Mithumo 28:3 - Bhibhiliya Nya Guage

³ Pawulo a di dzega ginyandrana nya mahale a rinya niloni. Nyoga yi nga bani yi gu thava nilo, yi di mu dandramela mandzani.

Mithumo 28:3 Iomraidhean Croise

Joba 20:16

A na sela wuhungu nya dzinyoga, a songwa khu lidimi nya mamba.

Isaya 30:6

Gitiviso mayelano ni sirengo si guromo Marandzi, va gu rwega iso va fumidego ni dzithomba dzawe ga dziburu ni dzingameriya, va tsemakanya litigo nya sigaradzo ni wuvi, avbo gutago khavbo nghala, nya ngadzi neyi nya matune, gumogo ni nyoga nya mamba ni dzinyoga nya guvbuvbe, va yisa tigoni ga Egipito, ga vathu va gumba phaswa khavo.

Isaya 41:24

Wonani nya gukhenu kha mu va gilo, thumo wanu kha wu phasi gilo, mwa gu hakhani uye a tago ni manyala avbo gwanu.

Isaya 59:5

Mwa gu fundramela mandra nya nyoga, mu lugela wulelu nya gitoli, uye a hodzago mandra yoyo a nafa; uye a li gandrago li pandrega gu duga nyoga.

Amosi 5:19

Li na gira kha nga muthu a thavago mbeli nya nghala, bwelo khavbo a manana ni gikankanka, mwendro gu muthu a gu bela nyumbani gwaye, mandza yaye a gu phara vbandzaritunu a hodzwa khu nyoga.

Matewu 12:34

Enu livelego nya dzinyoga, mu na dzi kodza kharini gu ganela silo nya sadi, olu mu vivbedwego khu myonyo? Kholu likana la gu dusa iso si tadego monyoni.

Matewu 23:33

Enu livelego nya dzinyoga! Mu na vbulugisa gu wani gu rinywa phalani nya nilo?

Matewu 3:7

Aholu, na wonide nya gukhuye Vasadhusi nya vangi ni Vafarisi va di guta navo gasi guta bhapatiswa khuye, a di va embela, khuye: “Enu livelego nya dzinyoga! Khu mani a nga mi ruma gu thava likhulo litago?

Marko 16:18

va na mola dzinyoga khu mandza; ambari va sela rendre nya gusonge, kha wu na va gira gilo; va na handzega mandza va nya gudwala, va gu va vbanyisa.”

Mithumo 28:2

Vathu va tigoni mule va di hi hakha khu mandza mavili, kha nga ulo yi nga bani yi guwa ndzadzi gu gira girame, va di vasa nilo, va hi rana hiya wora.

Mithumo 28:4

Vamune tigo, na va wone nyoga na yi dandramede mandzani ga Pawulo, va di ganela, khavo: “Khu lisine mwama yoyu gighevenga, a dzi kodzide gu vbuluga matini, aholu Nungungulu kha dzini gu mu diga a vbanya.”

2 Vakorinto 11:23

Avo sithumi sa Kristo? Nya gu ganela nga gipumbu, nyi na ganela kheni, eni nyi womo mbeli ngudzu guvbindra avo. Nyi va vbindride mbeli ga mithumo yatshavbo; gu khothedwa mapasoni, gu kwamudwa khu dzimboma, gu vbuluga gufa gikhati nya gingi.

2 Vakorinto 6:9

Va gu hi gira kha nga vathu nyamba tidwa, ethu va hitigo gwadi. Gukhwatshi ha gufa, aholu hi na gu vbanya; va ngu hi tshanisa, aholu kha va hi songi.