Mitengo 26:10 - Bhibhiliya Nya Guage

¹⁰ Aholu mafu ma di hama ma va midza avo gumogo ni Kore gufa tsawa wule, nilo na wu gu dagaredzisa mazana mavili ni livbandre magumi (250) vathu. Esi si giride kha nga gikombiso.

Mitengo 26:10 Iomraidhean Croise

Ekisodha 16:35

Sanana sa Israyeli si hodzide manaha gipimo nya magumana myaga, kala va gu vboha tigoni va vbanyago vathu. Va hodzide manaha kala va gu vboha vbinganoni nya litigo la Khanani.

Jeremiya 29:22

Gu na dzegwa avbo gwawe magana nya givalo nya dzikhumbi dza Judha dzi guromo Bhabhiloni, khavo: “Pfhumu Nungungulu a na gu gire nga Zedhekiya ni Akabi, avo va nga vbiswa khu nilo na va guvbanya khu mufumeli wa Bhabhiloni;

Ezekiyeli 14:8

Nyi na dwana ni muthu yoyo, nyi mu gira giwonelo ni gilo nya gihegiso. Nyi na mu mbembisa vbakari nya vathu vangu, mu na dzitini nya gukhenu Eni kheni Pfhumu Nungungulu.

Mitengo 16:2

Va di wugela Mosi na vari ni mazana mavili ni livbandre magumi vama nya sanana sa Israyeli, a gu vathangeli nya tshangano va hathidwego, vari vama va gu ni wuzundzo.

Mitengo 16:38

Khu sombo soso nya libani va ghohidego khiso va luza ni womi, girani khiso sivbambato nya guleme khiso giluvelo; kholu si ningedwe ga Pfhumu Nungungulu, iso niso si na agiswa, gasi si khala gialakanyiso ga va na Israyeli.”

Mitengo 17:3

Aholu lina la Aroni u na li lova avbo nya ndronga ya Levhi; kholu muthangeli ni muthangeli nya linyumba la vababe vawe a na bani nari ni ndronga.

Mitengo 27:3

va ganela, khavo: “Babe wathu fude giwulani, aholu a diri mwalo vbakari nya avo nya tsawa wa Kore va nga wugelago Pfhumu Nungungulu. Aholu uye fude khu kotani nya sighoho saye, nyamba tshiya sanana nya sikhwathana.

Dhewuteronome 11:6

Niso a nga girelago Dhatani ni Abhiramo, sanana sa Eliyabhi, nya lihundzu la Rubheni; idzo mafu ma nga hamago khidzo ma va midza gumogo ni mapango yawe, mitshatsha yawe ni vatshavbo va nga emago navo, vbakari ga va na Israyeli vatshavbo;

Dhewuteronome 28:46

Silo sesi si na dugelela ga uwe gumogo ni situgulwana sago kha nga giyeyedzo ni gisamadziso kala gupindruga.

2 Pedro 2:6

Nungungulu mbembiside mayigo ya Sodhoma ni Ghomora, a ma pfhungumula khu nilo, kha nga giyeyedzo nya esi si na gu giregago ga ava va nya guvivbedwa khu myonyo.

Judha 1:7

Gufanana ni Sodhoma ni Ghomora ni mambe madhoropa ya vbafuvbyana mule, avbo va nga dzi ningelago wubhayini ni ga gighoho nya gubhayane khu wama wawe, madhoropa yoyo, ma khade giwonelo ga vathu vatshavbo, ma gu mana tsayiso nya nilo nya gupindruge.

1 Samuweli 2:34

Iso si na giregago ga sanana sago, Hofini ni Fineya, si na bani siri giyeyedzo gwago; vatshavbo va nafa litshigu limwedo, gasi u khodwa gukhuwe esi nyi ganedego lisine.