Mithumo 12:7 - Bhibhiliya Nya Guage

⁷ Khavbo avbo, yi di tumbuluga ngilozi ya Pfhumu, lipaso li di wenengedzwa khu safa; ngilozi ya Nungungulu yi di kuha limbambo la Pedro, yi mu wusa yi mu embela, khiyo: “Khuga u eme khu guvbiredza.” Khavbo avbo, dzitshinga dzi di thega khu mawogoni gwaye.

Mithumo 12:7 Iomraidhean Croise

2 Samuweli 22:29

Uwe Pfhumu Nungungulu, khuwe kandriya yangu Pfhumu Nungungulu, u ngu wenengedza gidema.

1 Dzipfhumu 19:5

Eliya a di lala vbavbatshi nya simbo, a gu wongomedwa khu ligovbe. Khu githugedza ngilozi ya Nungungulu yi di mu kuha yi mu embela, khiyo: Wuga u hodza.

1 Dzipfhumu 19:7

Ngilozi ya Pfhumu Nungungulu yi dita mu kuha nyaluphye, yi mu embela, khiyo: “Wuga u hodze, kholu u ngari ni pfhukha nya wukhongolo gu gimbila.”

Dzindzimo 107:14

A di va dusa gidemani ni mwedzini nya lufu, a gu kavilela makhetshe yawe.

Dzindzimo 116:16

Uwe Pfhumu Nungungulu, eni nyi githumi gyago, nyi gyanana gya githumi gyago nya nyamayi; uwe u kavilede dzitshinga nyi nga bani nyi hungidwe khidzo.

Dzindzimo 146:7

Uye a lamulelago avo va saniswago, a ningago guhodza avo va gu ni ndzala. Pfhumu Nungungulu a ngu tshula avo va khothedwego.

Dzindzimo 34:7

Ngilozi ya Pfhumu Nungungulu ya gu vhikela vale va mu ningago githawo yi va vbanyisa.

Dzindzimo 68:6

Nungungulu a ngu ninga wulanga sisiwana, a tshula ava va hungeledwego, a va ninga wurendra; aholu avo va mu wugelago va na vbanya giwulani.

Isaya 37:30

Giyeyedzo gyago gi na bani giri egi: Mwagani momu u na hodza mipfhundre, khu mwaga nya wuvili, mu na hodza iso si na bugago sabune, aholu khu mwaga nya wuraru, mu na yala mu vbwera ni gulima marembwe mu hodza mihandro yakone.

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Jeremiya 40:1

Pfhumu Nungungulu a di ganela ni Jeremiya hwane nya gu Nebhuzaradhani, ndruna nya dzighadhi dza tigoni ga Rama na mu tshude khu pasoni, umo a mu manidego na hungidwe khu makhetshe vbakari nya vatshavbo va nga bani va vbagedwe khu Jerusalema ni Judha va yiswa Bhabhiloni.

Ezekiyeli 43:2

Nyi di wona wudhumo wa Nungungulu wa Israyeli, wu nga bani wu guta khu Khugadambo. Lito laye li di gu fanana ni gudzuma nya mavimbi nya mati, ni mafu ma di ngangamela khu kotani nya wudhumo waye.

Dhaniyeli 3:28

Nabhukodhonosori a di ganela, khuye: “A na dhumiswe Nungungulu wa Sadraki, Misaki ni Abhedhi-Negho, a rumedego ngilozi yaye yita vbanyisa sithumi saye, si mu tumbidego, kholu kha va dzumela gu landrisa magana ya mufumeli, si hatha gu ningela sivili sawe, guvbindra gu khozela mumbe nungungulu, vbavbandze ga Nungungulu wawe.”

Dhaniyeli 6:22

Nungungulu wangu rumede ngilozi yaye yita sega likana nya dzinghala. Idzo kha dza nyi gira gilo, kholu nyi wonidwe na nyiri mwalo nandru mbeli ga Nungungulu. Ambari avbo gwago gimwalo nyi ghohidego.”

Mikeya 7:9

Nyi na rwala likhulo la Pfhumu Nungungulu, kholu nyi mu ghohedego; kala a vhikela mahungu yangu a nyi lamula; a na nyi yisa guwonegelani nyi nata wona gululama gwaye.

Habhakuka 3:11

Lidambo ni ngima si di ema malangani gwaye, si dzimeledwa khu gukhedziga nya sighalala, ni guvbyuga nya matshari yago nya gukhedzige.

Habhakuka 3:4

Gungangamela gwaye gwa gu fanana ni wenengedzo nya lidambo; ni mandzani gwaye gu duga dzitsahe nya gukhedzige, avbo gu nga bani gu sihala tshivba yaye.

Matewu 2:13

Na va hongode, ngilozi ya Pfhumu yi di tumbulugela Josefe khu ndroroni, yi mu embela, khiyo: “Khuga u dzega gyanana ni mayi waye, u thavela Egipito. Indra khala iyoyo kala nyi gu tivise, kholu Herodhi a ngu vbweta gyanana, gasi gu gi songa.”

Luka 2:9

Va di tumbulugedwa khu ngilozi ya Pfhumu, va randredwa khu wenengedzo wa Pfhumu, va tala khu hwanga.

Luka 24:4

Na va nga gu liwuga esi, va di tumbulugedwa khu vama vavili na va ambade dzingandzu nya gungangamele.

Mithumo 10:30

Korineliyo a di mu hakha, khuye: “Vbanyatulo nguluni, khu gikhati nya nga egi, na nyi gu gira milombelo yangu nya silambo, nyi di wona muthu nya dzingandzu nya gungangamele,

Mithumo 12:23

Khu gikhati gyogyo a di vetwa khu ngilozi ya Pfhumu, a gu hodzwa khu siwungu afa, kholu kha nga rungudza Nungungulu.

Mithumo 12:6

Ni wutshigu wowo Herodhi a nga bani a dongide gu mu ningela, Pedro a di lade vbakari nya masotshwa mavili na hungidwe dzitshinga, mambe masotshwa ma di gu ghadha lipaso.

Mithumo 12:8

Ngilozi yi di mu embela gambe, khiyo: “Hunga libhandri lago u ambala silato.” Pedro a di gira kharato. Ngilozi ya Nungungulu yi di engedza gambe, khiyo: “Ambala libhadzi lago u nyi landra.”

Mithumo 16:26

Khu githugedza gu di manega girevareva, gi nga kutsunga lipaso, ma tulega malimba yatshavbo, ma pilegela makhetshe ya vatshavbo.

Mithumo 2:24

Aholu Nungungulu a mu wuside khu ga vafudego, a mu vbulugisa gusanisekani nya lufu, kholu a di si yedwi khu gu fumedwa khu tshivba nya lufu.

Mithumo 5:19

Aholu ngilozi ya Nungungulu yi dita ni wutshigu yita tula malimba nya lipaso, yi gu duga navo vbavbandze, yi va embela, khiyo:

Mithumo 9:3

Na gimbide, nari vbakari nya ndzila, vbafuvbi ni gu vboha Dhamasiko, a di fenengedzwa khu gulasa nya gukhongolo nya gute khu Ndzadzini.

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Gutuledwa 18:1

Khu hwane nya silo sesi, nyi di wona gambe yimbe ngilozi na yi gu tshiga khu ndzadzini ni tshivba nya yikhongolo ngudzu, ni litigo li di wenengedzwa khu gungangamela gwaye.