Mithumo 23:12 - Bhibhiliya Nya Guage

¹² Na gugide, Vajudha va di tshangana va hunga gikungo, va sambanya khavo kha va na hodza, kha va na sela na va si gu songi Pawulo.

Mithumo 23:12 Iomraidhean Croise

Genesi 37:18

Aholu avo va mu wone na nga guta khu hwindzo, va pwanana gu mu songa.

1 Dzipfhumu 19:2

Khavbo avbo, Jezabheli a di rumela mwango guya embela Eliya, khuye: “Vanungungulu va na nyi songe, gya gu vboha gikhati gegi mindru na nyi si gu giri womi wago nya nga edzi uwe u giridego uwo wa vaprofeti.”

2 Dzipfhumu 6:31

Khavbo avbo, uye a di ganela, khuye: “Nungungulu a na nyi vete khu tshivba, muhuno hungo wa Elizewu, mwamana wa Safati, wa gu simama wu khala magatani gwaye.”

Nehemiya 10:29

Va di dzi tshanganisa ni vandriyawe, ni vathangeli vawe, va hengela navo gu sambanya gumogo ni gu gira gifungo nya gulandrise nayo wa Nungungulu a va ningidego khavbo ga Mosi, githumi gya Nungungulu, gukhavo va na vegedza ni gu landrisa milayo yatshavbo ya Pfhumu Nungungulu wathu, gulamula gwaye ni sileletelo saye,

Esiteri 2:22

Mahungu yaya ma di tugudwa khu Moridhekayi a tivisa pfhumugadzi Esiteri, Esiteri a ya tivisa mufumeli iso a nga embedwago khu Moridhekayi.

Dzindzimo 31:13

Nya gupwa milembo nya vathu nya vangi; nyi tala khu hwanga. Avo va gu tshangana va nyi lemba, va gu luga mano nya gu nyi songe.

Jeremiya 11:19

Nyi di difanana ni nvuta nya gurule yi yiswago gusongwatunu; kholu eni nyi di si dziti gukheni va di gu nyi girela gikungo nya gu nyi songe, va ganela, khavo: “Hi na pile simbo yoyu na wu ngari ni mihandro yaye, hi na wu fuvise tigoni nya vathu va vbanyago, gasi gu si alakanywi gambe lina laye.”

Jeremiya 44:25

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Enu gumogo ni vagadzi vanu mu sambanyide khu magana yanu, mu bwelo khavbo mu gira khu mandza yanu, khenu: Khu lisine hi na tadzisa gisambanyo gyathu hi giridego, nya guvbisele libani Pfhumugadzi ya Ndzadzini ni gu ninga miningelo nya miphaso nya wadwa; ina kamwe, tadzisani ni gu tiyisa gifungo gyanu!

Levhi 27:29

Mwalo vbakari nya vathu uye a phasedwego Pfhumu Nungungulu a dzi kodzago gu dzi dzegisa; vbavbandze nya gusongwe basi.

Matewu 26:4

Avbovbo, va di hevbula mano nya gumole khayo Jesu va mu songa.

Matewu 26:74

Khavbo avbo, a di phela gu vbenyavbenya ni gu sambanya, khuye: “Kha nyi muti muthu yoyo.” Gikhati gyogyo khonge wu di dzegela gu emba.

Matewu 27:25

Gasi gidzemo gyatshavbo gi di hakha, khigyo: “Nandru yoyo nya lufu laye wu na thegele ethu ni sanana sathu!”

Mithumo 23:13

Va diri gipimo nya guvbindre magumana vathu avo va nga gira tshangano yoyo.

Mithumo 23:14

Va di hongola ga vakhongolo nya vaphasi nya mhamba ni madhota vaya ganela, khavo: “Hi sambanyide gumba hodza gilo na hi si gu songi Pawulo.

Mithumo 23:21

U nga dzumeli, kholu vomo gipimo nya guvbindre magumana nya avo va khadego va riya, va sambanyide gufa ni guvbanya, gumba hodza ni gumba sela gilo na va si gu songi Pawulo. Olu va gu lirela uwe gu dzumela.”

Mithumo 23:30

Na nyi tivisidwe gupwani gi hungidwe gikungo nya gu mu songe, nyi di vbiredzela gu mu rumela iyo gwago, nyi tivisa gambe ava va mu ningago nandru vate gwago, vata ganela egi va gu nagyo ni uye.”

Mithumo 25:3

Va lomba wuhindzi ga Festo gukhavo a ranisa Pawulo ata Jerusalema; Va di hungide gikungo nya gu mu songe ndzilani.

Mithumo 9:23

Na ma vbindride matshigwana, Vajudha va di hunga gikungo nya gu mu songe.

Mithumo 9:24

Aholu Sawule a di tiviswa. Ni malimba nya lidhoropa ma di ghadhwa wutshigu ni mihani, vafela gu mu songa.

1 Vakorinto 16:22

Muthu a gu mwalo lihaladzo ga Pfhumu a na vadwe: “Maranatha” (Delu Pfhumu)!

2 Vakorinto 11:26

Nyi di gira mapfhumba nyambana tengo, nyi saniseka ngudzu mitsongoni, ni gu saniswa khu dzimbafa, khu va na gyathu, ni va nya mayigo, madhoropani, mugiwulani, linene, ni vandruye nya malipha.

Vagalatiya 3:13

Kristo a hi vbulugiside ga givalo nya Nayo khu gu dzi ningela a vadwa wulangani gwathu. Kholu Milowo nya Guage yari, khiyo: “Vadwe muthu watshavbo a vbayegwago vbagihambanotunu.”

1 Vatesalonika 2:16

Va gu vbweta gu himbedzela gu tshumayela ni gu vbanyiswa va nya mayigo. Khu guralo, va tadzide pimo nya sighoho sawe. Aholu, likhulo la Nungungulu li va fenengedzide.

Josuwa 6:26

Khavbo avbo, Josuwa a di gira gisambanyo gegi, khuye: “A na vadwe mbeli ga Pfhumu Nungungulu wule a na gu yedzago gu vbahedza lidhoropa leli la Jeriko! Gikhati a na girago khokhweni, gi nafe gyanana gyaye nya matiwula; gikhati a thelago malimba, gi nafe gyanana gyaye nya mahegiso.”

Josuwa 7:1

Va na Israyeli va dzi vangede nandru khu silo nya guphangwe; kholu Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha a di dzega silo nya gulolele. Pfhumu Nungungulu a di gorogela sanana sa Israyeli.

Josuwa 7:15

Muthu wule a na gu manwago nari ni silo nya gunyenyeze a na vbiswa uye ni satshavbo si mu lumbago, kholu uye ndragide gidzumeledzwano gya Pfhumu Nungungulu a gira silo nya gunyenyeze ngudzu ga va na Israyeli.”

1 Samuweli 14:24

Khu litshigu lile, va na Israyeli va di guvbisega ngudzu, kholu Sawule a di gurumedza vathu khu gisambanyo gyaye, khuye: “A na vadwe wule a na hodzago li si gu pfoli lidambo, gasi nyi kodze gu dzi phodzela ga valala vangu.” Khu guralo, mwalo ni moyo a nga linga guhodza.