Mithumo 1:26 - Bhibhiliya Nya Guage

²⁶ Khavbo avbo, va di gira tumbatumbane; gi gu thegela Matiya. Gukhugela avbovbo a di vegwa tengoni nya vale nya likhumi na vavili vapostoli.

Mithumo 1:26 Iomraidhean Croise

1 Dzikoronika 24:5

Va di kabanisedwa khu mitsawa khu gu lodwa khu nyatumbatumbane; kholu gu diromo vathangeli va vbawulangani nya Guage ngudzu ni vathangeli va Nyumbani ya Nungungulu, ga va na Eliyazari ni ga na Itamari.

Nehemiya 10:34

Gasi ethu vaphasi nya mhamba, va na Levhi, ni vathu vatshavbo gulandra khu linyumba la vababe vathu, hi lole dzisolo nya guti khu mani a na gu resago khu mwaga ni mwaga dzikhuni nya gute khondrisa khidzo nilo vbagiluvelotunu gya Nyumbani ga Pfhumu Nungungulu wathu, khu matshigu ma emisidwego kha nga idzo gu lovidwego khidzo umo nya Nayo.

Nehemiya 11:1

Avo va nga bani va thangela vathu, va di khala Jerusalema, aholu ava vambe vathu va di lola dzisolo gasi guti vbakari nya mitsawa nya likhumi mapango gu hathwa moyo a yelago guya khala dhoropani nya gukatege Jerusalema; gasi ava vambe nya livbandre na sina sipandre, va vbaha ga mambe madhoropa.

Mavingu 16:22

Uye a gu ni mapimo a na ni nambo nya womi, aholu gipumbu gya gu mana tsayiso khu wupumbu waye.

Mavingu 16:33

Vathu va ngu kodza gu wudzisa khu gulola dzisolo, aholu uye a ningago phindrulo khu Pfhumu Nungungulu ekha.

Levhi 16:8

Aroni a na hatha ga vamabhongwe va vavili, khu gu lola dzisolo: Moyo wa Pfhumu Nungungulu, mumbe wa Azazeli.

Jona 1:7

Va di embedzelana khu gyawe, khavo: “Hongoleni hi lola dzisolo, gasi hi kodze gutugula gukhethu khu mani a hi reselago libango leli.” Va di lola dzisolo, dzi thegela Jona.

Marko 6:30

Vapostoli va di wuya va ta tshangana ni Jesu va gu mu tshamusela iso va nga gimbila va gira ni esi va nga hevbudza.

Mithumo 1:23

Khavbo avbo, va di hatha vama vavili: Josefe a nga bani a gu ranwa pwani Bharisabha, na gu tidwa khu lina la mululami, ni Matiya.

Mithumo 13:19

Khu hwane nya gikhati a di fuvisa livbandre na mavili mahundzu ya tigoni ga Khanani, a gu li ningela ga vababe vathu,

Mithumo 2:14

Pedro, na emide gumogo ni vale nya likhumi na moyo, a di khusedza lito a gu ganela kharati, khuye: “Enu vathu va Judheya ni enu mwatshavbo mu vbanyago Jerusalema, khalani na mu gu dziti, gambe tulani gwadi dzindzeve mu yingisa magana yangu.

Josuwa 14:2

Gukavedzedwa nya thomba, gu giridwe khu gulola dzisolo kha nga idzo Pfhumu Nungungulu a nga leletelago khidzo Mosi, gasi gu kavedzedwa livbandre na mana mahundzu ni gipandre;

Josuwa 18:10

Khavbo avbo, Josuwa a di lola dzisolo mbeli ga Pfhumu Nungungulu, a kavedzela litigo sanana sa Israyeli gukhedza khu dzinyumba dzawe, nari khu tigoni ga Silo.

Gutuledwa 21:14

Libhiyo nya lidhoropa li vbahidwe vbatshani nya likhumi na sivili siseketelo si lovidwego likhumi na mavili malina nya vapostoli va Nvutana.