Mitengo 4:15 - Bhibhiliya Nya Guage

¹⁵ Avbo Aroni gumogo ni sanana saye, a na gu bani na vbedzide gu fenengedzela Wulanga nya Guage ni satshavbo sombo sa vbawulangatunu nya guage, gikhati li khugago lizumbo, sanana sa Khowati si nata si ta rwala; aholu, va nga kuhi silo nya guage, kholu va ngafa; thumo wowu wa gu lumba va na Khowati, umo nya Tshatsha nya Tshangano.

Mitengo 4:15 Iomraidhean Croise

2 Samuweli 15:24

A dita nuye Abhiyatari ni Sadhoki, ni vatshavbo va na Levhi, na va rwade Ngasa nya Gidzumeledzwano gya Nungungulu; va di vega vbale Ngasa nya Gidzumeledzwano gya Nungungulu kala vathu vatshavbo va duga dhoropani.

2 Samuweli 6:13

Avo va nga bani va rwala Ngasa ya Pfhumu Nungungulu, gikhati ni gikhati, va nga bani va gimbila livbandre na mweyo dzitawu va di gira miphaselo khu dzimombe ni dzinvuta nya gunone.

1 Dzipfhumu 8:3

Ma dita madhota yatshavbo ya na Israyeli ni vaphasi nya mhamba, vata dzega Ngasa ya Pfhumu Nungungulu.

1 Dzikoronika 15:15

Va na Levhi va di vbagara magatani Ngasa ya Nungungulu khu mipingo yi nga bani yiri vbatshani gwaye, kha nga idzo va nga leletedwago khidzo khu Mosi, gukhedza khu idzo a rumidego khidzo Nungungulu.

1 Dzikoronika 15:2

Khavbo avbo, Dhavhidhe a di khuye: “Mwalo a yelago gu dzega Ngasa nya Gidzumeledzwano ya Nungungulu, vbavbandze ga va na Levhi, kholu khavo va hathidwego khu Pfhumu Nungungulu gasi gu yi rwala ni gu mu khozela gikhati gyatshavbo.”

1 Dzikoronika 23:26

Khu guralo, va na Levhi kha va na rwala gambe tshatsha wa Nungungulu, ambari ni gimwegyo nya wukhozeli.”

Ekisodha 19:12

Gambe u na vegela vbingano vathu, wu dzundrulugelago gigomo, u va embela, khuwe: Dzi woneleni, mu nga gweli gigomoni, mwendro gu kuha basi dzibambe gakone. Kholu muthu watshavbo a na kuhago gigomo a na songwa.

Ekisodha 19:21

Pfhumu Nungungulu a di embela Mosi, khuye: “Relela u ya laya vathu gukhuwe va nga hidzimeli va tsemakanya vbingano khavo va guta wona Pfhumu Nungungulu; gu ngafa vathu nya gutale ngudzu vbakari gwawe.

Ekisodha 27:7

Mipingo yeyi u na mi bedza umo nya masindra ma guromo umo nya maphuvbo ya mavili nya giluvelo gasi gu gi rwala khiyo.

Levhi 16:13

A na thela libani niloni, mbeli gwa Pfhumu Nungungulu, gasi wutshi nya gunungele wu fenengedza gikhalo nya wuhindzi gi guromo vbatshani nya Ngasa nya pwanano. A gu gira kharato kha na gafa.

Mitengo 1:50

aholu uwe va rwege thumo nya gusayise Tshatsha nya Gidzumeledzwano ni sombo saye, ni satshavbo si lumbago umo. Avo va na rwala Tshatsha ni sombo saye satshavbo; va na thumela ndrani nya Tshatsha, va wu randrela khu vbavbandze.

Mitengo 1:51

Avbo gu vbwetegago gu khuswa Tshatsha, va na Levhi khavo va na wu tshulago; wa gu vbweta gu tsitswa, khavo va na wu ghwimbago; uye a si lumbigo va na Levhi, a gu hidzimela vbafuvbi, a na songwa.

Mitengo 10:21

Khu hwane gu di khuga va na Khowati, va rwala sombo nya guage; avo va thangidego va diri ni fanelo nya guvbiredzele gu tsitsa tshatsha gasi va na Khowati va tago khu hwane, vata wu mana na wu tsitsidwe.

Mitengo 18:3

Avo va na khala vawoneleli vago ni gu wonelela tshatsha watshavbo; aholu va nga tshuki va kuha sombo si agidego ambari sa vbagiluvelotunu gasi va sifi.

Mitengo 3:38

Ava va na ghwimba mitshatsha yawe mbeli ga Nungungulu, khu phuvbo ga Khugadambo nya Tshatsha nya Tshangano, gu khedza gugyatunu. Mosi ni Aroni gumogo ni sanana sawe khavo va na gu sayisago Wulanga nya Guage, ni gu sayisa sanana sa Israyeli; a gu hidzimela mumbe muthu wa walo, a na songwa.

Mitengo 4:14

vbatshani gwaye va vega satshavbo sombo va thumago khiso thumo nya miphaso; gyombo nya magala, mikho, mafosola ni sikuwa; satshavbo sombo sa vbagiluvelotunu, khu vbatshani gakone va na ladza vholo nya malowo nya guvbevbuge, va tshomega mipingwi yaye.

Mitengo 4:19

Aholu, gasi va vbanya, va si mani lufu, gikhati va hidzimelago ga silo si agidego ngudzu, mu na va girelani esi: Aroni ni sanana saye, va na bela va nonedza muthu ni muthu thumo waye a fanedego gu gira, va mu nonedza gambe ni rwalo waye.

Mitengo 4:20

Aholu va nga beli va ya wona Wulangani nya Guage wu fenengedzidwego, kholu va ngafa.”

Mitengo 7:9

Aholu va na Khowati kha nga va ninga gilo, kholu va diri ni thumo nya gusayise sombo nya agiswe, va nga yela gu si rwala magatani gwawe.

Dhewuteronome 31:9

Nayo yoyu, Mosi a di wu lova a ningela vaphasi nya mhamba, sanana sa Levhi, va nga bani va gu rwala Ngasa nya Gidzumeledzwano ya Pfhumu Nungungulu gumogo ni madhota yatshavbo ya na Israyeli.

Josuwa 4:10

Vaphasi nya mhamba va nga rwalago Ngasa nya Gidzumeledzwano va di simama va ema vbakari nya tsongo wa Joridhani kala gutadzisega esi Pfhumu Nungungulu a nga bani a rumide Josuwa gu embela vathu, mayelano khu sileletelo a nga ningago Mosi. Vathu va di tshatuga tsongo wa Joridhani khu guvbiredza.

1 Samuweli 6:19

Pfhumu Nungungulu a di sasela vathu va Bheti-Semesi, kholu va nga holelago ndrani nya Ngasa ya Pfhumu Nungungulu, gu songwa livbandre na mavili magumi (70) vathu; khavbo avbo, vathu va di lila kholu Pfhumu Nungungulu a nga va girelago wusaseli wowu nya wukhongolo.