Mithumo 22:5 - Bhibhiliya Nya Guage

⁵ Khongolo nya vaphasi nya mhamba ni madhota khavo dzifakazi nya silo sesi. Nyi hakhide khu mandzani gwawe malangalila nya gulovedwe vandruye va vbanyago dhoropani ga Dhamasiko. Nyi hongode nawo gasi guya mola Vakristo nyi va resa Jerusalema va ta tsayiswa.

Mithumo 22:5 Iomraidhean Croise

Luka 22:66

Na gugide, wu di girwa tshangano nya madhota, vakhongolo nya vaphasi nya mhamba, ni vahevbudzi nya Nayo. Va di dzega Jesu vaya naye phathani gwawe.

Mithumo 1:15

Khu matshigu yale, Pedro a di khuga a ema vbakari nya vandruye (tengo nya vathu vatshavbo va nga bani va tshanganide a diri gipimo nya lizana ni magumavili 120 vathu), a ganela, khuye:

Mithumo 13:26

“Vandruye, mu gu sanana nya melego wa Abrahama, ni ava va guromo vbakari gwanu, va ningago githawo Nungungulu, mahungu yaya nya guvbanyise ma gu rumedwa avbo gwathu.

Mithumo 2:29

Vandruye, dzumelani nyi mi embelani khu lisine langu latshavbo: Kokwe wathu Dhavhidhe fude a gu dzingwa. Lithowo laye gambe li nga romo vbakari gwathu kala na muhuno.

Mithumo 22:1

“Vandriyangu ni enu vababe! Yingisani olu esi nyi gu naso gu mi embela khu gu dzi vhikela gwangu.”

Mithumo 23:1

Pawulo, na khuside maho a khedzisa madhota nya phatha, a di ganela, khuye: “Vandruye, nyi vbanyide khu gu tshulega mahingigedzoni gwangu gwatshavbo mbeli gwa Nungungulu kala litshigu la muhuno.”

Mithumo 23:6

Pawulo a di gu dziti gukhuye yomo mitsawa mivili phathani, oyu nya vasadhusi ni oyu nya vafarisi. A di khuye: “Vandriyangu, eni nyi mufarisi gyanana nya vafarisi. Khu kotani nya gutumbe guwuga ga vale va fudego, khayo mahungu nyi thethiswago khayo.”

Mithumo 26:10

Khiso nyi nga girago Jerusalema. Nyi di ningwa tshivba khu vakhongolo nya vaphasi nya mhamba, nyi khothela mapasoni nya vangi va nga khodwa ga Kristo. Gikhati va nga lamuledwa gufa, eni nyi di seketela gukheni va na songwe.

Mithumo 26:11

Dzinyondro dzingi, eni nyi di bela dzinyumbani nya nombelo nyi va ninga sisaniso nya sikhongolo, khu gufela gukheni va dange gukhodwa gwawe. Khu kotani nya likhulo nyi nga bani nyiri nalo gwawe, nyi di va tutumisela kala ni madhoropani ya mayigoni ya vbavbandze.

Mithumo 26:12

“Khiso si nga nyi yisa dhoropani ga Dhamasiko, na nyi ningidwe tshivba ni sileletelo khu vakhongolo nya vaphasi nya mhamba.

Mithumo 28:17

Hwane nya matshigu mararu, Pawulo a di rana Vajudha nya guthavisege va khalago Roma, gasi guta tshangana navo. Na va vbohide a di va embela, khuye: “Vandriyangu, eni gimwalo gilo nyi ghohidego ga libandla lathu, kha nyi wugeli tumbunugo nya mavbanyelo ya vababe vathu. Aholu Vajudha va di nyi mola Jerusalema, va nyi ningela mandzani ga Varoma.

Mithumo 28:21

Avo va di mu hakha, khavo: “Ethu hi si hakhi lidangalila la Judheya nya guganele khu mahungu yago. Gambe mwalo na moyo wa Judheya a ngata a resa mahungu yoyo, mwendro guta hi embela guvivba khu mahungu yago.

Mithumo 3:17

Ambari ulo vandruye, nyi ngu dziti nya gukheni mu giride esi khu wuhangi, enu ni vafumeli vanu.

Mithumo 4:5

Khu mindru gakone, vakhongolo nya Vajudha ni madhota ni vahevbudzi nya Nayo, va di gira tshangano Jerusalema.

Mithumo 5:21

Na va pwide silo sesi, va di bela Nyumbani ga Nungungulu ni marandragugya va phela gu hevbudza. Na vbohide Muphasi nya khongolo ni ava a nga bani ari navo, va di ramba madhota ni manganagana yatshavbo ya na Israyeli, va gu rumela guya dzega Vapostoli pasoni, gasi guta va lamula.

Mithumo 9:14

Olu dzude eno khu gu rumedwa khu khongolo nya vaphasi nya mhamba ni lidangalila gasi guta molela vatshavbo avo va khodwago linani gwago.”

Vagalatiya 1:13

Nyi ngu tumba gukheni mu pwide na va gu ganela khu edzi nyi nga bani nyi gu vbanya khidzo na nyi nga gu landrisa nayo wa Vajudha. Mu ngu dzitini gukhenu nyi di gu sanisa khu tshivba Libandla la Nungungulu, nyi zama gu li fuvisa.

Vafilipi 3:6

nyi di phara Nayo khu tshivba ni tshivba, nyi gu sanisa Libandla la Kristo. Nyi di gu vbanya nyambana gihoso nayoni.

1 Thimoti 4:14

U nga divaledwi khu giningwa u gi hakhidego, egi u nga ningwago khu litshigu lile vaprofeti nya libandla va nga ganela, u gu handzegwa mandza khu madhota.