Mitengo 6:5 - Bhibhiliya Nya Guage

⁵ Matshigu yatshavbo nya wunaziri waye, gima a nga vidwi hungoni gwaye khu gisingwana; kala ma gu tadzisega matshigu a dzi hathedego gu thumela Pfhumu Nungungulu, a na bani nari muthu a agidego, a na diga ndzudzu waye wu dandra.

Mitengo 6:5 Iomraidhean Croise

Ezekiyeli 44:20

Vaphasi nya mhamba va nga vbaluli ndzudzu hungoni, gambe va nga digi ndzudzu wu dandra; aholu va na wu gaya wu khala idzosaye.

Mitengo 6:4

Matshigu yatshavbo nya wunaziri waye, gima a nga hodzi iso si dugago khu simboni nya uvha, gukhugela dzithanga kala marego yaye.

Mithumo 18:18

Pawulo khade gikhati nya gulaphe Korinto, khavbo avbo a di vbangana vandruye a khilela ngalava a gu hongola Siriya. Prisila ni Akila va di mu bangaladza. A di dzi vila ndzudzu dhoropani ga Senkreya khu kotani nya gisambanyo a nga bani giride.

Valamuli 13:5

Kholu wona nya gukhuwe, u na khura mimba u velega gyanana nya gikhwathana, igyo gima kha gi na vidwa ndzudzu khu gisingwana. Kholu, gyanana gegi gi na bani giri Munaziri, gi phasedwe Nungungulu gukhugela ndrani ga mayi waye, igyo gi na tshudzisa Israyeli mandzani ga Vafilisitiya.”

Valamuli 16:17

Khu guralo, uye a di mu lembedza sihalo waye, khuye: “Gukhugela nyi velegwa nyi si gu gaywi ndzudzu, kholu nyi Munaziri wa Nungungulu. Nya gu kala nyi gaywa ndzudzu wa hungoni gwangu, tshivba yangu yi na duga, nyi vbela, nyi khala nga mumbe muthu.”

Valamuli 16:19

Dhalila a di ladzisa Samisoni marumbini gwaye, a ranisa mwama moyo, a ta mu gaya dzimbobo dzile nya livbandre na dzimbili dza hungoni gwaye. Dhalila a di phela gutshanisa Samisoni, kholu a di mu vbedzide tshivba.

1 Samuweli 1:11

A di gira gisambanyo a ganela, khuye: “Ama Pfhumu Nungungulu nya Tshivba Yatshavbo, nari gukhwatshi wa gu wona tshanisa ya githumi gyago, nari pwani nya gu mana wuhigo nya gu nyi ninge gyanana nya gikhwathana, eni nyi di hadza gu gi phasela ga Pfhumu Nungungulu matshigu yatshavbo nya guvbanye gwaye, ni ndzudzu waye, wu di hadza gumba gaywa khu gisingwana.”