Mithumo 2:23 - Bhibhiliya Nya Guage

²³ Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.

Mithumo 2:23 Iomraidhean Croise

Genesi 50:20

Enu khu lisine, mu nyi giredeni gikungo nya guvivbe; aholu Nungungulu a gi vbindrugedzide a gi gira nya gyadi gasi gu manega nya sadi, kha nga olu mu si wonago, gasi vathu nya vangi va kodze guvbanyiswa.

Dzindzimo 76:10

Ambari likhulo nya muthu li na gu rungudza; ni mitshaledwa yi nga vbulugago yi na gu girela buzo.

Isaya 37:26

Ina khwa si pima gukhuwe gukhugela gale kheni nyi dongisedego makungo yaya, gani? Gasi olu, nya gu ma gira ma tadzisega, eni nyi dzinide gukheni uwe u khungumule madhoropa nya makhokhola, ma vbindrugedza ma khala marumbi.

Dhaniyeli 4:35

Vatshavbo va vbanyago mafuni, khandri gilo mbeli gwaye. Uye a gu thuma iso a si golago, khu mabutho nya dzingilozi dza ndzadzini ni vathu va vbanyago mafuni. Mwalo a ndreyisago gyandza gyaye mwendro gu mu embela, khuye: “Ginani u girago?”

Matewu 20:19

va na mu ningela ga mahedheni va mu vala, va mu kwamula ni gu mu khokhothela vbagihambanotunu. Aholu khu litshigu nya wuraru a na wuga khu ga vafudego.”

Matewu 26:24

Khu lisine Mwamana wa Muthu, a na hongola, kha nga idzo yi ganelago khidzo Milowo, aholu libango khya wule a na gu mu ningelago. Dari tshukwana ga muthu yoyo, na sa velegwa!”

Matewu 27:35

Hwane nya gu bani va mu khokhothede, va di kabana dzingandzu dzaye, vaya khu gu gira nyatumbatumbane.

Marko 15:24

Hwane nya gubani, va mu khokhothede vbagihambanotunu, va di kabana dzingandzu dzaye, va gira nyatumbatumbane gasi gu wona ginani gi na gu lumbago moyo ni moyo nya avo.

Luka 22:22

A gu nari Mwamana wa Muthu, a na landrisa esi si hungidwego khu Nungungulu. Aholu libango li na ni wule a na mu ningelago!”

Luka 22:37

Kholu lisine nyi mi embelago kheli: Gu vbwetega si girege gwangu iso si ganedwago khu milowo, nya gupwani: ‘Sayedwe vbakari nya sighohi.’ Khu lisine, iso si nyi lindredego si ngu vbweta gu girega.”

Luka 23:33

Na va vbohide wulanga wu ranwago wulanga nya girwarwa, va di mu khokhothela vbagihambanotunu uye ni sighevenga sile sa sivili, gimwegyo khu nyamudye, gimbe khu nyambade.

Luka 24:20

Idzo a nga ningedwago khidzo khu vakhongolo nya vaphasi nya mhamba ni vathangeli vathu a songwa, vaya khu gu mu khokhothela vbagihambanotunu.

Johane 19:18

Avbo va ngaya mu khokhothela vbakari nya vama vavili: Mumbe khu nyamudye, mumbe khu nyambade.

Johane 19:24

Va di pwanana khu gyawe, khavo: “Hi nga yi pferuli, aholu, hongoleni hi gire nyatumbatumbane, gasi gu wona yi na khala ya mani.” Yi tadzisega kharati Milowo, yi nga, khiyo: “Va kabanede guambala gwangu, va gira nyatumbatumbane khu ngandzu yangu.” Khidzo kharato ma nga gira masotshwa.

Mithumo 13:27

Vathu va Jerusalema ni vafumeli vawe, khu gumba muti Jesu, va di mu mola, va tadzisela kharato magana ya vaprofeti ma hevbudwago khu dzisabhadho dzatshavbo.

Mithumo 15:18

a ngu ganela Nungungulu a nga tulelago gu tidwa silo sesi khu myaga ya gale.’

Mithumo 2:36

Nyumba yatshavbo ya Israyeli yi na khale na yi gu dziti khu lisine latshavbo nya gu khiyo Jesu yoyu mu nga mu khokhothela vbagihambanotunu, Nungungulu a mu dandrisile a khala Pfhumu ni Kristo.”

Mithumo 3:18

Aholu, Nungungulu tadziside khu magirelo yaya satshavbo iso a nga si tivisago khu magana ya vaprofeti vatshavbo, nya gukhuye: Kristo Waye a di gu fanela gusaniseka.

Mithumo 4:28

vafela gu gira esi u nga si dongisela khu gale khu tshivba ni guti gwago.

Mithumo 5:28

“Ethu hi mi himbedzedeni khu tshivba guhevbudza khu lina lolo, aholu enu mu tadzile Jerusalema khu sihevbudzo sanu, gambe mwa guvbweta gu hi ninga nandru khu gufa nya muthu yoyu.”

Mithumo 5:30

Nungungulu wa vababe vathu wuside Jesu khu ga vafudego, oyu enu mu nga mu songa mu mu khokhothela vbagihambanotunu.

Mithumo 7:52

Khu wevbini muprofeti wa gale v ngamba mu tutumisa vababe vanu? Va songide vale va nga hegula gutivisa lipfhumba nya gute ga muthu nya ululamenga mu danga enu mu gu mu songa.

Varoma 2:12

Kholu vatshavbo va ghohago nyamba wuti Nayo, va na mbemba nyamba lamudwa khu Nayo yoyo. Gasi vale va ghohago na va gu wuti Nayo, va na lamudwa khu Nayo.

Varoma 4:17

Kha nga yi ganelago Milowo nya Guage, yi gukhiyo: “Eni nyi gu giride babe nya mayigo nya mangi,” Abrahama khade babe wathu mbeli gwa Nungungulu a gu uye a vbanyisago va nya gufa, a tumbunugisago silo si nga bani siri mwalo.

1 Vatesalonika 2:15

Avo va di songa Pfhumu Jesu, ni vaprofeti, va tutumisa ethu nethu. Avo kha va tsakisi Nungungulu, kha va vbweti nya sadi ga vathu.

1 Pedro 1:2

Enu mu hathidwe khu guhaladza gwa Nungungulu Babe, mu giridwe vathu va Nungungulu khu tshivba nya Liphuvbo laye, gasi mu yingela Jesu Kristo ni gu mitegedzedwa khu Novba waye. Wuhigo ni gurula gu na tadzisedwe avbo gwanu.

1 Pedro 1:20

Uye, khu lisine, a hathidwego khu gale na gu si gu vangwi litigo, a gu wonegiswa ga matshigu yaya nya guhegise, gasi gu phasa enu.

1 Pedro 2:8

Gambe giwindri gi na gu tshunganisago vathu; giwindri gi na gu va thesago. Avo va tshunganede kholu va ngamba khodwa khu Mahungu, khiso si dongisedwego avo.

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.

Gutuledwa 13:8

Vathu vatshavbo va mafuni va di khozela girengo, vale malina yawe ma nga mba lowa libhukuni nya womi li vegisidwego khu Nvutana yi payidwego gukhugela nya guvangwe litigo.