Mithumo 15:5 - Bhibhiliya Nya Guage

⁵ Aholu, vambe nya tsawa nya vafarisi va nga bani va khodwe va di ganela khavo gu vbwetega va nya mayigo va bela wugwera, va landra Nayo wa Mosi.”

Mithumo 15:5 Iomraidhean Croise

Matewu 3:7

Aholu, na wonide nya gukhuye Vasadhusi nya vangi ni Vafarisi va di guta navo gasi guta bhapatiswa khuye, a di va embela, khuye: “Enu livelego nya dzinyoga! Khu mani a nga mi ruma gu thava likhulo litago?

Mithumo 15:1

Va di relela khu Judheya va ta Antiyokiya vathu va ngata hevbudza vandruye, khavo: “Mwa gumba hana wugwera, ni gu landrisa Nayo wa Mosi, gima kha mu na dzi kodza gu vbanyiswa.

Mithumo 15:24

Na hi dzitide nya gukhethu va dugide vathu khu tsawani gwathu va ngata mi hambanisa mapimo khu gu ganela gwawe va gu khunguvanyisa mihefemulo yanu,

Mithumo 21:20

Na va mu pwide, vatshavbo va di rungudza Nungungulu, va gu embela Pawulo, khavo: “Wandruye, u na wona nya gukhuwe mazana mangi nya Vajudha va hakhide gukhodwa ga Kristo, aholu va gu simama gu landrisa Nayo wa Mosi.

Mithumo 24:14

Ambari ulo, nyi ngu dzumela gukheni ha gu khedza khu Ndzila va yi ranago avo khavo tsawa, eni nya gu khozela Nungungulu wa vababe vangu, nyi khodwa ga satshavbo esi si yelanago ni Nayo, nesi si nga lowa khu vaprofeti.

Mithumo 24:5

Hi wonide gukhethu oyu mwama vivbide. Khuye a wusago pfilupfilu ga Vajudha va mayigo yatshavbo. Khuye khongolo nya tsawa nya Vanazarenu.

Mithumo 28:22

Aholu ethu hi di gola gu gupwa na wu gu ganela khu likana lago esi u pimisago, kholu hi ngu dziti gukhethu, gikhodwagi gyanu nya gu pambuge, gi ngu ganedzwa ni gu wugedwa malangani gwatshavbo.”

Mithumo 5:17

Khavbo avbo, khongolo nya vaphasi nya mhamba ni vatshavbo vale a hengelago navo, va lumbago tsawa nya vasadhusi, va di tala khu lidiwo,

1 Vakorinto 7:18

Oyu a ranidwego na hanide wugwera, a nga dzi garadzi khu gu vbweta gu futa wugwera waye. Ni oyu a ranidwego na sa hana wugwera, a nga dzi garadzi khu gu hana wugwera.

Vagalatiya 2:11

Gikhati Pedro a ngatago dhoropani ga Antiyokiya, nyi dzude nyita mu kawuka khovbe ni khovbe khu gu gira silo nya guyele gu kawukwa.

Vagalatiya 2:14

Na nyi wone gukheni mithumo yawe yi ndreyide ndzilani nya Ivhangeli, nyi di embela Pedro vbakari nya vathu vatshavbo, kheni: “Uwe u gu Mujudha wa gu vbanya kha nga moyo a si gu Mujudha. Khu ginani u vbweta gu gurumedza ava va si gu Vajudha gu landrisa milayo nya tumbunugo wa Vajudha?”