Mitengo 4:5 - Bhibhiliya Nya Guage

⁵ Gikhati li khugago lizumbo, a nata Aroni ni sanana saye va ta dusa myendra nya makhuvi va fenengedza khiyo Ngasa nya Wufakazi;

Mitengo 4:5 Iomraidhean Croise

1 Dzikoronika 15:15

Va na Levhi va di vbagara magatani Ngasa ya Nungungulu khu mipingo yi nga bani yiri vbatshani gwaye, kha nga idzo va nga leletedwago khidzo khu Mosi, gukhedza khu idzo a rumidego khidzo Nungungulu.

1 Dzikoronika 23:26

Khu guralo, va na Levhi kha va na rwala gambe tshatsha wa Nungungulu, ambari ni gimwegyo nya wukhozeli.”

2 Dzikoronika 3:14

A di gira gambe mwendra nya guvbevbuge nya livala nya nga la damboni, ni giwunguwungu, mwendra nya gukwalale, ni mwendra nya wumburi nya seda, a mburisa makhuvi yoyo khu gu lova dzikerubhimi vbatshani gakone.

Ekisodha 36:35

Va di gira mwendra nya livala nya nga la damboni, ni giwunguwungu, ni guvbyuga ni linyu nya wumburi, wumburisedwa gwadi khu dzikerubhimi nya gulugedwe gwadi khu wumeseri.

Ekisodha 40:3

U na vega umo Ngasa nya Gidzumeledzwano, u sega mwanya wakone khu mwendra.

Ekisodha 40:5

U na vega wulangani gwaye giluvelo nya ndralama nya guningele avbo libani, mbeli nya Ngasa nya Gidzumeledzwano, u gira mwendra nya makhuvi mwanyani nya wulanga nya guage.

Isaya 25:7

Pfhumu Nungungulu a na pferula gigomoni momu mwendra nya gilendra, wu fenengedzago vathu nya mayigo yatshavbo ni mwendra wu fenengedzago mafumbo yatshavbo nya mayigo.

Levhi 16:2

Pfhumu Nungungulu a di embela Mosi, khuye: “Tivisa ndriyago Aroni gukhuwe, kha dzi kodzi gubela nya mubele wulangani nya guage, ndrani nya mwendra nya makhuvi, mbeli nya gikhalo nya ditshedzo gi guromo vbatshani nya Ngasa nya Gidzumeledzwano, gasi a sifi, kholu Eni nyi na wonega lipfhini vbatshani nya gikhalo nya ditshedzo.”

Mitengo 10:14

Guhegula gu di thanga mbeli lihundzu la Judha khu sikwata na vari ni ngavbya yawe na va gu thangedwa khu Nasoni, mwamana wa Aminadhabhi.

Mitengo 4:15

Avbo Aroni gumogo ni sanana saye, a na gu bani na vbedzide gu fenengedzela Wulanga nya Guage ni satshavbo sombo sa vbawulangatunu nya guage, gikhati li khugago lizumbo, sanana sa Khowati si nata si ta rwala; aholu, va nga kuhi silo nya guage, kholu va ngafa; thumo wowu wa gu lumba va na Khowati, umo nya Tshatsha nya Tshangano.

Mitengo 4:4

Owu khuwo wu na bani wuri thumo wa va na Khowati: Gusayisa silo nya guage ngudzu sa umo nya Tshatsha nya Tshangano.

Mitengo 7:9

Aholu va na Khowati kha nga va ninga gilo, kholu va diri ni thumo nya gusayise sombo nya agiswe, va nga yela gu si rwala magatani gwawe.

Matewu 27:51

Khavbo avbo, mwendra nya makhuvi nya Nyumba ya Nungungulu wu di pferuga khu vbakari gukhugela vbatshani kala vbavbatshi; gi di manega girevareva, si gu pandrega siwindri;

Dhewuteronome 31:9

Nayo yoyu, Mosi a di wu lova a ningela vaphasi nya mhamba, sanana sa Levhi, va nga bani va gu rwala Ngasa nya Gidzumeledzwano ya Pfhumu Nungungulu gumogo ni madhota yatshavbo ya na Israyeli.

Vahebheru 10:20

Khu makhuvi a gu givili gyaye, Jesu a hi tulede ndzila nya yiphya nya guvbanye.

Vahebheru 9:3

Aholu makhuvini nya wuvili, wu diromo wulanga nya miphaso wu ranwago pwani “Wulanga nya Guage Ngudzu.”

1 Samuweli 6:19

Pfhumu Nungungulu a di sasela vathu va Bheti-Semesi, kholu va nga holelago ndrani nya Ngasa ya Pfhumu Nungungulu, gu songwa livbandre na mavili magumi (70) vathu; khavbo avbo, vathu va di lila kholu Pfhumu Nungungulu a nga va girelago wusaseli wowu nya wukhongolo.