Mithumo 1:6 - Bhibhiliya Nya Guage

⁶ Vapostoli na va tshanganide, va di mu wudzisa, khavo: “Pfhumu, ina khavbo olu uno wusedzago mufumo tigoni ga Israyeli, gani?”

Mithumo 1:6 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Isaya 1:26

Nyi na gu wuyisela valamuli vago, nya gufanane ni vale va gale, ni vasingalagadzi vago kha nga guhegulani; khavbo u na ranwago nyaluphye, gupwani u lidhoropa nya gululame ni gutumbega.

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Dhaniyeli 7:27

Khu guralo, mufumo, tshivba ni wugulu nya mifumo yatshavbo ya mafuni, yi na ningedwa ga lihundzu nya sihathwa sa oyu a Khusegidego ngudzu. Mufumo waye khwa kala gupindruga, vafumeli vatshavbo va na mu khozela ni gu mu yingisa.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Amosi 9:11

Khu litshigu lolo, nyi na wusa gambe tshatsha wa Dhavhidhe wu thegidego. Nyi tshikedzela malufa yaye, nyi wusa marumbi yaye. Nyi na wu vbahedza nga idzo wu nga bani ma romo khidzo khu gale;

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Matewu 17:11

Uye a di va hakha, khuye: “Ina, Eliya a na wuya ata lulamisa satshavbo.

Matewu 20:21

Jesu a di mu wudzisa, khuye: “Wa guvbweta ginani?” Uye a di mu hakha, khuye: “Dzumela gukhuwe, mufumoni gwago, sanana sesi sangu sa sivili, si khale gimwegyo khu nyamudye, gimbe khu nyambade gwago.”

Matewu 24:3

Na khade mugigomoni nya Miolivha, va di hidzimela vapizane vaye, vaya mu wudzisa, nari avo venga, khavo: “Hi embele, lini si na gu dugelelago satshavbo soso? Giwonegiso muni gi na gu tivisago guta gwago ni guhegisa nya litigo?”

Marko 9:12

Jesu a di va phindrula, khuye: “Khidzo. Eliya a na phela khuye ata gasi guta lulamisa silo satshavbo. Milowo gasi yari khiyo ginani khu Mwamana wa Muthu, khandri yari khiyo gu vbwetega a saniseka ngudzu ni gu nyenywa?

Luka 17:20

Na wudzisidwe khu Vafarisi, pwani: “Lini wu na vbohago Mufumo wa Nungungulu?” A di va hakha, khuye: “Mufumo wa Nungungulu kha wu dzi yeyedzi wa gu bani wu guta.

Luka 19:11

Na va gu pwa esi, Jesu a di engedzela gimbe gipimaniso, kholu a nga bani a romo vbafuvbi ni Jerusalema, nulo vathu va nga bani va gu hingigedza gukhavo Mufumo wa Nungungulu wu di guvbweta gu vboha khu guvbiredza.

Luka 22:29

Khu kharato, nyi na mi ningani mufumo kha nga Babe a nga nyi ningago neni,

Johane 21:21

Na mu wone, Pedro a di wudzisa Jesu, khuye: “Oyu ke, ginani gi na gu mu dugelelago?”