Mitengo 28:6 - Bhibhiliya Nya Guage

⁶ Owu khu phaso nya guvbiswe nya litshigu ni litshigu, wu vegidwego kha nga nayo gigomoni ga Sinayi, gasi wu khale phaso nya gunungele gwadi wu vbisedwago Pfhumu Nungungulu.

Mitengo 28:6 Iomraidhean Croise

2 Dzikoronika 2:4

Wona, nyi ngu vbweta guvbaha nyumba yi lumbago lina la Pfhumu Nungungulu wangu. Yi na khala nyumba nya miphaso, nyi vbisela umo libani mbeli Gwa Pfhumu, ni gu vega umo sibaba nya miphaso matshigu yatshavbo, ni miphaselo nya guvbiswe dzimindrudzile ni silambosile, khu dzisabhadho ni gumega nya ngima, ni mibuzo ya Pfhumu Nungungulu wathu; a gu fanelo nyamba vbela ya Israyeli.

2 Dzikoronika 31:3

Mufumeli a di dusa gambe gipandre nya thomba yaye, gasi gu gira miphaselo nya guvbiswe vbadzimindrutunu, vbasilambotunu, dzisabhadho, ni gumega nya ngima, ni matshigu nya mibuzo, kha nga idzo gu lovidwego khidzo nayoni wa Pfhumu Nungungulu.

Ezira 3:4

Va gira Buzo nya Mitshatsha, kha nga idzo gu lovidwego khidzo; va ningela miningelo nya guvbiswe, khu litshigu ni litshigu, khu magirelo yakone ni nayo wakone nya fanelo nya litshigu ni litshigu.

Dzindzimo 50:8

Kha nyi gu kawuki khu kotani nya miphaso yago nya dzimhamba, mwendro miphaso yago nya guvbiswe u nyi girelago gikhati gyatshavbo.

Ekisodha 24:18

Mosi a di bela vbakari nya lipfhi a gu lita vbatshani nya gigomo. Mosi a di ya khala gigomoni gipimo nya magumana matshigu, wutshigu ni mihani.

Ekisodha 31:18

Hwane nya gu Pfhumu Nungungulu na vbedzide gu ganela ni Mosi gigomoni gya Sinayi, a di mu ninga mapulango mavili nya Wufakazi, siwindri si lovidwego khu nyala ya Nungungulu.

Ezekiyeli 46:14

Enu nenu, mu nata gumogo naye, dzimindru dzatshavbo, mu resa ningelo nya wuguvbi ga Pfhumu Nungungulu, gitundru nya livbandre na moyo midhomu, ni mafura, gipandre nya wuraru nya deva, gasi gupfanga ni wuguvbi nya gudadatwe. Oyu khuye nayo wu na simamago kala gupindruga.

Ezekiyeli 46:15

Gu na dongisedwa kharati nvutana ni ningelo nya wuguvbi, gumogo ni mafura, si na reswa gugya ni gugya, gasi gu gira phaso nya guvbiswe wu na ningedwago gikhati gyatshavbo.”

Levhi 27:34

Khiso esi sileletelo pfhumu Nungungulu a leletedego Mosi, ga sanana sa Israyeli, gigomoni ga Sinayi.

Levhi 6:9

“U na ninga milayo yeyi Aroni ni sanana saye: Eyi khu milayo nya miphaso nya guvbiswe. Phaso nya guvbiswe wu na khala vbagikhotunu wutshigu watshavbo kala vbadzimindrutunu; nilo wa vbagiluvelotunu wu na simama wu dzura.

Amosi 5:25

Enu va na Israyeli, avbo mu nga bani muri giwulani gipimo nya magumana myaga, ina mu di gu nyi girela miphaso nya guhodze, gani?

Mitengo 28:5

U na ningela gambe gipandre nya likhumi nya efa nya wuguvbi nya wadi, na wu sugidwe khu gipandre nya wu na nya deva nya mafura nya guhutwe gasi gu gira ningelo nya guhodze.

Mitengo 28:7

Ningelo wakone nya wadwa, wu na bani wuri wa gipandre nya wu na nya deva ga gihambana nya guhegule; vbinyu nya yadi yi fanede gu khala mhamba nya guvbaladzedwe Pfhumu Nungungulu Wulangani nya Guage.

Vafilipi 2:17

Ambari gu lomba gu ningela womi wangu nyi gira mhamba nya phaso gasi gu pata ni miningelo yanu nya gukhodwe ga Nungungulu. Eni si ngu nyi tsakisa, gambe nyi ngu hengela gutsaka gogu ni enu mwatshavbo.