Mitengo 34:19 - Bhibhiliya Nya Guage

¹⁹ Malina ya vama vovo khaya: Ga lihundzu la Judha, khu Kalebi, mwamana wa Jefoni;

Mitengo 34:19 Iomraidhean Croise

Genesi 29:35

A engedza gambe a khura mimba, a velega gimbe gyanana nya gikhwathana; khavbo avbo, a di ganela, khuye: “Olu nyi na bonga Pfhumu Nungungulu. Khu guralo, a di gi riya lina la Judha. A hegisa, kha nga velega gambe.”

Genesi 35:22

Matshigu Israyeli a nga bani a gu vbanya tigoni mule, Rubheni a di bhaya ni Bhila, gibhayi gya babe waye, Israyeli a di mati mahungu yaya. Sanana sa Israyeli a diri likhumi na sivili.

Genesi 35:23

Sanana sa Liya, khesi: Rubheni, matiwula ya Jakobe, guhandzamedza Simiyoni, Levhi, Judha, Isakari ni Zebhuloni;

Dzindzimo 60:7

Va Ghiligali vathu vangu, va na Manasi vathu vangu; Efrayimi gihugu gyangu nya nyimbi; Judha khuye ndronga yangu nya wufumu.

Mitengo 13:30

Aholu Kalebi a di degudza vathu, kholu va di gu gorogela Mosi; a ganela, khuye: “Hongoleni, hi na ya dzega litigo lolo, kholu khu lisine hi na ya va pala.”

Mitengo 13:4

Malina yawe a diri aya: Ga lihundzu la Rubheni, Samuwa, mwamana wa Sakuri;

Mitengo 13:6

ga lihundzu la Judha, Kalebi, mwamana wa Jefone;

Mitengo 14:24

Aholu, githumi gyangu Kalebi, nyi na mu vbohisa ga litigo lolo a hongodego aya li sola, li na khala laye ni la livelego laye, kholu a nga tedwago khu liphuvbo nya guhambane ni vambe, ni olu a landrisago khu lisine ndzila yangu,

Mitengo 14:30

Khu guralo, ni moyo nya enu mwalo a na belago ga litigo nyi sambanyidego gukheni nyi na mi vegani mu khala umo, vbavbandze basi ga Kalebi, mwamana wa Jefoni, ni Josuwa, mwamana wa Nuni,

Mitengo 14:38

Aholu Josuwa, mwamana wa Nuni, ni Kalebi, mwamana wa Jefoni, vamowo nya vale va nga bani va hongode guholelelatunu nya litigo, kha vafa gilo.

Mitengo 14:6

Khu guralo, Josuwa, mwamana wa Nuni gumogo ni Kalebi, mwamana wa Jefoni, a gu vamowo nya vale va nga hongolago guya holelela litigo, va di pferula guambala gwawe,

Mitengo 26:65

Kholu Pfhumu Nungungulu a di ganede khu mahungu yawe gukhuye va na yafa giwulani; gambe mwalo a nga tshalago, vbavbandze ga Kalebi, mwamana wa Jefoni ni Josuwa, mwamana wa Nuni.

Mitengo 34:18

Gu diga nya ava, mu na dzega gambe muthangeli moyo khu lihundzu ni lihundzu, gasi va kodze gu kabanisela litigo.

Dhewuteronome 1:36

vbavbandze ga Kalebi, mwamana wa Jefoni; uye a na li wona, litigo a li gandridego khu ngondro waye, nyi na mu ninga uye gumogo ni sanana saye, kholu uye simamide gu landrisa Pfhumu Nungungulu.

Dhewuteronome 33:7

Avbo a nga bani na gu kategisa Judha a di khuye: Uwe Pfhumu Nungungulu yingisa lito la Judha, U li vbohisa vbakari ga vathu vaye; mandza yago, ma na mu dwanele, Uwe khala muphasedzeli U mu tshudzisa ga valala vaye!