Mitengo 9:13 - Bhibhiliya Nya Guage

¹³ Aholu muthu a gu bani a dzi agiside, na sa endra, a diga gu gira buzo nya Phasika, muthu yoyo a na fuviswa vbakari ga va na gyawe, kholu kha dusa ningelo ga Pfhumu Nungungulu khu gikhati gi vegisidwego; muthu yoyo a na rwala nandru waye abune.

Mitengo 9:13 Iomraidhean Croise

Genesi 17:14

Oyu nyamba hana wugwera, mwama a na gumba pidwa lidowo nya wama waye, a na fuviswa vbakari nya valongo vaye, kholu ndragide milayo nya gidzumeledzwano gyangu.”

Ekisodha 12:15

Mu na vbedza livbandre na mavili matshigu na mu gu hodza sibaba nyambana mela. Gukhugela litshigu nya guphele, mu na dusani mela watshavbo dzinyumbani gwanu, kholu muthu watshavbo a na hodzago gibaba nya guthedwe mela, ndrani nya matshigu yatshavbo yaya nya livbandre na mavili, gukhugela litshigu nya guphele kala litshigu nya guhegise, muthu yoyo, a na fuviswe a si lumbi gambe vathu va na Israyeli.

Ekisodha 12:19

Matshigu yoyo nya livbandre na mavili, mu nga manegi ni gilo nya guvave mudzinyumbani gwanu, kholu uye a na hodzago gibaba nya guthedwe mela, muthu yoyo, gani muluveli, gani givelegwa gya tigoni, a na fuviswa tshanganoni nya vathu va na Israyeli.

Ekisodha 12:47

Tshangano watshavbo nya sanana sa Israyeli, wu na sayisa nayo yoyu.

Ekisodha 30:33

Oyu vbakari gwanu a na girago mambe nya guyedzedzele aya, mwendro gu todza khayo oyu a si dzumedziswigo khu nayo, a na fuviswa vbakari nya vathu vaye.”

Ekisodha 30:38

Oyu a na girago mambe nya gufanane ni aya khu gufela gufemba a pwa gunungela gwaye, a na fuviswa vbakari nya vathu vaye.”

Ezekiyeli 23:49

“Tsayiso nya wudogodogo wanu, wu na thegela vbatshani gwanu, mu na rwala sighoho nya sifananiso sanu; mu na dzitini nya gukhenu eni kheni Mune Pfhumu Nungungulu.”

Levhi 17:10

“Gani khu wevbini muthu wa nyumbani ga Israyeli, mwendro valuveli va vbanyago vbakari gwawe, a na hodzago novba, gani lifumbu muni, nyi na mu wugela muthu yoyo a hodzago novba, nyi mu fuvisa vbakari nya vathu vaye.

Levhi 17:4

nyamba phela khu gu yi dzega a hongola nayo nyangwatunu nya Tshatsha nya Tshangano, gasi aya yi bikela ga Pfhumu Nungungulu, mbeli nya Wulanga nya Guage, a na ningwa nandru nya guvbaladze novba; khu gu na vbaladzide novba, a na fuviswa vbakari nya vathu vaye.

Levhi 20:20

Oyu a lalago ni mwangadzi wa babedugwane waye, a gu funungula wumbwiri wa babedugwane waye; va na rwala gulemela nya gighoho gyawe, va nafa nyamba velega sanana.

Levhi 22:9

Va na landrise milayo yangu, gasi va si mani nandru khu silo sesi va dzi vangela lufu khu gu dzi nyenyezisa. Eni kheni Pfhumu Nungungulu, nyi va agisago.

Levhi 24:15

Ganela u embela sanana sa Israyeli, khuwe: Muthu watshavbo a ganelago magana nya guvale Nungungulu a na rwala gulemela nya gighoho gyaye.

Mitengo 19:13

Muthu watshavbo a na kuhago girumbi nya muthu nya gu bani na fude, a si dzi agisi, a gu nyenyezisa Tshatsha wa Pfhumu Nungungulu; khu kharato, a na fuviswa vbakari ga va na Israyeli, kholu kha mitegedzedwa mati nya guagise; nyenyezide, gunyenyeza gu ngari vbatshani gwaye.

Mitengo 19:20

Aholu uye a nyenyezidego a gumba dzi agisa, muthu yoyo a na fuviswa vbakari nya tshangano; kholu a na bani na nyenyeziside Wulanga nya Guage wa Pfhumu Nungungulu, ni mati nya guagise kha ma mitegedzela vbatshani gwaye; khu guralo nyenyezide.

Mitengo 5:31

Mwama kha na nga manega nari ni nandru, aholu nyamayi a na rwala guvivba gwaye.”

Mitengo 9:7

va ya va embela, khavo: Ethu hi nyenyezide kholu hi nga kuhago girumbi. Ina kamwe hi ngu himbedzedwa gu gira ningelo wathu ga Pfhumu Nungungulu gumogo ni sanana sa na Israyeli, khu gikhati gi emisedwego, gani?”

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.

Vahebheru 2:3

Hi na vbulugisa guwani ethu, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, vata hi tivisa ethu gukhavo lisine.

Vahebheru 6:6

Ambari ulo, va di diga gukhodwa. Khu guralo, kha gu kodzegi gu wuya va dzi laya nyaluphye, kholu va gu khokhothela gambe sivilini gwawe Mwamana wa Nungungulu, va mu poyila.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.