Mitengo 26:65 - Bhibhiliya Nya Guage

⁶⁵ Kholu Pfhumu Nungungulu a di ganede khu mahungu yawe gukhuye va na yafa giwulani; gambe mwalo a nga tshalago, vbavbandze ga Kalebi, mwamana wa Jefoni ni Josuwa, mwamana wa Nuni.

Mitengo 26:65 Iomraidhean Croise

Dzindzimo 37:9

Kholu va nya likhulo va na fuviswa, aholu oyu a tumbago Pfhumu Nungungulu a na fumela litigo.

Ekisodha 12:37

Sanana sa Israyeli si dugide khu dhoropani ga Ramesi va phara ndzila nya guhongole Sukoti khu mawundru. Va diri gipimo nya livbandre na limwedo magumi mazana nya mazana (600.000) vama nyamba sayela vanyamayi ni sanana.

Mitengo 14:26

Pfhumu Nungungulu a di embela Mosi ni Aroni, khuye:

Mitengo 14:32

Aholu ga enu vambe, sirumbi sanu si na thegela giwulani momu.

Mitengo 14:35

Eni Pfhumu Nungungulu nyi ganede isoso; Nyi na gira kharalo ga tshangano yoyu nya guvivbedwe khu monyo, wu nyi wugedego; va na vbela giwulani momu, va fela umo.

Mitengo 14:38

Aholu Josuwa, mwamana wa Nuni, ni Kalebi, mwamana wa Jefoni, vamowo nya vale va nga bani va hongode guholelelatunu nya litigo, kha vafa gilo.

Mitengo 27:3

va ganela, khavo: “Babe wathu fude giwulani, aholu a diri mwalo vbakari nya avo nya tsawa wa Kore va nga wugelago Pfhumu Nungungulu. Aholu uye fude khu kotani nya sighoho saye, nyamba tshiya sanana nya sikhwathana.

Mitengo 34:19

Malina ya vama vovo khaya: Ga lihundzu la Judha, khu Kalebi, mwamana wa Jefoni;

Varoma 11:22

Wona gwadi gukhuwe Nungungulu khwadi, aholu, a ngu garadza gambe. A ngu garadza ga vale va nga thega. Gwago uwe khwadi. Aholu gu vbwetega u vbanya khu edzi wu lombago khidzo wuwadi waye. Wa gumba gira kharato, u na kokedwa nuwe.

Dhewuteronome 1:36

vbavbandze ga Kalebi, mwamana wa Jefoni; uye a na li wona, litigo a li gandridego khu ngondro waye, nyi na mu ninga uye gumogo ni sanana saye, kholu uye simamide gu landrisa Pfhumu Nungungulu.

Josuwa 5:4

Josuwa a di va hanisa wugwera khu gighelo gegi: Kholu vama vatshavbo va nga dugago khu Egipito, vama va nga somago nyimbi, vatshavbo va di fude giwulani na va guta khu Egipito.

Judha 1:5

Ambari ulo mu matigo gwadi mahungu yaya, nya gu vbweta gu mi dundrugisa gukheni Pfhumu, hwane nya gu na tshude vathu va na Israyeli, a va dusa tigoni ga Egipito, a di mbembisa vatshavbo ava va ngamba khodwa.