Mithumo 22:14 - Bhibhiliya Nya Guage

¹⁴ Uye a di khuye: ‘Nungungulu wa vababe vathu a gu hathide gasi u fela guti gwadi guhaladza gwaye, u wona Wululamo waye ni gupwa lito li dugago khu kanani gwaye.

Mithumo 22:14 Iomraidhean Croise

Vagalatiya 1:12

kha nya yi hakha mwendro gu yi hevbula ga muthu, aholu, khu Jesu Kristo a nyi tuledego gu yiti.

1 Vakorinto 15:8

Khu guhegisa, a di wonega gambe ga eni, nyi gu khwatshi nyi gyanana nya guvelegwe ma si gu eneli matshigu yaye.

1 Vakorinto 9:1

Ina kha nyiri muthu nya gutshulege, gani? Kha nyiri mupostoli, gani? Pfhumu yathu Jesu Kristo kha dzi wonegisa gwangu, gani? Ahati enu, kha muri handro nya thumo wangu gukhodwani gwanu, gani?

Mithumo 26:16

Khuga u ema. Eni nyi dzi wonegiside gwago, gasi u khale muthumeli wangu, u tivisa ga vambe esi u si wonego muhuno, ni esi simbe nyi na gu yeyedzago khu hwane nya matshigu.

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

1 Johane 2:1

Vanavangu, nya gu mi lovelani esi, gasi mu si giri gighoho. Aholu muthu a gu ghoha, hi na ni muemeli mbeli ga Babe: Khu Jesu Kristo, a gu mwalo gihoso.

Varoma 1:1

Eni Pawulo, githumi gya Jesu Kristo, nyi ranidwego gu khala Mupostoli, nyi hathidwe gasi gu tivisa Ivhangeli ya Nungungulu.

Mithumo 9:17

Khavbo avbo, Ananiya a di khuga a hongola, na vbohide a di bela nyumbani a gu handzega mandza Sawule a mu embela khuye: “Sawule ndriyangu, Pfhumu Jesu, wule a nga gu tumbulugela ndzilani, gikhati u nga bani u guta, khuye a nga nyi ruma guta gu tula maho ni gu gu ninga Liphuvbo nya Guage.”

Mithumo 7:52

Khu wevbini muprofeti wa gale v ngamba mu tutumisa vababe vanu? Va songide vale va nga hegula gutivisa lipfhumba nya gute ga muthu nya ululamenga mu danga enu mu gu mu songa.

1 Vakorinto 11:23

Khaguva eni nyi hakhide ga Pfhumu esi nyi mi tivisago: Pfhumu Jesu, ni wutshigu a nga ningedwago khuwo, a di dzega gibaba,

Mithumo 24:14

Ambari ulo, nyi ngu dzumela gukheni ha gu khedza khu Ndzila va yi ranago avo khavo tsawa, eni nya gu khozela Nungungulu wa vababe vangu, nyi khodwa ga satshavbo esi si yelanago ni Nayo, nesi si nga lowa khu vaprofeti.

Mithumo 22:18

nyi wona Pfhumu na yi nyi embela, khiyo: ‘Vbiredza u duge khu Jerusalema, kholu vathu vava gima kha va na nga hakha esi u fakazago khu eni.’

Mithumo 13:17

Nungungulu wa Israyeli, hathide vababe vathu, a gu dandrisa vathu vaye gikhati va nga ya khala Egipito. Khu hwane nya gikhati a di va dusa khu Egipito, khu tshivba nya libogo Laye.

Mithumo 5:30

Nungungulu wa vababe vathu wuside Jesu khu ga vafudego, oyu enu mu nga mu songa mu mu khokhothela vbagihambanotunu.

Johane 15:16

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Dhaniyeli 2:23

Eni nyi ngu gu bonga ni gu gu rungudza, uwe Nungungulu wa vababe vangu; khuwe u nyi ningidego guti ni tshivba, olu u nyi yeyedzide iso hi gu lombidego, kholu u hi tugudziside mahungu yaya ya mufumeli.

Jeremiya 1:5

“Eni nyi gutide nusi gu wumbwi ndrani ga mayi wago;” nyi gu hathide nu si gu velegwi, nyi gu phasela gu khala muprofeti ga mayigo.

Ezira 7:27

A na rungudzwe Pfhumu Nungungulu wa vababe vathu, uye a vegidego mahungu nya nga aya monyoni ga mufumeli wathu, gasi hi zundza Nyumba ya Pfhumu Nungungulu wa Jerusalema.

1 Dzikoronika 29:18

Pfhumu Nungungulu wa vababe vathu Abrahama, Isaki ni Israyeli, si vegedze gikhati gyatshavbo, si khala mapimoni ni myonyoni ga vathu vago, va alakanya Uwe basi.

Ekisodha 15:2

Pfhumu Nungungulu khuye tshivba ni ndzimo yangu. Khuye muvbanyisi wangu. Khuye Nungungulu wangu, nyi na mu rungudza; Nungungulu wa vababe vangu; khu guralo, nyi na mu khusedza.

Tito 1:1

Eni Pawulo, githumi gya Nungungulu, mupostoli wa Jesu Kristo, nyi ngu lova lidangalila leli. Nyi hathidwe nyi rumedwa gasi guta phasa ni gu tiyisa vathu va Nungungulu gukhodwani, ni gu va yisa lisineni li hevbudzwago khu nayo wathu,

2 Thimoti 1:1

Eni, Pawulo, Mupostoli wa Kristo Jesu khu guhaladza ga Nungungulu, nyi rumidwego gu tivisa gitumbo nya guvbanye, a hi giredego khu Kristo Jesu,

Vagalatiya 1:15

Aholu, Nungungulu, khu wuhigo waye, a nyi hathide na nyi ngari ndrani ga mayi wangu, a nyi ranela guta mu thumela. Gikhati a nga dzinago,

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

1 Vakorinto 15:3

Gilo nya guphele nyi di mi tivisa esi eni neni nyi nga hakhago: Kristo fude khu kota nya sighoho sathu kha nga edzi gu lovidwego khidzo omu nya Milowo nya Guage.

2 Dzikoronika 30:19

a dongisedego monyo waye, gu vbweta Pfhumu Nungungulu, Nungungulu wa vababe vawe; ambari na va sa agiswa mayelano ni fanelo ya Nyumbani nya Guage.”

2 Dzikoronika 28:25

A di vbaha gambe, madhoropani gwatshavbo ga Judha, malanga nya gukhugege gasi guvbisela umo libani vambe vanungungulu nya malipha; a wusa kharati likhulo la Pfhumu Nungungulu, wa vababe vaye.

1 Dzikoronika 12:17

Dhavhidhe, a di va khinga aya va embela, khuye: “Enu, mwa gu bani muri mwa guta avbo gwangu khu gurula ni guta nyi phasedzelani, monyo wangu wu na hungana nanu; aholu, a gu bani nari mwa gu vbweta gu nyi ningela ga valala vangu, Nungungulu wa vababe vathu, a na si wone ni gu lamula.”

2 Dzipfhumu 21:22

A di pfhurarela Pfhumu Nungungulu wa vababe vaye, a si gimbili khu dzindzila dza Pfhumu Nungungulu.

1 Pedro 2:22

Uye gima kha gira giwono, gambe mwalo a mu pwidego na gu ganela guvivba khu kanani gwaye.

Mithumo 22:15

U na khala fakazi vbakari nya vathu vatshavbo nya esi u si wonego ni esi u si pwidego.