Mitengo 30:7 - Bhibhiliya Nya Guage

⁷ a gu pwidwa khu mwama waye na gu sambanya khu litshigu lolo a si mu himbedzeli, gifungo gyaye gi na tiya, ni magana yaye yatshavbo a fungidego khayo, ma na tiya.

Mitengo 30:7 Iomraidhean Croise

Genesi 3:16

A di embela gambe nyamayi, khuye: “Nyi na gu gira u wona sigaradzo mimbani gwago, u na velega sanana khu wuvi nya wukhongolo, ambari ulo, u na khala lidora ngudzu nya mwama wago, aholu uye a na gu fumela.”

Jeremiya 44:19

Vanyamayi va di engedza gu ganela, khavo: “Wa gu alakanya gukhuwe avbo hi nga bani hi gu vbisela libani ni gu gira miphaselo nya wadwa ga Pfhumugadzi ya Ndzadzini, ni gu gira sibaba nya gu mu khozele, gu diri silo nya gu si khugele nyamba tidwa khu vama vathu, gani?”

Mitengo 30:6

Aholu a gu bani na lowodwe, na dzi hungide khu gifungo gyaye, mwendro khu lito li dugelago kanani gwaye,

Mitengo 30:8

Aholu mwama waye a gu dzegela gu mu himbedzela khu litshigu lolo a mupwago, uye a na bani na tshulegide ga gisambanyo gyaye, ni magana yatshavbo ma dugidego khu kanani gwaye, a dzi hungidego khayo. Khu guralo, Pfhumu Nungungulu, a na mu tsetselela.

Varoma 7:2

Kha nga nyamayi a dzegidwego, hungidwe khu nayo ga mwama waye gikhati gyatshavbo nya guvbanye ga mwama waye. Aholu hwane nya gu na fude mwama waye, nyamayi a gu tshulega ga nayo nya dzegano.

1 Samuweli 1:11

A di gira gisambanyo a ganela, khuye: “Ama Pfhumu Nungungulu nya Tshivba Yatshavbo, nari gukhwatshi wa gu wona tshanisa ya githumi gyago, nari pwani nya gu mana wuhigo nya gu nyi ninge gyanana nya gikhwathana, eni nyi di hadza gu gi phasela ga Pfhumu Nungungulu matshigu yatshavbo nya guvbanye gwaye, ni ndzudzu waye, wu di hadza gumba gaywa khu gisingwana.”

1 Samuweli 1:23

Mwama waye Elikana a di mu hakha, khuye: “Gira esi u si wonago na siri sadi; khala gaya kala u digisa libele gyanana; kala Pfhumu a tiyise magana yaye.” Khu guralo, nyamayi a di khala gaya a dandrisa gyanana kala gu enedza matshigu nya gu gi digise libele.