Mitengo 30:12 - Bhibhiliya Nya Guage

¹² Aholu, mwama waye a gu dzegela gu mu himbedzela khu litshigu lolo a nga mupwago na gu sambanya, yatshavbo magana nya gusambanye gwaye nayo nya gu dzi hunge gwaye, ma dugidego khu kanani gwaye, kha ma na tiya gilo, kholu mwama waye a mu himbedzede; khu guralo, Pfhumu Nungungulu a na mu tsetselela.

Mitengo 30:12 Iomraidhean Croise

Jeremiya 44:17

Aholu, ethu hi na gira satshavbo iso hi hungidego gu gira, si gu esi: Gu vbisela libani Pfhumugadzi ya Ndzadzini, hi ningela gwaye miphaselo nya wadwa kha nga idzo hi nga bani hi gu gira ni vababe vathu, vafumeli ni manganagana yathu, madhoropani ya Judha ni dzindzilani dza Jerusalema; khu matshigu yoyo, ethu hi di gu mana guhodza nya gungi, hi di gimbila na hi tsakide nyamba garadzwa khu gilo.

Jeremiya 44:19

Vanyamayi va di engedza gu ganela, khavo: “Wa gu alakanya gukhuwe avbo hi nga bani hi gu vbisela libani ni gu gira miphaselo nya wadwa ga Pfhumugadzi ya Ndzadzini, ni gu gira sibaba nya gu mu khozele, gu diri silo nya gu si khugele nyamba tidwa khu vama vathu, gani?”

Mitengo 15:25

Muphasi nya mhamba a na gira phaselo nya guditshedzwe sighoho ga tshangano watshavbo wa na Israyeli, avo va na tsetseledwa, kholu va giride sighoho khu wuhangi; ni gu avo va reside ningelo wawe, a gu phaselo nya guvbisele Pfhumu Nungungulu ni phaso wawe nya gulivbe sighoho mbeli ga Pfhumu Nungungulu, va si giridego khu guphazama.

Mitengo 15:28

Muphasi nya mhamba a na girela muthu yoyo a ghohedego Pfhumu Nungungulu khu wuhangi, phaso nya gulivbe sighoho, uye a na tsetseledwa.

Mitengo 30:11

mwama waye a gu mupwa na gu sambanya a si mu himbedzeli; gisambanyo gyaye gi na tiyiswa, ni magana a dzi hungidego khayo ma na tiya.

Mitengo 30:13

Magana yatshavbo yaye nya gifungo, ni gusambanya gwaye gwatshavbo a dzi hungidego khugo gasi gu dzi nogisa hefemuloni gwaye, si na tiyiswa mwendro gu ganedzwa khu mwama waye.

Mitengo 30:5

Aholu, babe waye a gu mu himbedzela khu litshigu lolo a nga mu pwago na gu sambanya, ni magana yatshavbo a fungidego, kha ma na tiyiswa; Pfhumu Nungungulu a na mu tsetselela, kholu babe waye a mu himbedzede.

Mitengo 30:8

Aholu mwama waye a gu dzegela gu mu himbedzela khu litshigu lolo a mupwago, uye a na bani na tshulegide ga gisambanyo gyaye, ni magana yatshavbo ma dugidego khu kanani gwaye, a dzi hungidego khayo. Khu guralo, Pfhumu Nungungulu, a na mu tsetselela.

1 Vakorinto 11:3

Aholu, nya gu vbweta mu dzitini gukhenu Kristo khuye hungo a fumelago vathu vatshavbo, kha nga mwama a fumelago nyamayi, kha nga Nungungulu a fumelago Kristo.

1 Samuweli 1:23

Mwama waye Elikana a di mu hakha, khuye: “Gira esi u si wonago na siri sadi; khala gaya kala u digisa libele gyanana; kala Pfhumu a tiyise magana yaye.” Khu guralo, nyamayi a di khala gaya a dandrisa gyanana kala gu enedza matshigu nya gu gi digise libele.