Mitengo 6:2 - Bhibhiliya Nya Guage

² “Ganela ga va na Israyeli u va embela, khuwe: Muthu nya gukari, mwama mwendro nyamayi, a gu dzi hathela gu gira gisambanyo ga Pfhumu Nungungulu, a tumbisa guvbanya kha nga Munaziri,

Mitengo 6:2 Iomraidhean Croise

Ekisodha 33:16

Gu na tisega kharini gupwani eni ni vathu vago hi manide wuhigo mahoni gwago? Khandri khu gu na wu gimbila ni ethu, gani? Khiyo basi ndzila yi dzi kodzago gu wonegisa gupwani eni ni vathu vago hi hambanide ni vathu vatshavbo va mafuni.”

Mavingu 18:1

Uye a dzi hambanisago ni vakwawe, a gu vbweta gu dzi tsakisa uye mune wurumba, a si dzumeli satshavbo iso si gu ni fanelo.

Jeremiya 35:6

Aholu avo va di ganela, khavo: “Kha hi na sela wadwa, kholu babe wathu Jonadhabhi, mwamana wa Rekabhi, a hi layide, khuye: Mu nga tshuki mu sela vbinyu, enu ambari sanana sanu.

Levhi 20:26

Agani mahoni gwangu, kholu Eni Pfhumu Nungungulu nyi agide, gambe nyi mi hathide vbakari nya mayigo, gasi mu khala vathu vangu.

Levhi 27:2

“Ganela ga sanana sa Israyeli u si embela, khuwe: Muthu a gu gira gisambanyo ga Pfhumu Nungungulu khu gyuma gi enelago tengo nya muthu;

Mitengo 30:3

Nyamayi a gu gira gifungo ga Pfhumu Nungungulu khu gu sambanya, mwendro gu funga khu lito laye na ngari nyumbani ga babe waye, na ngari mbiri,

Mitengo 6:1

Pfhumu Nungungulu a di embela Mosi, khuye:

Luka 1:15

Kholu gi na bani giri muthu khongolo mahoni ga Pfhumu. Kha gi na sela vhinya mwendro wadwa nya gulevise; gi na tala khu Liphuvbo nya Guage gukhugela ndrani ga mayime waye.

Mithumo 18:18

Pawulo khade gikhati nya gulaphe Korinto, khavbo avbo a di vbangana vandruye a khilela ngalava a gu hongola Siriya. Prisila ni Akila va di mu bangaladza. A di dzi vila ndzudzu dhoropani ga Senkreya khu kotani nya gisambanyo a nga bani giride.

Varoma 1:1

Eni Pawulo, githumi gya Jesu Kristo, nyi ranidwego gu khala Mupostoli, nyi hathidwe gasi gu tivisa Ivhangeli ya Nungungulu.

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Vagalatiya 1:15

Aholu, Nungungulu, khu wuhigo waye, a nyi hathide na nyi ngari ndrani ga mayi wangu, a nyi ranela guta mu thumela. Gikhati a nga dzinago,

Vahebheru 7:27

Uye kha giri idzosaye ni vambe vaphasi nya vakhongolo nya mhamba: Kha gu vbwetegi ga uye, khu litshigu ni litshigu, gu ningela mhamba nya guhandze sighoho saye guhegula, a wuya khavbo a ningela mhamba nya guagise sighoho nya vathu. Kholu Uye ningede mhamba gumogo basi, gu vbela, khu gu dzi ningela uye wurumba waye.

Valamuli 13:14

A nga tshuki a hodza mihandro nya vhinya, a nga seli wadwa nya guvave, ambari guhodza gilo nya gunyenyeze. A na vegedze satshavbo nyi nga mu leletelago.”

Valamuli 13:4

Olu, dzi vegedze u si seli vbinyu mwendro gu sela wadwa nya guvave, ambari gu hodza gilo nya gunyenyeze.

Valamuli 13:5

Kholu wona nya gukhuwe, u na khura mimba u velega gyanana nya gikhwathana, igyo gima kha gi na vidwa ndzudzu khu gisingwana. Kholu, gyanana gegi gi na bani giri Munaziri, gi phasedwe Nungungulu gukhugela ndrani ga mayi waye, igyo gi na tshudzisa Israyeli mandzani ga Vafilisitiya.”

Valamuli 16:17

Khu guralo, uye a di mu lembedza sihalo waye, khuye: “Gukhugela nyi velegwa nyi si gu gaywi ndzudzu, kholu nyi Munaziri wa Nungungulu. Nya gu kala nyi gaywa ndzudzu wa hungoni gwangu, tshivba yangu yi na duga, nyi vbela, nyi khala nga mumbe muthu.”

1 Samuweli 1:28

Khu guralo, nyi ngu gi resa nyi gi bweledza ga Pfhumu Nungungulu, guvbanyani gwaye gwatshavbo; kholu nyi gi lombide ga Pfhumu Nungungulu.” Khavbo avbo, va di lombelela vbale ga Pfhumu Nungungulu.