Mithumo 18:5 - Bhibhiliya Nya Guage

⁵ Aholu, gikhati Silasi ni Thimoti va nga vbohago khu Makedhoniya, Pawulo a di dzi ningela khu tshivba thumoni nya guhevbudze mahungu basi, nyamba thuma mumbe thumo; a tivisa ga Vajudha khuye Jesu khuye Kristo.

Mithumo 18:5 Iomraidhean Croise

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Jeremiya 6:11

Khidzo kharato nyi tadego khu likhulo la Pfhumu Nungungulu; nyi garade kha nyi nga gu dzi kodza gu dzi phara. Nyi na li vbaladza likhulo lolo vbatshani ga sanana sawe si gimbilago dzindzilani numo nya mitshangano nya vathu vaphya; kholu vatshavbo mwama ni ngadzi va na modwa gumogo, vama nya vakhongolo ni avo va gumbidego, vatshavbo va na modwa.

Ezekiyeli 3:14

Khavbo avbo, Liphuvbo li di nyi dusa khu vbale, hefemulo wangu na wu tade khu guvbisega ni likhulo, aholu gyandza nya tshivba gya Pfhumu Nungungulu gi diri ni eni.

Mikeya 3:8

Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Luka 12:50

Gu ngu vbwetega gu eni nyi hakhe gubhapatiswa nya gukari. Nyi ngu saniseka ngudzu kala gu esi si girege.

Luka 16:28

kholu nyi na ni livbandre vandruye, gasi aya va laya va siti navo wulangani wowu nya gusaniseke.

Johane 1:41

Uye, guphela, a di mana ndriyaye Simoni, a gu mu embela, khuye: “Hi manide Mesiya, gutshamusago pwani Kristo.”

Johane 10:24

Vajudha va di mu randrela, va mu wudzisa, khavo: “U na hi tshula lini? Wa gu bani uri uwe Kristo, ganela lisine.”

Johane 15:27

A nenu mu na nyi fakazela, kholu mu diri ni eni gukhugela guhegulani.

Johane 3:28

Enu kamwe mu dzifakazi nya iso nyi ganedego, kheni: Khandreni Kristo; nyi di rumedwa basi gu thanga mbeli gwaye.

Mithumo 10:42

Khuye a hi rumidego gu gimbila hi tivisa Ivhangeli ga vathu ni gu fakaza gukhethu uye khuye wule a nga vegwago khu Nungungulu kha nga mulamuli nya va nya guvbanya ni va nya gufa.

Mithumo 15:22

Khavbo avbo, Vapostoli ni madhota, na va pwanane ni libandla latshavbo, va di hatha vama nya gukari vbakari gwawe, va gu va rumela Antiyokiya gumogo ni Pawulo ni Bharinabha, ni Silasi, vama nya gutumbege vbakari nya vandruye.

Mithumo 16:1

Va di vboha madhoropani ya Dheribhe ni Listra. A diromo mupizane moyo a ranwago pwani khu Thimoti, gyanana gya nyamayi moyo nya Mujudha nya mukhodwa, ni babe nya Mugereki.

Mithumo 16:12

Khu vbale hi di vboha Filipi, lidhoropa nya likhongolo la tigoni ga Makedhoniya gu nga bani gu fumwa khu Roma. Hi khade matshigwana nya gukari dhoropani mule.

Mithumo 16:9

Ni wutshigu, Pawulo a di wona giwoniso: Mwama moyo wa Makedhoniya na emide a di mu lomba, khuye: “Delu Makedhoniya u ta hi phasa”

Mithumo 17:3

A di va tshamusela khu gu va pimisela gwadi khuye Kristo a di fanela gu saniseka a wuga khu ga vafudego, a gu ganela, khuye: “Kristo khu Jesu oyu nyi mu tivisago gwanu.”

Mithumo 18:28

Kholu a di ganedza Vajudha khu tshivba vbakari nya vathu, a va yeyedza khu Milowo khuye Jesu khu Kristo.

Mithumo 2:36

Nyumba yatshavbo ya Israyeli yi na khale na yi gu dziti khu lisine latshavbo nya gu khiyo Jesu yoyu mu nga mu khokhothela vbagihambanotunu, Nungungulu a mu dandrisile a khala Pfhumu ni Kristo.”

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 20:23

Nya guti basi gukheni, madhoropani gwatshavbo nyi vbindrago, Liphuvbo nya Guage li ngu nyi tivisa gukhilo nyi lindredwe khu mapaso ni sisaniso.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 4:20

Gasi ethu, kha hi dzi kodzi gumba pwadza vathuni iso hi nga si wonago ni gu sipwa.”

Mithumo 9:22

Aholu, tshivba nya gutshumayele ga Sawule yi diya na yi gu tadzisega, a hambanisa mapimo nya Vajudha va Dhamasiko khu edzi a nga bani a gu fakaza khidzo khuye Jesu khuye Muvbanyisi a nga tumbiswago.

2 Vakorinto 1:19

Kholu Mwamana wa Nungungulu, Jesu Kristo, hi nga mi tivisani, Silivhano, Thimoti, ni eni kha khala “Ina ni ahihi,” aholu gikhati gyatshavbo a di khala “Ina.”

2 Vakorinto 11:9

Gikhati nyi nga bani nyiri iyo gwanu, ambari na nyi keneledwe khu gilogyo gima kha nya garadza muthu. Vakhodwa va nga tago khu Makedhoniya, khavo va nga nyi phasa khu esi si nga nyi kenelelago. Kha nya dzina gu mi lemedzani, gima kha nyi na mi lemedza.

2 Vakorinto 5:14

Kholu lihaladzo la Kristo li ngu hi gurumedza, ha gu alakanya gukhethu muthu moyo basi a di fela vathu vatshavbo, khavbo avbo vatshavbo va fude naye.

Vafilipi 1:23

Nya gu dzipwa na nyi gu ndrindrwa khu silo sa sivili: Mumbe monyo wa gu suva gu hongola nyiya khala ni Kristo; a diri gwadi ngudzu guvbindra silo satshavbo;

1 Vatesalonika 3:2

nyi mi rumelani Thimoti, ndriyathu a guromo thumoni wa Nungungulu, a tshumayela Mahungu nya Yadi ya Kristo. Nyi mu rumide guta mi tivisani ni gu mi phasani gukhodwa gwanu,

1 Vatesalonika 3:6

Olu, Thimoti wide khiyo gwanu, a hi wuyede ni mahungu nya gutshambe khu gukhodwa gwanu ni lihaladzo mu gu nalo ga vambe. A hi embede gambe khuye mu ngu hi dundruga ngudzu, mu ngu hi suva gu hi wona, nga ethu nethu hi mi suvago gu mi wona.

1 Pedro 5:12

Nya gu mi lovela lidangalila leli na nyi gu phasedzedwa khu Silivhano, uye khu mawonelo yangu a gu ndruye nya gutumbege. Nya gu vbweta gu mi tiyisela ni gu mi ningani wufakazi nya gukheni makategwa mu ma hakhidego giyeyedzo nya lisine nya wuhigo wa Nungungulu. Simamani mu tiya ga wuhigo wowo.