Mitengo 6:25 - Bhibhiliya Nya Guage

²⁵ Pfhumu Nungungulu a na ngangamedzise khovbe yaye avbo gwago a gu pwela wuhindzi;

Mitengo 6:25 Iomraidhean Croise

Genesi 43:29

Josefa a di khusa maho a gu wona Bhejami ndriyaye, gyanana gya mayi waye, a di wudzisa, khuye: “Khuye oyu ndriyanu nya nandra mu nga nyi embelago, gani?” A di engedza gambe, khuye: “Nungungulu a na gu kategise, mwanangu!”

Dzindzimo 119:135

Wenengedza githumi gyago khu gungangamela nya khovbe yago, nyi hevbudze milayo yago.

Dzindzimo 21:6

Ina, u mu vegide kha nga gikategiso kala gupindruga, u mu tadza khu gunengela mbeli gwago.

Dzindzimo 31:16

Nyi nonedze gungangamela nya khovbe yago; u nyi vbanyisa khu lihaladzo lago.

Dzindzimo 4:7

U thede gutsaka nya gungi monyoni gwangu guvbindra avo va gu nago; va fumago sivbila ni vbinyu.

Dzindzimo 67:1

Nungungulu a na hi pwele wusiwana a hi kategisa, khovbe yaye yi na ngangamele eno gwathu;

Dzindzimo 80:19

Uwe Pfhumu Nungungulu nya Tshivba Yatshavbo, hi wuyise nyaluphye, ngangamedzisa khovbe yago, hi na vbanya.

Dzindzimo 80:7

Uwe Nungungulu nya Tshivba Yatshavbo hi wusedze; ngangamedzisa khovbe yago, hi na vbanya.

Dzindzimo 86:16

Thendregedza eno gwangu, u nyi pwela wusiwana; ninga tshivba yago githumi gyago vbanyisa gyanana gya githumi gyago nya nyamayi.

Ekisodha 33:19

Nungungulu a di hakha, khuye: “Nyi na vbindrisa wuwadi wangu watshavbo mahoni gwago, nyi pwadza lina la Pfhumu Nungungulu mbeli gwago. Eni nyi ngu ninga wuhigo oyu nyi mu golago, nyi girela wuhindzi oyu a salalegisago monyo wangu.”

Dhaniyeli 9:17

Gasi olu, uwe Nungungulu wathu, hakha nombelo wa githumi gyago u yingisa gulila gwangu. Khu lihaladzo lago Pfhumu, wona khu maho nya wuhindzi nyumba yago nya miphaso yi digidwego.

Malakiya 1:9

Gasi olu nga lombani ga Nungungulu khu satshavbo esi mu giridego khu mandza yanu, gasi a mi tsetselela; na mu giride satshavbo sesi khu mandza yanu, ina mwa gu pimisa gukhenu uye a na mi yingisa a mi hakha khu mandza mavili, gani? A ngu ganela Pfhumu Nungungulu nya Tshivba Yatshavbo.

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

Varoma 1:7

Nyi ngu mi losani enu mwatshavbo mu gumogo Roma, enu mu haladzwago khu Nungungulu, mu ranidwego gu khala va nya guaga vaye, kheni: Wuhigo ni gurula gu tago khu ga Nungungulu Babe wathu, ni ga Pfhumu Jesu Kristo gu na khale ni enu mwatshavbo.