Mitengo 5:29 - Bhibhiliya Nya Guage

²⁹ Owu khuwo nayo nya wufu, nyamayi a dzegidwego khu mwama waye, a gu ndreya aya dzi nyenyezisa;

Mitengo 5:29 Iomraidhean Croise

Ezekiyeli 33:26

Enu mwa gu tumba matshari yanu, mu gira silo nya gunyenyeze, moyo ni moyo nya enu a gu nyenyezisa mwangadzi wa muakelane waye; ina mu na li manani litigo leli, gani?

Levhi 11:46

Oyu nayo wu vegidwego na wu ganela khu mahungu nya sirengo nya mawundru mana, ni sinyoni satshavbo, ni satshavbo sirengo nya guvbanye si gimbilago matini ni satshavbo esi si khwirirago mafuni.

Levhi 13:59

Oyu khu nayo wu ganelago khu madwali nya sokono, vbatshalutunu nya mawoya mwendro nya linyu, mwendro avba nya gyombo gevbi ni gevbini nya gugirwe khu lidowo, gasi si tidwa gupwani si agide mwendro kha sa aga.”

Levhi 7:11

Eyi khu milayo nya ningelo nya miphaso nya pwanano yi yelago gu bikedwa ga Pfhumu Nungungulu:

Mitengo 5:12

“Ganela ga va na Israyeli u va embela, khuwe: Nyamayi a gu handruga a ghohela mwama waye,

Mitengo 5:15

mwama a na dzega mwangadzi waye gumogo ni mideva miraru nya wuguvbi nya mavbila, nyamba wu thela mafura, ambari libani a mu yisa ga muphasi nya mhamba, kholu ningelo nya wufu, a gu ningelo nya gualakanye sighoho.

Mitengo 5:19

Muphasi nya mhamba a na sambanyisa nyamayi wule a mu embela, khuye: Wa gu bani wa sa lala ni mumbe mwama, ni gu bani wa sa handruga u gira silo nya gunyenyeze ga mwama wago, mati yaya nya guvave ma girago givalo ma nga gu giri gilo.

Mitengo 5:28

Aholu nyamayi a gu bani na sa ghoha, na handzegide, uye a na tshulega a mana livelego.

Mitengo 5:30

mwendro mwama a gu beledwa khu liphuvbo nya wufu, a girela wufu mwangadzi waye, uye a na bikele mwangadzi waye mbeli ga Pfhumu Nungungulu, muphasi nya mhamba a na mu linga khu watshavbo nayo yoyu.