Mithumo 15:9 - Bhibhiliya Nya Guage

⁹ Kha vega guhambana ga ethu ni avo, aholu a di agisa myonyo yawe khu gukhodwa.

Mithumo 15:9 Iomraidhean Croise

Dzindzimo 51:10

Nungungulu, vega monyo nya wadi ndrani gwangu u wusedza liphuvbo nya gutiye monyoni gwangu;

Ezekiyeli 47:22

Enu mu na kabana kha nga thomba yanu kamwe gumogo ni valuveli va vbanyago vbakari gwanu, na vari ni sanana. Enu va vegeni kha nga sivelegwa sa Israyeli; gumogo nanu va na bela thombani, vbakari nya mahundzu ya Israyeli.

Mithumo 10:15

Aholu, lito li di engedza gambe, khilo: “Igyo Nungungulu a gi agisidego, u ngayi khuwe gi nyenyezide.”

Mithumo 10:28

Pedro a di va embela, khuye: “Kha nga mu dzitigo gwadi, kha gu dzumedziswi Mujudha gu hengela ni mahedheni, ambari gu bela dzindrangani gwawe. Aholu, Nungungulu a nyi yeyedzide gukhuye khandri gwadi gu rana muthu kwanu khuwe nyenyezide ni gukhuwe kha agiswa.

Mithumo 10:34

Khavbo avbo, Pedro a di khusa lito a ganela, khuye: “Nyi ngu wona khu lisine nya gukheni Nungungulu kha hatheli vathu,”

Mithumo 11:12

Liphuvbo la Nungungulu li di nyi ruma guhongola navo nyamba kanakana. Ava vandruye nya livbandre na moyo nyi hongode navo, hi diya bela nyumbani ga Korineliyo.

Mithumo 14:1

Pawulo ni Bharinabha, na va vbohide Ikoniya, va di bela nyumbani nya nombelo nya Vajudha, va gu ganela khu tshivba. Vathu nya vangi va di khodwa, Vajudha ni Vagreki.

Mithumo 14:27

Na va vbohide, va di tombanisa libandla va va embeledzela satshavbo iso Nungungulu a nga girago navo, ni edzi Nungungulu a nga tulelago khidzo ndzila nya gukhodwe va nya mayigo.

Varoma 3:22

gululama gutago khu ga Nungungulu khu gukhodwa ga Jesu Kristo, A gu tshanganisa naye watshavbo a khodwago, kholu gu mwalo guhambana vbakari nya vathu.

Varoma 3:9

Hi na khethu ginani olu? Ina ethu hi vathu nya wutshukwana guvbindra vambe, gani? Ahihi. Kha nga nyi ngari gu mi yeyedzago, Vajudha gumogo ni avo va si gu Vajudha, vatshavbo va fumedwe khu gighoho.

Varoma 9:24

Ethu khethu vale va ranidwego khu Nungungulu nasiri basi vbakari nya Vajudha, aholu ni vbakari nya va nya mayigo gambe.

1 Vakorinto 1:2

ha gu lovela Libandla la Nungungulu li guromo dhoropani ga Korinto, enu mu ranedwego gu khala sihathwa, mu agisidwego khu gutshanganiswa gumogo ni Kristo Jesu. Ha gu lovela gambe ni vatshavbo vale va phalalegidego ni litigo latshavbo va lombelelago khu lina la Pfhumu yathu Jesu Kristo, a gu Pfhumu yawe navo.

1 Vakorinto 7:18

Oyu a ranidwego na hanide wugwera, a nga dzi garadzi khu gu vbweta gu futa wugwera waye. Ni oyu a ranidwego na sa hana wugwera, a nga dzi garadzi khu gu hana wugwera.

Vagalatiya 3:28

Khavbo avbo, olu gumwalo gambe guhambana Vajudha ni va nya mayigo, dzikhumbi ni va nya gutshulega; vama ni vanyamayi. Enu mwatshavbo mu moyo basi khu gu hengela gumogo ni Kristo.

Vagalatiya 5:6

Kholu, na hi tshanganisidwe ni Kristo, gu hana ni gumba hana wugwera kha si phasi gilo. Egi gi phasago khu gukhodwa gu dzi wonegisago khu mithumo ya lihaladzo.

Vaefeso 3:6

Sihalo nyi wu thulago khowu: Khu tshivba nya Mahungu nya Yadi, vale va si gu Vajudha va emisedwe navo guya hengela gumogo ni Vajudha gu hodza thomba Nungungulu a yi vegisedego vathu, kholu avo navo sivbango nya givili gya gimwegyo, gambe va na ni wulanga avba nya gisambanyo gya Nungungulu khu ga Jesu Kristo.

Vakolosi 3:11

Gukhugela olu, gu mwalo gambe guhambana nya va nya mayigo ni Vajudha, va nya gu hana wugwera ni ava nyamba hana wugwera, va dhoropani ni va vbavbandze, khumbi ni muthu nya gutshulege. Kristo khuye satshavbo, gambe womo ga satshavbo.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.