Mithumo 1:16 - Bhibhiliya Nya Guage

¹⁶ “Vandruye, gu di vbwetega gutadzisega umo nya Milowo, satshavbo iso si nga ganedwa khu Liphuvbo nya Guage, khu likana la Dhavhidhe, khu mahungu ya Judha a nga thangelago ava va nga hunga Jesu.

Mithumo 1:16 Iomraidhean Croise

2 Samuweli 23:2

Liphuvbo la Pfhumu Nungungulu li ganede khavbo gwangu, magana yaye momo lidimini gwangu.

2 Dzipfhumu 15:12

Aya khu magana ya Pfhumu Nungungulu a nga embelago Jewu, khuye: “Sanana sago, kala gitugulwana nya wu na; si na khala vbagikhalotunu nya wufumu wa na Israyeli.” Si di girega kharalo.

Dzindzimo 41:9

Gu dzega ni pari yangu, nyi nga bani nyi yi tumba, hi nga bani hi hodza mbiya mweyo, yi nyi dzuwuluga niyo yi nyi wugela.

Matewu 26:14

Khavbo avbo, Judha Sikarioti, moyo nya vale nya likhumi na vavili, a di ya ga vakhongolo nya vaphasi nya mhamba, aya bhula navo, khuye:

Matewu 26:47

Na nga guganela, a di bela moyo nya vale nya likhumi na vavili, nari ni libutho nya likhongolo nya vathu, va nga rumedwago khu vakhongolo nya vaphasi ni madhota, na vari ni matshari ni sighomba.

Matewu 26:54

Yi di vbweta gu tadzisega kharini Milowo yi gu khiyo satshavbo gu vbwetega si girege kharati?”

Matewu 26:56

Aholu satshavbo sesi sa gu girega, gasi gu tadzisega Milowo ya vaprofeti.” Khavbo avbo, vapizane vatshavbo va di mu tshiya enga, va gu thava.

Marko 12:36

Uye Dhavhidhe abune, ganede khu tshivba nya Liphuvbo nya Guage, khuye: ‘Pfhumu a di embela Pfhumu yangu, khuye: Khala khu nyamudye gwangu kala nyi vega valala vago vbavbatshi nya migondro yago.’

Marko 14:43

Khavbo avbo, Jesu na nga guganela a di vboha Judha, moyo nya vale nya likhumi na vavili, nari ni gidzemo nya gingi nya vathu, na va pharide matshari ni sighomba, va nga rumedwa khu vakhongolo nya vaphasi nya mhamba ni vahevbudzi nya Nayo ni madhota.

Luka 22:47

Jesu na nga guganela li di vboha lidhuma nya vathu, na li gu thangedwa khu moyo nya vale nya likhumi na vavili, nya gupwani khu Judha, a nga hidzimelago ga Jesu gasi guya mu bhejari.

Johane 10:35

Milowo nya Guage kha yi fuvi. Nungungulu a gu rana khuye vanungungulu vathu vale va hakhago mahungu yaye.

Johane 13:18

“Kha nyi thuli enu mwatshavbo, nyi ngu vati avo nyi va hathidego, aholu nya gu ganela kharati gasi gutadzisega milowo, yi gu, khiyo: ‘Uye nyi hodzago naye mbiya mweyo a nyi wugede.’

Johane 17:12

Na nyi ngari navo mafuni nyi di gu va sayisa khu lina lago. Nyi sayiside vatshavbo u nga nyi ningago, mwalo ni moyo a nga dzimelago, vbavbandze ga wule gu nga vbwetega a dzimele, gasi gu tadzisega Milowo.

Johane 19:36

Esi si giregide gasi gu tadzisega Milowo, yi gu, khiyo: “Ni gimwegyo girambo gyangu kha gi na fanywa.”

Mithumo 1:20

Kholu gu lovidwe libhukuni nya Dzindzimo gupwani: ‘Yi na khale giwula ndranga yaye ni muthu moyo a nga vbanyi avbo.’ Gu engedzwa gambe pwani: ‘Wulanga waye wu na tshikedzwa khu mumbe!’

Mithumo 13:15

Na va hevbude lidangalila nya Nayo ni eli nya vaprofeti, vathangeli nya nyumba nya nombelo va di va embela, khavo: “Vandruye, mwa gu bani muri ni mahungu nya gulose khayo libandla, ganelani.”

Mithumo 13:38

Khalani na mu gu dziti, vandruye, gukhenu gutsetseledwa nya sighoho gwa gu tiviswa khu lina laye.

Mithumo 15:13

Na va vbedzide gu ganela, Jakobe a di khusa lito a gu ganela, khuye: “Vandruye, nyi yingiseni:

Mithumo 15:7

Gu di manega gu ganedzisana nya gukhongolo ngudzu, Pedro a khuga a ema, a ganela, khuye: “Vandruye, mu ngu dzitini nya gukhenu Nungungulu a nyi hathide vbakari gwanu, gukhugela matshiguni nya guhegule, gasi va nya mayigo vapwe Ivhangeli khu kanani gwangu, va khodwa.

Mithumo 2:23

Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.

Mithumo 2:37

Na va pwide magana yaya va di garadzega myonyoni gwawe, va wudzisa Pedro ni vambe vapostoli, khavo: “Vandruye, ginani hi fanelago gu gira?”

Mithumo 22:1

“Vandriyangu ni enu vababe! Yingisani olu esi nyi gu naso gu mi embela khu gu dzi vhikela gwangu.”

Mithumo 23:1

Pawulo, na khuside maho a khedzisa madhota nya phatha, a di ganela, khuye: “Vandruye, nyi vbanyide khu gu tshulega mahingigedzoni gwangu gwatshavbo mbeli gwa Nungungulu kala litshigu la muhuno.”

Mithumo 23:6

Pawulo a di gu dziti gukhuye yomo mitsawa mivili phathani, oyu nya vasadhusi ni oyu nya vafarisi. A di khuye: “Vandriyangu, eni nyi mufarisi gyanana nya vafarisi. Khu kotani nya gutumbe guwuga ga vale va fudego, khayo mahungu nyi thethiswago khayo.”

Mithumo 28:17

Hwane nya matshigu mararu, Pawulo a di rana Vajudha nya guthavisege va khalago Roma, gasi guta tshangana navo. Na va vbohide a di va embela, khuye: “Vandriyangu, eni gimwalo gilo nyi ghohidego ga libandla lathu, kha nyi wugeli tumbunugo nya mavbanyelo ya vababe vathu. Aholu Vajudha va di nyi mola Jerusalema, va nyi ningela mandzani ga Varoma.

Mithumo 28:25

Khu gumba pwanana, va di duga va hongola. Va si gu dugi, Pawulo a di va embela, khuye: “Bayi, li ganede Liphuvbo nya Guage, li nga ganela khu likana la muprofeti Isaya,

Mithumo 7:2

Sitefane a di mu hakha, khuye: “Vandriyangu ni vababe vangu, yingisani! Nungungulu nya wudhumo a dzi wonegiside ga babe wathu Abrahama na ngo gu vbanya Mesopotamiya, na si gu ruri aya khala Harani,

1 Pedro 1:11

Va zamide gu vbweta guti gikhati muni, matelo muni; Liphuvbo la Kristo li nga bani liri gwawe li va tiviside gikhati gyogyo khu gu va embela sisaniso a nga hadza gu si mana Kristo, ni wudhumo wu nga vbweta gu manega khu hwane nya iso.

2 Pedro 1:21

Kholu, ma mwalo magana nya vaprofeti ma nga lowago khu gudzina nya muthu, aholu, vathu va di kutsedzedwa khu Liphuvbo nya Guage, va ganela Mahungu nya gute khu ga Nungungulu.

2 Pedro 2:21

A diri tshukwana va sa yiti ndzila nya gululame, guvbindra gu yiti va wuya khavbo va bwelela gambe muguvivbani, va hambana ni milayo nya yadi va hakhidego.