu vbanyago khu Liphuvbo la Nungungulu mu kawukeni khu gwadi, mu gu mu khongotela kala a wuya ndzilani nya lisine. Mu dzi wonela gasi mu si lingwi nenu.

Vaefeso 5:16

Sayisani gwadi gikhati mu gu nagyo. Kholu matshigu ya muhuno ma vivbide.

Vahebheru 13:3

Alakanyani vale va khothedwego mapasoni: Mu dzipwa nga khwatshi mu womo pasoni gumogo ni avo. Alakanyani vale va tshaniswago nga khwatshi mu ngu tshaniswa gumogo navo.

1 Samuweli 25:8

Wudzisa ga sithumi sago si na gu embela. Khu guralo, madzaha yaya ma na mane makategwa mbeli gwago, kha nga olu hi tago khu litshigu nya ladi. Ningela ga sithumi sago, ni ga mwamana wago Dhavhidhe, iso u na gu si manago sa mandzani gwago.”