Mithumo 21:5 - Bhibhiliya Nya Guage

⁵ Aholu, gu vbelani nya matshigu yoyo, hi di simama ni liendro lathu. Vakhodwa vatshavbo ni vanyamayi ni sanana va di hi bangaladza kala vbavbandze nya lidhoropa. Na hi dugide khu dhoropani, hatshavbo hi di khidzima funguni hi lombelela ga Nungungulu.

Mithumo 21:5 Iomraidhean Croise

1 Dzipfhumu 8:54

Avbo Solomoni, a nga vbedzago gu gira ga Pfhumu Nungungulu nombelo yoyu ni gilombo gegi, na khidzimide a khusedza mandza ndzadzini, a di khuga khavbo a nga bani a khidzimide, mbeli nya giluvelo gya Pfhumu Nungungulu,

2 Dzikoronika 20:13

Vatshavbo va na Judha va di emide mbeli ga Pfhumu Nungungulu, gumogo ni sanana sawe, ni vagadzi vawe ni sanana sawe nya sikhwathana.

Nehemiya 12:43

Litshigu lolo, gu ningedwe miphaselo nya dzimhamba nya dzikhongolo gu bwelo khavbo gu nengedwa; kholu Nungungulu a di va ningide litsako nya likhongolo. Vanyamayi ni sanana, avo navo va di gu tsakide ngudzu. Huwa nya litsako lolo yi di pwala Jerusalema gwatshavbo, kala hwindzo.

Dzindzimo 95:6

Deluni hi ta khidzima hi lombelela Pfhumu Nungungulu. Kholu khuye muvangi wathu.

Matewu 14:21

Avo va nga hodzago va diri tengo nya livbandre magumi mazana (5.000) vama, nyamba sayela vanyamayi ni sanana.

Marko 1:40

Mudwali moyo nya sokono a di mu yela aya mu khidzimela, a gu mu lomba, khuye: “Pfhumu, wa gu dzina nyi agise.”

Luka 22:41

Khavbo avbo, a di leya vbadugwana, aya lombelela, khuye:

Mithumo 15:3

Avo, na va dongisedwe khu libandla la Antiyokiya, va di phara ndzila va gu hongola. Va di tsemakanya Fenisiya ni Samariya, va gu tshamusela gu vbindrugedza ga va nya mayigo va gu nengedzisa ngudzu vandruye vatshavbo.

Mithumo 17:10

Ni wutshigu wowo, vandruye va di khiledza Pawulo ni Silasi va gu hongola Bhereya. Na va vbohide va di hongola nyumbani nya nombelo nya Vajudha.

Mithumo 20:36

Pawulo, na vbedzide gu ganela esi, a di khidzima gumogo ni vatshavbo vandruye a lombelela navo.

Mithumo 20:38

Va di garadzega ngudzu kholu a nga va embela gukhuye gima kha va na wonana gambe naye. Khu vbale va di mu vbelegedza kala ngalavatunu.

Mithumo 9:40

Aholu, Pedro, na rumide vathu vatshavbo gu duga vbavbandze, a di khidzima a gira nombelo. Na thendregedzide a khedza girumbi, a di khuye: “Tabhita, wuga!” Uye a di hapfhula; na wonide Pedro, a di khala khu giwunu.

Josuwa 24:15

Aholu mwa gu si wona siri sadi gu khozela Pfhumu Nungungulu, hathani muhuno khu mani mu yelago gu mu thumela: Vanungungulu va nga khozedwa khu vababe vanu na vari khisikheyi nya tsongo wa Ewufrate, mwendro vanungungulu va Vaamori mu vbanyago tigoni gwawe. Gasi eni ni ndranga yangu hi na khozela Pfhumu Nungungulu.

Josuwa 8:35

Gu mwalo ni gimwegyo nya magana ma nga leletedwago khu Mosi, Josuwa a ngamba ma hevbulela tshangano wa Israyeli, gu pata gumogo ni vanyamayi, sanana sa beleni ni valuveli va nga bani va gu vbanya vbakari gwawe.