Mithumo 15:2 - Bhibhiliya Nya Guage

² Gu di manega gu ganedzisana nya gukhongolo, kholu Pawulo ni Bharinabha va di hambana ngudzu ni sihevbudzo sawe. Va di pwanana vatshavbo va rumela Pawulo ni Bharinabha ni vambe vandruye, va gwela Jerusalema guya wudzisa mahungu yaya ga vapostoli ni madhota.

Mithumo 15:2 Iomraidhean Croise

Ekisodha 18:23

Wa gu gira kharati, nu gu leletedwa khu Nungungulu, uwe u na mana tshivba nya guthume u ya mbeli, gambe vathu vava va na bwelela magaya gwawe na va manide gurula.

Mithumo 10:23

Khavbo avbo, Pedro a di va hakha a gu bela navo nyumbani. Gandra ni dzimindru, a di phara ndzila a hongola navo; vandruye nya gukari va tigoni ga Jope va di mu bangaladza.

Mithumo 11:12

Liphuvbo la Nungungulu li di nyi ruma guhongola navo nyamba kanakana. Ava vandruye nya livbandre na moyo nyi hongode navo, hi diya bela nyumbani ga Korineliyo.

Mithumo 11:30

Va di gira kharato va si rumela ga madhota khu mandzani ga Bharinabha ni Sawule.

Mithumo 15:25

hi hungide khu monyo moyo gu hatha madhota hi ma rumela iyo gwanu gumogo ni Bharinabha ni Pawulo,

Mithumo 15:27

Khavbo avbo, hi ngu mi rumelani Judha ni Silasi, avo va na ta ganela khu magana yawe mahungu yaya ya mamowo.

Mithumo 15:4

Na va vbohide Jerusalema va di hakhwa gwadi khu libandla, ni Vapostoli, ni madhota, va tshamusela siliwugiso Nungungulu a nga girago khu avo.

Mithumo 16:4

Madhoropani va nga vbindrago khumo, va di ningela sileletelo sa vapostoli ni madhota ya Jerusalema, va gu va khongotela gu si landrisa.

Mithumo 21:18

Khu mindru gakone, Pawulo a di hi dzega hi ya holela Jakobe. Hi di ya mana madhota yatshavbo nya libandla na ma tshanganide.

1 Vakorinto 1:1

Eni Pawulo, nyi ranidwego khu gugola ga Nungungulu gasi nyi khala mupostoli wa Jesu Kristo, gumogo ni ndriyathu Sositene,

2 Vakorinto 11:5

Aholu, nya gukheni kha nyi vbindrwi khu vapostoli vovo nya vakhongolo.

Vagalatiya 2:5

Aholu ethu kha ha dzumela ni vbadugwana gu pengiswa khu avo, khu gufela gukhethu enu mu khale na mu tiyide lisineni nya Mahungu nya Yadi.

Judha 1:3

Sigodwa sangu, eni nyi di gira tshivba nya gu mi loveleni khu mahungu nya guvbanyiswe hi gu nago gumogo nanu. Nyi di dzipwa gukheni i tshukwana nyi mi lovela olu gasi gu mi tiyiselani litungani mu li dwanago khu kotani nya gukhodwe gu ningidwego sihathwa saye kala gupindruga.

1 Samuweli 8:7

Pfhumu Nungungulu, a di phindrula Samuweli, khuye: “Yingisa gilombo gya vathu ni satshavbo va gu embelago, kholu avo kha va kanyisa uwe, aholu va di kanyisa Eni, gasi nyi si fumi vbakari gwawe.