Mitengo 24:7 - Bhibhiliya Nya Guage

⁷ Khu sifefeni gwawe gu na khulunga mati, ni wulime wawe wu na naganiswa khu mati nya gutale. Mufumeli wawe a na khusega guvbindra Agagi, ni mufumo waye wu na bani wuri ni tshivba.

Mitengo 24:7 Iomraidhean Croise

2 Samuweli 5:12

Khavbo avbo, Dhavhidhe a di pima gukhuye Pfhumu Nungungulu a mu tiyiside gu khala mufumeli wa Israyeli, ni gu khusedza mufumo waye khu kotani nya lihaladzo ni vathu vaye.

1 Dzipfhumu 4:21

Solomoni a diri ni tshivba ga mifumo yatshavbo, gukhugela tsongoni wa Ewufrate, kala tigoni ga Vafilisitiya, kala ni vbinganoni wa Egipito. Mifumo yeyi yi dita luva ga Solomoni ni gu mu thumela matshigu yatshavbo nya guvbanye gwawe.

1 Dzipfhumu 5:1

Hiramo mufumeli wa Tiro, a di rumela sithumi saye ga Solomoni, kholu a dipwa gupwani Solomoni todzidwe a wumbedwa gu khala mufumeli wulangani ga babe waye Dhavhidhe, kholu Hiramo gikhati gyatshavbo a di gu golana ni Dhavhidhe.

1 Dzikoronika 14:2

Khavbo avbo, Dhavhidhe, a di si pima gukhuye Pfhumu Nungungulu a mu emiside gu khala mufumeli wa Israyeli; kholu mufumo waye wu di khusedzwa ngudzu, khu gu godwa khu vathu vaye va na Israyeli.

Ezira 4:20

Jerusalema gambe, gu manegide vafumeli nya tshivba, va nga bani va gu khozisa mayigo yatshavbo ya khisikheyi nya tsongo wa Ewufrate, va nga bani va livbedwa khupo ni mihengo nya gikhaba.

Esiteri 3:1

Khu hwane nya satshavbo sesi, mufumeli Asuwero, a di khusedza Hamani, mwamana wa Hamedhati, Muagagi, a mu vega gu khala muthangeli nya dzindruna dzaye dzatshavbo.

Dzindzimo 18:43

Uwe u di nyi vbulugisa mayungani ya vathu vangu, U nyi gira muthangeli nya mayigo; lihundzu nyamba liti li ngu nyi thumela.

Dzindzimo 68:26

Enu mwatshavbo rungudzani Nungungulu, Tshangano watshavbo wa Israyeli rungudzani Pfhumu Nungungulu.

Dzindzimo 72:11

Vafumeli vatshavbo va na khidzime mbeli gwaye; mayigo yatshavbo ma na mu thumele.

Dzindzimo 89:27

Eni nyi na mu phara kha nga gyanana gyangu nya matiwula, nyi mu khusedza vbatshani ga vafumeli nya litigo.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Isaya 30:25

Khu litshigu lolo nya gusasedwe nya gukhongolo ga valala, gu na manega vbatshani nya sigomo satshavbo nya gulaphe mitsongo ni sitsongwana nya mati khulungago, avbo gu na gu thegago makhokhola.

Isaya 48:1

Upwani esi, enu nyumba ya Jakobe, mu ranwago khu lina la Israyeli, mu dugelago lihundzuni la Judha, mu sambanyago khu lina la Pfhumu Nungungulu, mu khozelago Nungungulu wa Israyeli, aholu nasiri khu lisine ni gululama.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 51:13

Uwe u khadego vbakari nya mitsongo nya mati nya mangi, u fumide khu dzithomba, gambe gu vbohide mahegiso gwago ni makolo yago ma vbede.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Mitengo 24:20

Avbo Bhalahama a nga wonago Amaleki a di mu profeta, khuye: “Amaleki khuye nya guphele ga mayigo yatshavbo. Aholu khu mahegiso a na mbembiswa.”

Johane 1:49

Natanayeli a di mu hakha, khuye: “Rabi! Uwe u Mwamana wa Nungungulu; u Pfhumu ya na Israyeli.”

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 17:1

Yi dita ngilozi mweyo nya dzile nya livbandre na dzimbili dzi nga bani dzi pharide livbandre na sivili sikombe, yita ganela ni eni, khiyo: “Delu eno, nyi gu nonedza gu lamudwa nya gibhayi gikhongolo gi khalago wubambe nya mati nya linene,

Gutuledwa 17:15

Ngilozi yi di nyi embela gambe, khiyo: “Mati u nga ma wona ma na khaledwe khu nyamayi nya gibhayi khu mafumbu, sidzemo ni mayigo ni malimi.

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”