Mitengo 24:8 - Bhibhiliya Nya Guage

⁸ Nungungulu duside Israyeli khu Egipito, a mu ningide tshivba nya gufanane ni nyari, Uye a na vbedza mayigo ya valala vaye, a na pandrelela marambo yawe a va hekha khu sighalala sawe.

Mitengo 24:8 Iomraidhean Croise

Dzindzimo 2:9

U na ma pandra khu ndronga nya dzisimbi, u na ma khungumulela kha nga kanvu nya libumba.

Dzindzimo 21:12

kholu uwe u na va tutumisa u khwandra wulaho u va hekha girumbu, u gu va bayisa khu sighalala.

Dzindzimo 45:5

Siholoma sago si lodzidwe, si ngu hekha monyo wa valala va Mufumeli; mayigo yatshavbo ma nguta khoza avbo gwago.

Dzindzimo 45:6

Uwe Nungungulu, gikhalo gyago nya wufumu gi ngu simama kala gupindruga; ndronga nya gululame, i ndronga nya wufumu wago.

Ekisodha 23:22

Aholu wa gu yingisa lito laye, u landrisa satshavbo esi yi gu embelago, Eni nyi na bani nyiri nala wa valala vago, nyi gu dwanela ga ava va gu wugelago.

Isaya 38:13

Eni nyi di degula kala gugya, kholu u di gu nyi fanyeledzela marambo yangu, gukhwatshi u nghala; gukhugela vbadzimindrutunu kala silambo, wa gu nyi vbedza tshivba.

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Jeremiya 50:9

Kholu wonani nya gukhenu eni nyi na resela Bhabhiloni mitsawa ni sidzemo sa mayigoni nya makhongolo si tago khu Wuronga, va nata wumba gikwata va dwana naye kala va mu pala; matshari yawe, ma na fanana ni ya ndrena yi gengedego ni limwedo kha li na wuya mahala.

Dhaniyeli 6:24

Mufumeli a di dusa nayo nya gukhuye va reswa vama vale va nga ketsari Dhaniyeli vata rinywa phalani nya dzinghala, gumogo ni vagadzi vawe ni sanana sawe. Avo na va si gu vbohi vbavbatshi, dzinghala dzi di va ndragela dzi va vbadzulela marambo yawe yatshavbo.

Mitengo 14:9

Mu nga wugelini Pfhumu Nungungulu, gambe mu nga thavi vathu va tigoni mule, kholu, avo va na khala guhodza gwanu. Va mwalo wuthavelo kholu Pfhumu Nungungulu a na ni ethu. Mu nga va thavi!”

Mitengo 21:5

Vathu va di wugela Nungungulu gumogo ni Mosi, khavo: “U hi dusede ginani khu Egipito, gasi hi ta fela giwulani momu? Omu gu mwalo guhodza mwendro mati, olu hi garade khu guhodza gogu nyamba khurisa.”

Mitengo 23:22

Pfhumu Nungungulu a va duside khu tigoni ga Egipito; Uye a va ningide tshivba nya gufanane ni nyari.

Mitengo 23:24

Wonani vathu va khugago kha nga nghala nya ngadzi, va khuga va ema kha nga nghala nya matune, kha yi ruli na yi si gu hodzi pfimba waye, na yi si gu seli novba wa avo va songidwego!”

Matewu 2:15

Aya khala iyo kala gufa ga Herodhi. Gu di tadzisega kharati iso si nga ganedwago khu Pfhumu khu ga muprofeti, khuye: “Khu Egipito nyi ranide Mwamana wangu.”

Dhewuteronome 32:23

Nyi na wungedzela gwawe mabango nya mangi, nyi na vbedza siholoma sangu khu gu va khwandrela.

Dhewuteronome 32:42

Sighalala sangu nyi na si lovega novbani, (makoke wangu wu na hodza nyama), khu novba nya avo va fudego ni sibotshwa ni mihungo ya vathangeli ya valala.

Dhewuteronome 7:1

Gikhati Pfhumu Nungungulu wago a na gu vbohisago ga litigo uyago umo gasi guya li fumela, avbo a na gu bani a tutumiside mbeli gwago, a va yisa hwindzo, vathu nya mafumbu nya gutale: Vahiti, Vagerazi, Vaamori, Vakhanani, Vaferezi, Vahevhi ni Vajebhuzi, livbandre na mavili mayigo ma gu na ni vathu nya vangi ni tshivba guvbindra uwe;

Josuwa 2:10

Hi pwide gupwani Pfhumu Nungungulu bangiside mati nya yiphwa nya Gufuvile mbeli gwanu, gikhati mu dugidego khu tigoni ga Egipito, ni edzi a mi sayisidego khidzo khisikheyi nya tsongo wa Joridhani, ga vafumeli vavili nya Vaamori, Seyoni ni Ogi, ava mu va mbembisidego.