Mithumo 3:22 - Bhibhiliya Nya Guage

²² Khu lisine, ganede Mosi, khuye: ‘Pfhumu Nungungulu a na tumbulugisa vbakari nya vandriyanu muprofeti nya gufanane ni eni. Mu na mu yingisani ga satshavbo a na gu mi embelago.

Mithumo 3:22 Iomraidhean Croise

Matewu 21:11

Gidzemo gi di hakha, khigyo: “Khu Jesu, muprofeti wa Nazareta gwa Galileya.”

Luka 13:33

Gasi muhuno, mindru ni libwagewo, gu vbwetega eni nyi landre ndzila yangu, kholu kha gu kodzegi gu muprofeti a songedwe vbavbandze ga Jerusalema.

Luka 24:19

Jesu a di va wudzisa, khuye: “Gasi ginani gi nga giregago?” Va di mu embela, khavo: “Iso si nga dugelelago Jesu wa Nazareta, muprofeti nya sigiro ni magana nya tshivba mahoni ga Nungungulu ni mahoni nya vathu vatshavbo.

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

Johane 12:46

Eni nyi dzude tigoni kha nga wenengedzo gasi muthu watshavbo a khodwago gwangu a si khali gidemani.

Johane 5:24

“Khu lisine, nyi ngu mi embelani, kheni: Oyu apwago magana yangu, a gu khodwa ga wule a nga nyi rumelago, a na mana guvbanya nya gupindruge. Khu kharato kha na mbemba, kholu dugide khu gufani, a gu bela guvbanyani.

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

Mithumo 7:37

Khuye Mosi a nga ganela ga va na Israyeli, khuye: ‘Nungungulu a na wusa vbakari ga vandriyanu muprofeti nya nga eni.’

Varoma 8:3

Nungungulu kodzide gu gira iso Nayo wu nga si tandrega khu gu vbungudwa tshivba khu tumbunugo nya wuthu. Uye konide gighoho ndrani nya tumbunugo nya muthu, khu gu hi rumela Mwanaye, a dzudego khu tumbunugo nya idzosaye ni tumbunugo nya muthu nya gighohi. Kharato Nungungulu pade gighoho.

Varoma 9:5

Khavo sivelegwa sa vababe nya libandla; Kristo, khu tumbunugo nya wuthu, a gu lumba lihundzu lawe, uye a guromo vbatshani nya silo satshavbo, a gu Nungungulu nya gurungudzwe kala gupindruga. Amen!

Vagalatiya 4:4

Aholu, gutadzisegani nya matshigu, Nungungulu a di hi rumela Mwamana Waye a nga velegwa khu nyamayi, a velegedwa vbavbatshi nya Nayo nya Vajudha;

Vahebheru 2:1

Khu kharato, hi na thele kota ngudzu khu lisine hi li pwidego, gasi hi si ndreyi ga ilo.

Vahebheru 5:9

Na tadzisegide thumoni gwaye, a di khala gibuga nya guvbanye nya gupindruge ga vale va mu yingelago.

Gutuledwa 1:1

Khugo ogu gutuledwa ga Jesu Kristo, ugo a nga ningwago khu Nungungulu, gasi a yeyedze ga sithumi saye iso si guromo vbafuvbi ni gu girega. Uye tiviside silo sesi khu ga ngilozi yaye a nga yi rumelago ga githumi gyaye Johane.