Mitengo 34:3 - Bhibhiliya Nya Guage

³ Khu phuvbo ga Marandzi, vbingano wanu wu na khugela giwulani gya Zimi, kala Edhomi; khu guralo, vbingano wowu wa Marandzi avbo gwanu wu na phelela tshokatunu nya Yiphwa nya Munyu khu phuvbo ga Khugadambo;

Mitengo 34:3 Iomraidhean Croise

Genesi 14:3

Vafumeli vava nya guhegise, va di tshanganisa masotshwa yawe kovani gwa Sidimi, yi guromo umo Yiphwa nya Gufe.

Ekisodha 23:31

Nyi na pandra mivbingano yago gukhugela Yiphwa nya Gufuvile kala Yiphwa ya Vafilistiya, ni gukhugela giwulani kala gu vboha tsongoni wa Ewufrate; kholu nyi na vega mandzani gwago vathu va vbanyago tigoni, uwe u na va tutumisa mbeli gwago.

Ezekiyeli 47:13

Mune Pfhumu Nungungulu, a ngu ganela kharati, khuye: “Eyi khiyo mivbingano nya litigo la Israyeli mu na kabanelanago kha nga thomba, gukhedza khu likhumi na mavili mahundzu ya Israyeli. Josefe a na mana sipandre sivili.

Ezekiyeli 47:8

Khavbo avbo, a di nyi embela, khuye: Mati yaya ma gu duga ma goga ma hongola phuvbo ga Khugadambo, ma relela kala kovani wa Joridhani, ma bela ga Yiphwa nya Gufe, ma guya vbaladza phwani, mati ya phwani ma na vbindrugedza ma khala mati nya gutshambe.

Mitengo 13:21

Khu guralo, va di gwela va ya sola litigo; gukhugela giwulani ga Sine kala Reyobhi, khu ndzila yi yago Hamati.

Josuwa 1:4

Gukhugela giwulani ni Libhanoni kala tsongoni nya wukhongolo wa Ewufrate, litigo latshavbo la Vahiti kala yiphwa nya Yikhongolo ya Pfoladambo, wu na bani wuri uwo vbingano wanu.

Josuwa 3:16

mati ma nga bani ma guta khu vbatshani ma di ema; ma wungedzelana ma khala gigomo ma gira kha nga libhulaho, ma anama kala vbafuvbi nya gitigwana ga talala wa Adhamu, gu khalago wubambe ga Saritani; ayo ma nga bani ma goga maya phwani ga Arabha, a gu Yiphwa nya Munyu, ma di pidwa yatshavbo. Khavbo avbo, vathu va di vbindra khu mbeli ga Jeriko.