Mitengo 4:20 - Bhibhiliya Nya Guage

²⁰ Aholu va nga beli va ya wona Wulangani nya Guage wu fenengedzidwego, kholu va ngafa.”

Mitengo 4:20 Iomraidhean Croise

Ekisodha 19:21

Pfhumu Nungungulu a di embela Mosi, khuye: “Relela u ya laya vathu gukhuwe va nga hidzimeli va tsemakanya vbingano khavo va guta wona Pfhumu Nungungulu; gu ngafa vathu nya gutale ngudzu vbakari gwawe.

Levhi 10:2

Khavbo avbo, gu di duga nilo khu ga Pfhumu Nungungulu, wu va vbisa vafa mbeli ga Pfhumu Nungungulu.

Levhi 16:13

A na thela libani niloni, mbeli gwa Pfhumu Nungungulu, gasi wutshi nya gunungele wu fenengedza gikhalo nya wuhindzi gi guromo vbatshani nya Ngasa nya pwanano. A gu gira kharato kha na gafa.

Mitengo 1:51

Avbo gu vbwetegago gu khuswa Tshatsha, va na Levhi khavo va na wu tshulago; wa gu vbweta gu tsitswa, khavo va na wu ghwimbago; uye a si lumbigo va na Levhi, a gu hidzimela vbafuvbi, a na songwa.

Mitengo 18:3

Avo va na khala vawoneleli vago ni gu wonelela tshatsha watshavbo; aholu va nga tshuki va kuha sombo si agidego ambari sa vbagiluvelotunu gasi va sifi.

Mitengo 4:15

Avbo Aroni gumogo ni sanana saye, a na gu bani na vbedzide gu fenengedzela Wulanga nya Guage ni satshavbo sombo sa vbawulangatunu nya guage, gikhati li khugago lizumbo, sanana sa Khowati si nata si ta rwala; aholu, va nga kuhi silo nya guage, kholu va ngafa; thumo wowu wa gu lumba va na Khowati, umo nya Tshatsha nya Tshangano.

Mitengo 4:19

Aholu, gasi va vbanya, va si mani lufu, gikhati va hidzimelago ga silo si agidego ngudzu, mu na va girelani esi: Aroni ni sanana saye, va na bela va nonedza muthu ni muthu thumo waye a fanedego gu gira, va mu nonedza gambe ni rwalo waye.

Mitengo 4:21

Pfhumu Nungungulu a di engedza a embela Mosi, khuye:

Gutuledwa 11:19

Khavbo avbo, Nyumba ya Nungungulu a guromo ndzadzini yi di tudwa, yi gu wonega Ngasa nya Gidzumeledzwano ndrani nya Nyumba ya Nungungulu, khu gikhati gyogyo, gu di lasa, gu pwala malito ni gu pandra mabara, gu duga girevareva, ni maralala.

1 Samuweli 6:19

Pfhumu Nungungulu a di sasela vathu va Bheti-Semesi, kholu va nga holelago ndrani nya Ngasa ya Pfhumu Nungungulu, gu songwa livbandre na mavili magumi (70) vathu; khavbo avbo, vathu va di lila kholu Pfhumu Nungungulu a nga va girelago wusaseli wowu nya wukhongolo.