Mithumo 9:40 - Bhibhiliya Nya Guage

⁴⁰ Aholu, Pedro, na rumide vathu vatshavbo gu duga vbavbandze, a di khidzima a gira nombelo. Na thendregedzide a khedza girumbi, a di khuye: “Tabhita, wuga!” Uye a di hapfhula; na wonide Pedro, a di khala khu giwunu.

Mithumo 9:40 Iomraidhean Croise

2 Dzipfhumu 20:11

Khavbo avbo, muprofeti Isaya, a di rana Pfhumu Nungungulu, Uye a di bweledza mwedzi likhumi sigandro hwane, vbasigandrotunu nya nyumba ya Akazi, iso si nga bani si vbindridwe khu mwedzi.

Matewu 6:6

Gasi uwe, wa gu lombelela, sega lidimba, u bela makhuvini gwago u lomba ga Babe wago, nu si wonwi khu muthu, gasi uye a wonago iso si sihadego, a na gu ninga tshatshazelo.

Matewu 9:25

Na va dugide vatshavbo vbavbandze, Jesu a di bela. Na mu pharide khu libogo, nyamahegyane a di wuga.

Marko 9:25

Jesu, na wonide gukhuye va ngu vboha vathu nya vangi a di kawuka liphuvbo nya guvivbe, khuye: “Uwe liphuvbo nya givbwiri ni wududu, nyi ngu gu ruma: Duga ga gikhwathana gegi, u nga wuyi gambe uta bela gwaye.”

Luka 22:41

Khavbo avbo, a di leya vbadugwana, aya lombelela, khuye:

Luka 8:54

Gasi uye, na gi pharide khu libogo, a di gi rana khu tshivba, khuye: “Nyamahegyane, wuga.”

Mithumo 20:36

Pawulo, na vbedzide gu ganela esi, a di khidzima gumogo ni vatshavbo vandruye a lombelela navo.

Mithumo 21:5

Aholu, gu vbelani nya matshigu yoyo, hi di simama ni liendro lathu. Vakhodwa vatshavbo ni vanyamayi ni sanana va di hi bangaladza kala vbavbandze nya lidhoropa. Na hi dugide khu dhoropani, hatshavbo hi di khidzima funguni hi lombelela ga Nungungulu.

Mithumo 28:8

Babe wa Pabhiliyo a diri vbadawutunu, na gu dwala khu ndrani ni feveri. Pawulo a diya mu holela. Na giride nombelo, a di mu handzega mandza hungoni, a mu hawulugisa.

Mithumo 7:60

Khavbo avbo, na khidzimide a di khusedza ngudzu lito a lomba, khuye: “Pfhumu, U nga va rwegi nandru nya gighoho gegi.” Na ganede magana yaya a di lala.