Mithumo 19:9 - Bhibhiliya Nya Guage

⁹ Ambari ulo, vambe va nya gubanga mihungo ni gumba khodwa va di phela gu dzuwungela Ndzila ya Pfhumu vbakari nya mwandra. Pawulo a di va diga a dzega vapizane khu phuvbo. Matshigu yatshavbo a di gu tshangana a bhula navo nyumbani nya guhevbule ya Tiranu.

Mithumo 19:9 Iomraidhean Croise

2 Dzipfhumu 17:14

Aholu avo kha va tula dzindzeve dzawe va yingisa; va bangisa dzithamo dzawe, kha nga vababe vawe, va ngamba khodwa ga Pfhumu Nungungulu wawe.

2 Dzikoronika 30:8

Mu nga bangisini myonyo yanu, kha nga idzo va giridego vababe vanu; pharani mandza ya Pfhumu Nungungulu, mu belani Nyumbani gwaye nya Guage, a yi agisedego kala gupindruga, mu thumela Pfhumu Nungungulu wanu, gasi a ndreyise vbakari gwanu guvila nya likhulo laye.

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Nehemiya 9:29

U va dundrugiside va bwelela nayoni gwago, aholu avo khu kotani nya gu dzi dandrise gwawe, kha va yingisa milayo yago, va di hambana ni sileletelo sago, si vbanyisago muthu wule a si landrisago; aholu va di gu pfhurarela va sega dzindzeve dzawe va si gu yingisi.

Dzindzimo 95:8

mu nga bangisi myonyo yanu, kha nga edzi va nga gira vababe vanu tigoni gwa Meribha litshigu lile nya masaha giwulani.

Mavingu 8:34

Kategile wule a nyi yingisago, a khedzago ndrangani gwangu matshigu yatshavbo, a lirelago mihasimoni nya mwanya wangu.

Isaya 8:14

Uye a na bani ari wulanga wanu nya miphaso; kholu a na khala kha nga giwindri nya gutshunganise ni givalo nya dzinyumba dza dzimbili dza Israyeli, ni naphwi nya gutshunganise vavbanyi va Jerusalema.

Jeremiya 19:15

“Pfhumu Nungungulu nya Tshivba Yatshavbo, Nungungulu wa na Israyeli, a ngu ganela kharati, khuye: Wonani nya gukhenu nyi na resa libango dhoropani momu; ni sidhoropanani gwatshavbo ga Jerusalema ni mambe ya vbafuvbyana nyi mi tivisidego, kholu vathu va tigoni momu va bangiside mihungo yawe va si dzumeli gu yingisa magana yangu.”

Jeremiya 7:26

Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Matewu 15:14

Va digeni; sikhumu si vbwetago gu phara kunga sikhumu sikwawe! Kholu gikhumu gya guvbweta gu phara kunga gikhumu gikwawe, sa sivili si ngu ya thegela phalani.”

Matewu 16:4

Mela yoyu nya vathu nya guvivbedwe khu monyo, va si khodwigo, wa gu lomba giyeyedzo! Aholu kha va na ningwa gimbe giyeyedzo vbavbandze nya giyeyedzo gya Jona.” Khavbo avbo, a di va ditsha a khuga a gu hongola.

Matewu 26:55

Khavbo avbo, a di thendregedza a khedza gikwata gile nya vathu, khuye: “Mu di donga matshari ni sighomba gasi guta nyi mola, gukhwatshi nyi mbafa! Matshigu yatshavbo nyi diromo Nyumbani gwa Nungungulu aholu mwalo a nga nyi mola!

Johane 12:40

“A di va sega maho, a gu bangisa myonyo yawe, gasi va si woni khu maho, ni gumba pima khu myonyo yawe, gufela gu va si vbindrugedzi mavbanyelo, nyi va vbanyisa.”

Mithumo 11:26

na mu mane, a di mu dzega a gu hongola naye Antiyokiya. Va khade vatshavbo gipimo nya mwaga rumba, va hengela ni libandla, va gu hevbudza gidzemo nya gikhongolo. Khiyo Antiyokiya vapizane va Jesu va nga phela guranwa pwani Vakristo.

Mithumo 14:4

Aholu, vathu va dhoropani va di kabanega. Vambe va di ema ni Vajudha, vambe va gu ema ni vapostoli.

Mithumo 17:4

Vambe vbakari gwawe va di dzumela, va gu bela tsawani wa Pawulo ni Silasi, gumogo ni gidzemo nya gingi nya vathu nya githawo ga Nungungulu, ni Vagreki ni vanyamayi nya ndruda.

Mithumo 19:23

Khu gikhati gyogyo, gu di manega litunga nya likhongolo dhoropani ga Efeso khu kotani nya Ndzila yeyi nya yiphya.

Mithumo 19:30

Pawulo a di vbweta gu dzi wonegisa vbakari nya vathu, aholu vakhodwa kha ma mu dzumedzisa.

Mithumo 20:31

Khavbo avbo, dzi woneleni. Dundrugani gukhenu, rumba nya myaga miraru, gima kha nya garala khu gu luleka moyo ni moyo nya enu, na nyi gu lila wutshigu ni mihani.

Mithumo 22:4

Nyi di venga nyi dwanela gu songa valandreli nya Ndzila yeyi nya Mahungu nya Yadi ya Pfhumu. Nyi di mola, nyi hunga, nyi khothela mapasoni vama ni vanyamayi.

Mithumo 24:21

Mwendro gi nga va gikhunguvanyiso khu kotani nya lito limwedo nyi nga ganelago vbakari gwawe, kheni: Khu kotani nya gutumbe guwuga ga vale va fudego, muhuno nyi ranidwe gu ta lamudwa vbakari gwanu.”

Mithumo 28:22

Aholu ethu hi di gola gu gupwa na wu gu ganela khu likana lago esi u pimisago, kholu hi ngu dziti gukhethu, gikhodwagi gyanu nya gu pambuge, gi ngu ganedzwa ni gu wugedwa malangani gwatshavbo.”

Mithumo 7:51

Vathu va nya gu banga mihungo, nya myonyo nyamba khodwa ni dzindzeve nyamba pwa. Mu ngu bomba Liphuvbo nya Guage gikhati gyatshavbo, nga edzi va nga bani va gu gira vababe vanu.

Mithumo 9:2

aya mu lomba malangalila nya guhongole khayo dzinyumbani nya nombelo dzi guromo dhoropani ga Dhamasiko. A gimbila a molela vakhodwa nya vama ni vanyamayi va landrago ndzila yeyi a va hunga dzitshinga a va resa Jerusalema.

Varoma 11:7

Hi na khethu ginani olu? Hi na khethu va na Israyeli va tandregide gu mana esi va nga si vbweta; aholu si manidwe khu tsawa nya vale va nga hathwa khu Nungungulu. Vatshavbo vambe kha va dzina gupwa gurana gwaye,

Varoma 9:18

Khu kharato, Nungungulu a gu girela wuhindzi oyu a dzinago gu mu girela, a gu vivbisa monyo wa oyu a dzinago gu mu vivbisela.

1 Vakorinto 16:9

kholu nya gu wona na yi vbohide nango nya guthume thumo nya khongolo wu ningago mihandro nya yadi, ambari nyi manago valala nya vangi.

1 Thimoti 6:5

ni guganedzana nya mahala, vathu nyambana mapimo, va guromo hwindzo ni lisine. Avo va gu dzega gukhodwa va gu gira wugwewo.

2 Thimoti 1:15

Uwe u ngu dziti nya gukhuwe vatshavbo va tigoni ga Aziya va nyi digide ambari nuye Figelo ni Herimogeni.

2 Thimoti 3:5

Va na sayisa giemo nya wukhodwa, aholu va ganedza tshivba yakone. Hambana navo vathu vovo.

2 Thimoti 4:2

Ganela Mahungu nya Yadi u simamisa gu gira kharato, gikhati nya gugaradze nigyo nya guvbevbuge kawuka, luleka ni gu khongotela khu gutimisela gwatshavbo ni gu hevbudza.

Vahebheru 3:13

Aholu, tiyiselanani khu gyanu, gikhati gyatshavbo, na mu nga gu vbanya ga litshigu li ranwago pwani “Muhuno” li thudwago khu Milowo nya Guage. Girani esi, gasi ni moyo wanu a si sengwi khu gighoho a banga hungo.

2 Pedro 2:12

Aholu, vathu vovo va ngu fanana ni sivangwa nyambana mapimo, si velegedwago gusotwa si gu songwa. Avo va gu gira matshandza khu silo nyamba siti. Khu guralo, va na pfhungumudwa nga sirengo nya likhabi.

2 Pedro 2:2

Vathu nya vangi va na simama gu vbanya mavbanyelo nya guvivbe. Khu kotani nya avo, vathu nya vangi va na ganela guvivba khu ndzila nya lisine.

Judha 1:10

Khu guralo, vathu vovo va gu poyila esi va si si pimigo. Silo va sitigo khu tumbunugo nya mavbanyelo nga sirengo nyambana mapimo khiso si va pfhungumulago.