Mitengo 30:13 - Bhibhiliya Nya Guage

¹³ Magana yatshavbo yaye nya gifungo, ni gusambanya gwaye gwatshavbo a dzi hungidego khugo gasi gu dzi nogisa hefemuloni gwaye, si na tiyiswa mwendro gu ganedzwa khu mwama waye.

Mitengo 30:13 Iomraidhean Croise

Ezira 8:21

Na hiri vbafuvbi ni tsongo wa Ahavha, nyi di emisa litshigu nya guhale gasi gu dzi sola mbeli ga Nungungulu wathu, gasi hi mu lomba gu a hi yeyedze ndzila nya yadi, ethu ni sanana sathu, gumogo ni silo sathu satshavbo.

Dzindzimo 35:13

Gikhati avo va nga manwa khu madwali, eni nyi di ambala silendra nyi hala nyamba hodza gilo, nyi di wuyelela gu gira nombelo na nyi gu nogide,

Isaya 58:5

Ina guhala nyi gu golago, khugo ogu nya gu muthu a mana litshigu a songa hefemulo waye, a nogisa hungo waye kha nga tshava ni gu puluwundra vbavbatshi nya saku ni gu phorola nguma vbatalatunu; ina khugo ogu guhala nya gukala gu tsakisa Pfhumu Nungungulu, gani?

Levhi 16:29

Owu, wu na bani wuri nayo nya gupindruge vbakari gwanu; khu litshigu nya likhumi nya ngima nya livbandre na wuvili, mu na hala, mwatshavbo mu si thumi gilo, vamune tigo ni va nya guta va vbanyago vbakari gwanu.

Levhi 23:27

“Khu litshigu nya likhumi nya ngima wowu nya livbandre na mivili, a gu litshigu nya ditshedzo, mu na ramba tshangano nya guage; mu hala, mu ningela phaso nya guvbiswe mu phasela Pfhumu Nungungulu.”

Levhi 23:32

Li na bani liri litshigu nya Sabhadho nya guhefemule, mu na hala; mu na vegisa Sabhadho nya guhefemule, gukhugela silambo nya litshigu nya livbandre na mana nya ngima, kala silambo nya litshigu li landrelago.

Mitengo 29:7

Khu litshigu nya likhumi nya ngima yoyu nya livbandre na wuvili, mu na girani tshangano nya guage, mu dawulela sighoho, mu nga thumi thumo nya gulemele.

Mitengo 30:12

Aholu, mwama waye a gu dzegela gu mu himbedzela khu litshigu lolo a nga mupwago na gu sambanya, yatshavbo magana nya gusambanye gwaye nayo nya gu dzi hunge gwaye, ma dugidego khu kanani gwaye, kha ma na tiya gilo, kholu mwama waye a mu himbedzede; khu guralo, Pfhumu Nungungulu a na mu tsetselela.

Mitengo 30:14

Aholu mwama waye a gu mupwa a si mu himbedzeli, a vbindrisa matshigu, kharalo a gu yeyedza gu dzumela gusambanya ni magana yatshavbo a dzi hungidego khayo mwangadzi waye; tiyiside gifungo gyogyo, kholu degude khu litshigu a nga mupwago na gu funga.

1 Vakorinto 11:3

Aholu, nya gu vbweta mu dzitini gukhenu Kristo khuye hungo a fumelago vathu vatshavbo, kha nga mwama a fumelago nyamayi, kha nga Nungungulu a fumelago Kristo.

1 Vakorinto 11:9

Gambe khandri mwama a nga girwa khu kota nya nyamayi, aholu, nyamayi khuye a nga girwago khu kota nya mwama.

1 Vakorinto 7:5

Mwama ni ngadzi mu nga bombelani, vbavbandze nya gupwananeni gumba tshangana matshigu nya gukari, khu gufela gu dzi ningela milombeloni. Na ma vbede matshigu yoyo, tshanganani gambe, gasi mu si sengwi khu Sathane khu kotani nya gumba dzi phara gwanu.