Mithumo 21:8 - Bhibhiliya Nya Guage

⁸ Na gugide, hi di phara ndzila hi hongola kala hi ya vboha dhoropani ga Sezareya. Hi di bela ndrangani ga muvhangeli Filipi, hi gu khala naye. Filipi moyo nya vale nya livbandre na vavili va nga hathwago Jerusalema.

Mithumo 21:8 Iomraidhean Croise

Mithumo 10:1

Sezareya a di gu vbanya mwama moyo nya gupwani khu Korineliyo, a diri muthangeli nya gikwata nya lizana masotshwa, ma nga bani ma gu ranwa pwani “Vaitaliya.”

Mithumo 16:10

Khu hwane nya giwoniso gile, hi di khuga hi phara ndzila hi gu hongola Makedhoniya na hi gu tumba gukhethu Nungungulu a di hi rana guya tshumayela iyo Ivhangeli.

Mithumo 16:13

Khu litshigu nya Sabhadho hi di duga khu dhoropani hi hongola vbavbandze vbafuvbi ni tsongo avbo hi nga alakanya gukhethu womo wulanga va girelago avbo nombelo Vajudha. Na hi khade, hi di ganela ga vanyamayi va nga bani va tshanganide.

Mithumo 16:16

Tshigu mwedo, na hi gu hongola nombelotunu, hi di khingwa khu nyamahegyane moyo nya khumbi, a nga bani ari ni mandriki nya wutumbe; uye a di fumisa ngudzu vaphari vaye khu gulola gwaye.

Mithumo 18:22

Avbo a ngaya tshiga dhoropani ga Sezareya, a gwela Jerusalema aya losana ni libandla. Khavbo avbo, a di relela Antiyokiya.

Mithumo 20:13

Ethu hi di thanga khu litaro hi hongola kala siwoni ga Asosi; iyo Pawulo a nga vega gukhuye hi ya mu virela iyo, kholu uye a di bela khu mawundru.

Mithumo 20:6

Gasi ethu, na wu vbindride buzo nya sibaba nyambana mela, hi di khilela ngalava hi khuga dhoropani ga Filipi, hi gimbila livbandre matshigu, hiya vboha Trowade, hiya manana navo, hi khala semana rumba.

Mithumo 21:16

Hi di bangaladzwa khu vandruye nya gukari va Sezareya, va nga hi yisa ndrangani ga mwama moyo wa Kipre nya gupwani khu Manasoni, mupizane wa gale. A di hi hakha gaya gwaye, hi khala vapfhumba vaye.

Mithumo 23:23

Na ranide vathangeli vavili nya nyimbi a di va embela, khuye: “Dongiselani vbakari nya wutshigu, mazana mavili masotshwa, livbandre na mavili magumi va nya dzikavalu ni mazana mavili va nya matshari, mu hongola Sezareya.

Mithumo 27:1

Gikhati va nga vbweta gu hi khiledza hi hongola Italiya, va di ningela Pawulo ni simbe sibotshwa ga muthangeli nya gikwata nya lizana masotshwa, nya gupwani khu Juliyo, nya gikwata gi ranwago “Tsawa wa Sezari”

Mithumo 28:11

Hwane nya migima miraru hi khadego gidwane gya Malita, hi di bela ngalavani nya gute khu Alexandriya yi ngata khala gidwane yi virela guvbindra nango nya girame. Thonvutunu, yi diri ni sifananiso nya vanungungulu nya mavbaha: Kasitori ni Polusi.

Mithumo 28:16

Na hi vbohide Roma, Pawulo a di dzumedziswa guvbweta nyumba yaye a khala, a ningwa lisotshwa limwedo li mu ghadha.

Mithumo 6:5

Mawonelo yoyo ma di tsakisa vathu vatshavbo. Va di hatha Sitefane, mwama nya gutale khu gukhodwa ni Liphuvbo nya Guage; Filipi, Prokoro, ni Nakonori, Timoni, Parmenasi ni Nikolawu, mukhodwa wa Antiyokiya.

Mithumo 9:30

Na va dzitide, vandruye va di mu rumela Sezareya va mu khiledza a gu hongola Tarisu.

Vaefeso 4:11

Khuye a kavedzedego vathu siningwa: Vambe a va ninga wuhigo nya gukhale vapostoli, vambe vaprofeti, vambe vavhangeli, vahavisi, ni vahevbudzi.

2 Thimoti 4:5

Aholu, uwe tiya u timisela sigaradzo satshavbo, dzi vegise thumoni gwago nya gutivise Mahungu nya Yadi, u vbedzisa thumo wago.